#نوران
حسين بدأ يحكي تاني
حسين..و انا عندي 9 سنين كنت بلعب مع محمود لو فاكرة يعني المهم يعني حسيت بوجع في قلبي جامد مكنتش عارف ده كنت بتنساه روحت البيت مكنتش شايف اودامي خالص حاسس بوجع قلبي بس اغمى عليا بعدها و امي فضلت مخبية عليا لحد ما عرفت من عزة هي اللي قالتلي و بس يا ستي..
انا..ايه علاقة ده بان انت مشيت من المدرسة بردو
حسين..مبحبش نظرة الشفقة روحت لمدرسة تانية عمي كان يبقى صاحب المدرسة فا هو كان مهتمي بيا و كدة و عزة جات المدرسة بردو بس يا ستي و مبحبش نظرة الشفقة علفكرة
انا..انت راجل و جدع اوي حسين
حسين..شالله يخليكي😂
انا..انا مبهزرش علفكرة انت راجل و يا رب تلاقي بنت الحلال اللي تحبك و تصونك
حسين..ان شاء الله
انا..كان ليك علاقات نسائية قبل كدة
حسين..ازاي يعني
انا..قصدي يعني حبيت قبل كدة
حسين..اه حبيت و هي مش بتحبني
انا..اعترفتلها
حسين..لا
انا..اومال
حسين..شوفتها مع خطيبها و كان مبسوطة بس انا مش ناقص وجع قلب معتش مهتم اوي انا دلوقتي مركز في شغلي و اختي و اصحابي و بس مش بفكر في الارتباط دلوقتي غير لما اطمن عل عزة
انا..عزة شكلها طيبة اوي(شالله يخليكي😂)
حسين..عزة مفيش اطيب منها هي بس طايشة شوية كدة(انا ده انا بريئة احم سوري متخدوش في بالكوا😂)
انا..المهم تاكل علشان جوعت اوي عصافير بطني بتصوصو😂
حسين..تعالي تحبي تاكلي ايه
انا..معرفش عل مزاجك المهم اكل
حسين..ماشي ناكل اكلة سمك معتبرة
انا..اشطاا معنديش مانع دايسة في اي حاجة😂
حسين..شكلك كدة طلعتي مسخرة😂
انا..يا رخم يلا
روحنا مطعم حلو اوي و اعدنا ناكل لقيت حسين اكلني في بقي ضحكلي و انا ضحكتله لقيت بنت جاية علينا
البنت..الله شكلك حلو مع بعض اوي ربنا يخليكوا لبعض
انا و حسين..احنا مش مرتبطين
بصينا لبعض و ضحكنا
البنت..يبقى اكيد هتحب بعض عن أذنكوا
البنت مشيت و حسين بصلي بكسوف كدة و رجع يكمل طبقه تاني و انا كمان من غير ما حد ينطق ازاي هنحب بعض و كل واحد عنده جرح في قلبه ما يمكن كل واحد فينا يكمل التاني علشان يداوي الجرج ده انا مالي بقيت مثقفة كدة ليه
حسين..نوران خلصتي اكل
انا..اه خلصت
حسين..طيب هروح اغسل ايدي
انا..ماشي
راح غسل ايده و جيه و انا روحت بعديه و دفع الحساب و مشينا فضلنا نتمشى كتير اوي محدش بيتكلم سرحانين في المحتاج يداوي جرحنا المفتوح ده يوووه كفاية ثقافة بقى انا زهقت روحنا الشالية بس قبليها بشوية نورين بعتتلي رسالة بتقولي ان حسين عيد ميلاده النهاردة و هنطفي النور علشان يعني متتخضيش و كدة طبعا انا معرفش و مجبتلوش هدية ولا اي حاجة اعمل ايه انا دلوقتي
انا..حسين بص هروح في حتة و اجيلك سلام
سيبته من قبل ما يقول اي حاجة و روحت محل ساعات نقيت ساعة شكلها عجبني اوي شكلها حلو اشتريتها و رجعت لقيته قاعد نفس القعدة
حسين..روحتي فين يا بنتي
انا..خلاص انا جيت يلا بقى
روحنا الشالية
الكل..Surprise❤💃
طبعا حسين اتخض و نزل عليه بلالين كتير اوي و كان مكتوب Happy birthday se7so عزة جريت عليه و حضنته جامد و هو حضنها بردو و شالها و لف بيها
عزة..Happy birthday يا حبي
انا..حبيبتي😂❤
حسين نزل عزة و سلم عل الكل طبعا و كل واحد قدمله هدايا كتير اوي اما عن عزة فراحت و جات كانت جايبة كتاب كبير اوي لا عملاق يعني و فضلت تزق فيه و محمد و رمضان ساعدوها و فتحت الكتاب كان ألبوم صور و هما صغيرين و لما كبروا كان شكله حلو اوي
عزة..كل سنة و انت طيب يا حبيبي حبيت تبقى دي هديتي
حسين جرى عليها و حضنها و شالها و فضل يلف بيها كتير و هو تقريبا بيعيط نزلها و فضلت ماسكة فيه علشان دايخة
عزة..انا مش عايزة اركب المرجيحة انا الله😂
ضحكنا عليها
حسين. بحبك يا احلى حاجة حصلتلي في حياتي
عزة..و انا كمان
و حضنته(انتم هتقضوا القصة احضان ده ايه ضااه عذرا عل هذة التفاهات😂)
انا..يلا يا جماعة ننزل نتمشى بقى
حسين..يلا
نزلنا كلنا نتمشى عل بحر و كنا بنهزر و بنضحك و روحنا الشالية و نمنا
#الكاتبة
اللمة بتنسي الوجع لكن مؤقت لما ترجع لجحرك تاني الوجع هيرجع تاني و يمكن اكتر بكتير علشان كنت قربت تنساه او تنسى جزء منه لكن لما ترجع تاني لجحرك خلاص كل حاجة بترجع تاني و كمان للأسوء حسين و نوران عاشوا حياة مؤلمة بس هما نفس الطريق شكل بعد كل الوجع ده هيبقى حب ما بين الدكتور و ممريضته....
