She's One of the Boys•||블랙핑쿠 x 방탄소년단||•

9. Daddy Knew Him

9. DADDY KNEW HIM

-----

"Hala sh*t! Yung bag ko sa school. Nandoon pa naman yung wallet ko." Bulong ko ng maalala kong wala pala akong maibabayad sa driver.

"Ako na bahala." Rinig kong sabi ni Jungkook sa tabi ko na nakatingin sa bintana.

Ilang minuto lang ay nandito na agad kami sa harap ng gate ng village namin. Hanggang dito lang ang mga taxi dahil bawal pumasok ang mga sasakyang walang sticker para makapasok sa village.

Medyo nahiya naman daw ako ng nilibre nga ni Jungkook ang pamasahe ko. Paano ba naman kasi, phone ko lang yung dala-dala ko.

Malapit lang naman sa gate yung bahay namin kaya sandali lang kaming maglalakad.

"Kamusta naman kayo ni Taehyung?" Bigla niyang tanong kaya agad na kumunot ang noo ko.

"Kamusta ka dyan. Ano bang meron?" Tanong ko sa kanya, nakita ko lang siyang napailing-iling habang nakangiti.

"Di ka ba nililigawan ni Taehyung?" Tanong niya ulit. Napahagalpak tuloy ako ng tawa sa tinanong niya.

"Syempre…

Hindi…" naalala ko tuloy na yan yung pabiting sinabi ko kay Taehyung non. Asang-asa yung g*go na yun eh. Ang tanong, umasa ba talaga?

"HAHAHAHAHA! Weeeeeee? Lagi nga kayong magkasama." Tukso niya sa'kin na agad naman akong napairap.

"Close na ba tayo?" Sagot ko sa kanya. Kaya agad siyang tumigil sa pang-aasar sa'kin.

"Oh, nandito na pala yung bahay ko. Sige, bye!" Isasara ko na sana yung gate namin ng ikalso niya yung paa niya.

"Wait lang." Sabi niya kaya binuksan ko ulit at tinaasan siya ng kilay.

"Eh dito rin ako pupunta eh. Yaya ka ba dito?" Tanong niya sa akin kaya isasara ko na yung gate pero nakalimutan kong nakakalso pala yung paa niya kaya di ko maisara.

"Tang*na mo! Lagot ka lang talaga." Sabi ko at iniwan ko ng bukas ang gate para sa kanya.

Pumasok na kaagad ako sa bahay at sinalubong agad ako ni Yaya. "Oh, sino yan? Boyfriend mo?" Tanong ni yaya pero di ko lang siya pinansin. Yan? Magiging boyfriend ko? Like ewwwwwww… Jokie-joke lang.