Dermân arardım derdime derdim bana dermân imiş,
Bürhân sorardım aslıma aslım bana bürhân imiş. (Hay hay)
Sağ u solum gözler idim
Dost yüzünü görsem deyü,
Ben taşrada arar iken
Ol cân içinde cân imiş. (Hay hay)
Mürşid gerektir bildire
Hakk'ı sana Hakk'al-yakîn,
Mürşidi olmayanların
Bildikleri gümân imiş. (Hay hay)
Savm u sâlât u hac ile
Sanma biter zâhid işin,
İnsân-ı Kâmil olmaya
Lâzım olan irfân imiş (Hay hay)
İşit Niyâzî'nin sözün
Bir nesne örtmez Hakk yüzün,
Hakk'dan ayân bir nesne yok
Gözsüzlere pünhân imiş (Hay hay)