بعد مرور اسبوع بالضبط و رجعوا القاهرة و كل واحد رجع لجحره تاني
#حسين
رجعنا القاهرة و عزة هتأعد معنا كويس و نوران رجعت المستشفى هي لسة لها المرحلة التانية و التلاتة في البيت ان شاء الله هتبقى كويسة و هتخفى خالص انا متأكد
عزة..حسييييين
انا..في ايه
عزة..بقالي ساعة بنادي عليك
انا..خير
عزة..بقولك انا خارجة البس ايه ده ولا ده
انا..الاتنين ***
عزة..ليه كدة طيبة
انا..تعالي كدة
جت عندي مسكتها من ودنها
عزة..اي اي اي ودني اي ودني
انا..انا قولت ايه
عزة..البس ده😝
انا..بقى كدة
عزة..اه
انا..طيب تعالي بقى
اعدت ازغزغ فيها و هي بتضحك جامد و بتضحك بصوت عالي
محمد..حلوة اوي كدة الصورة حلوة
انا..انت صورتنا
محمد..طبعا بص كدة
بصيت عل الصور لقيته مصورنا و انا ماسك ودان عزة و انا بزغزغها و انا شيلها موقعها عل الكنبة
انا..انا عايز الصور دي دلوقتي
محمد..خدهم
اخدت الصور منه و عزة اخدت الصور مني
عزة..انا عايزة اخرج
انا..تيجي معايا المستشفى
عزة..انا بقولك انا مريضة انا عايزة اخرج ده ايه ده
انا..ده اللي عندي هتخرجي مع مين
عزة..معرفش
انا..يبقى تعالي معايا
عزة..خلاص اشطاا هروح البس
انا..ماشي يلا
عزة راحت اوضتها و انا كمان و روحت انا كمان اوضتي لبست و لقيت عزة طالعة من اوضتها و روحنا المستشفى دخلت عزة مكتبي و روحت لنوران
انا..صباح الخير
نوران..صباح النور عامل ايه
انا..تمام الحمدلله كويس و انتِ
نوران..ماشي الحال اخلص امتى بقى من القرف ده
انا..هتخلصي قريب لو ساعدتينا نخلص العلاج بسرعة
نوران..ان شاء الله
انا..عايزة حاجة
نوران..لا شكرا
انا..عن أذنك
نوران..اتفضل
خرجت برة الاوضة و روحت شوفت عزة لقيتها قاعدة عل المكتب و حاجة فظيعة شكلها فظيع اوي😂 اعدت اضحك عليها
انا..مالك يا اختي
عزة..ملل ملل ملل
انا..معلاهش
عزة..انت بكرش😝😂
انا..يا بنت الناس الطيبة
عزة..احسن احسن تستاهل😂
انا..ماشي هروح اشوف بقية المرضى و اجيلك
عزة..اشطااا
طلعت روحت شوفت بقية المرضى بس فين الممرضة اللي موجودة عل باب نوران دخلت الاوضة لقيت نوران مش موجودة راحت فين نوران دي كمان انا مش ناقص مصايب دورت عليها في الجنينة مش موجودة يا رب بقى يا رب لقيت الممرضة رجعت تاني
انا..انتِ فين و فين نوران
الممرضة..انا سيبها في الاوضة والله
انا..مش موجودة هو انا مش قولتلك انها لسة داخلة المرحلة التانية يعني محتاجة انك متقوميش من عل الكرسي الزفت ده
الممرضة..أ....
انا..خلاص انا مش عايز حلفان و قرف و كلكوا تدوروا عليها والله العظيم لو ملقتوش نوران هتشوفوا ايام سودة
روحت مكتبي و انا متعصب و عزة كانت قاعدة مش بتتكلم علشان عارفة ان انا مدايق ربنا يستر انا اللي هشيل المسؤلية كلها لو حصلها حاجة و انا كمان خايف عليها علشان انا بحبها ايوة بحبها قطع تفكيري صوت الموبيل اعلان عل وصول رسالة بفتح الرسالة و يا رتني ما فتحتها....
يتبع❤
