فوضى الحب

الثامن عشر

مروة كامت تبجي وتلطم واركان مصدوم مايعرف شيسوي يخابرعلى منو يعرف امها مطلقة ومتزوجة ومسافرة خارج العراق ووالدها دائما يسافر يكول المن شيسوي طلعت مروة كالت هيفاء تريدك دخل عليها
. ها هفو شلونج شتحسين
.. اذا انت يمي احسن شكالت الدكتورة
.. خاتونة متعرضة لضربة شمس هههه وشوية عندج فقر دم ارتاحي فد يومين ونطلعج وعد
.. اوكي بس انت راح تبقى يمي مو
- اي اكيد هفو اكدر اتصل باحد من اهلج
-ابويه هو يخابرني ماعنده رقم معين وماما صار يومين من سافرت وخالتي الي عايشة وياها هم راحت وياها مايحتاح نخوفهم علمود شوية دوخة وبعدين اذا انت يمي كلشي ماريد
- براحتج ....
- اركان انطيني ايدك .. اخذت ايده وخلتها على خدها وغمضت عيونها ... احبك اركان
دمعت عيون اركان مايعرف شيسوي
- اركان ليش تبجي شكو
- مابجي بس دخل بعيني فد شي ... تسمحيلي اطلع بره اريد ادخن شوية راح اصيح مروة يمج اوكي -- اوكي بس لا تتاخر عليه
طلع اركان وكعد بالحديقة مال المستشفى وبدا يبجي ...اتصل بسيرين وكام يبجي ويشهك - حبيبتي محتاجج وينج والله محتاجج
-شكو حبيبي كول شبيك وشصار ويه هيفاء
- باجر احجيلج ماريد اشغل بالج هسه بس حبيت اسمع صوتج - حبيبي شديصير كول
-- كولي احبك كولي
- احبك شكو   -- اموت عليج سامحيني احبك لازم اروح ....راح وبقت سيرين مثل كل مرة ماتعرف شكو دماغها جان راح ينفجر
اما مروة فه دخلت يم هيفاء .
- والله هفو انتي يحتاج يسوج استاذة بالجامعة هههه فعلا عجبني تمثيلج
- مو اكثر من تمثيلج .. اكول الدكتورة خالتج ثقة مو تفضحنه
- لا لاتخافين تحاليل غير مريضة سجلتها باسمج مريضة بسرطان الدم
-- اسم الله عليه هههههه
-- اي اي يله سوي نفسج نايمة اخاف يجي اركان
فدشوية اجه اركان جان جايب اكل وياه
مروة- اركان اني بابا اجه عليه لازم اروح عفية لاتعوف هيفاء وحدها ودكتورة بشرى موجودة خالتي هم وصيتها عليكم
-- اي اخذي راحتج اني موجود وياها
- اني اسفة تره كتلهم خطيبها حتى تبقه هنا يمها لان مانكدر نتصل باهلها  -- اوكي اوك
راحت مروة وبقو وحدهم
- بشنو حاسه هسه  -- عندي شوية دوخة يمكن لان جوعانة .... --- اي جبت اكل كومي كعدي حتى تاكلين ... -- انت وكلني
كعدت واجه اركان يوكلها جانت مشاعره مقسمة قسم يم سيرين وقسم يم هيفاء جان مقهور عليها شون بنت شابة هيج مصابة بمرض جان بس يدعي تطلع التحاليل كلها كذب نامت هيفاء وهو بس كاعد يباوع عليها ويفكر ويغفى ويكعد الا ان طلع الصبح اجو اخذو منها تحاليل وهالشغلات هو طلع بره جان كاعد بالممر اجو مصطفى وانور وسيرين ركضو عليه سلمو بس انور وجهه ثكيل
مصطفى- احجي ا ركان شبيها هيفاء شطلع ليش ماخابرتنا من البارحة  -- هسه تطلع الطبيبة واطمنه ... سيرين جانت تباوع على اركان شون ذبلان وتعبان وعيونه وارمات جانت تريد تاخذه بحضنها طلعت الممرضة ودخلو يم هيفاء سلمو عليها الدكتورة كالت استاذ اركان لازم توقع بما انك خطيبها وتعتبر فرد من العائلة الكل انصدم من سمع هالكلمة سيرين لزمت دموعها وركضت بره اركان وقع وسريع طلع وراها
-- سيرين اتتظري خلي افهمج
-- شتفهم بعد صرت خطيبها ...
-- ولج لا البارحة هيج كلنا حتى اكدر ابقه هنا
- اي روح ابقه ...وكامت تبجي
- ولج لاتزيديها عليه الي بيني مكفيني تره هيفاء عدها مرض خبيث
-- شنووو صدك ليش شون
-- ماعرف ليش ..تعبان اني كلش سيرين لاتعبيني وياج محتاجج وهفو هم محتاجتج اتحملي هال كم يوم لحد ماتصفه اعرف صعب عليج بس اصبري  --- الله كريم اني اروح مع السلامة راحت هيفاء والدمعة ماتفارك خدها ليش بيوم وليلة كلشي انكلب واتغير ليش هيج صار طبعا من تضوج الشي الوحيد الي يطلعها من الكأبة هي الكتابة ......
خوفا يتملكني..
هواجس تنتابني.. فقدانك اصبح قريبا .. احس بذلك
قلبي يوجعني.. وعقلي في تفكير وحيرة من امري...
نعم .. ادركت قدوم هذا اليوم ..
سياتي لا محالة ...
لكني لم ادرك ولم اعي حجم الالم الذي صاحب فقط تفكيري به ..
فكيف بحالي وانا فيه؟
يا الهي ... لا اعلم ما حل بي..
ماذا يصيبني..اصبحت مشوشة ..
هائمة. مشتتة ...
وكل هذا بسببك انت ...خوفا من ...
لا استطيع قولها .. لكني ارجو الا يفقد قلبي نبضه بعدك ....
ارجو الا تفقد حياتي بريقها ببعدك ..
ارجو ان تظل عروقي تنبض بدمك ...
ارجو ان يستطيع عقلي مدوامة التفكير باي شي سواك ...
ارجو وارجو وارجو ..ومالي الا الرجاء ..
بحبك اتوسل ...وبعطفك اتامل..قربك دائما اتخيل ..
من جفاك اجفل ..
اه على قلبي الحزين وقد غلفه حزن وهم جديد ...
لا اريد ..نعم لا اريد ...اريدك انت فقط
وهذا عن عيني بعيد