"Wag ka Lang mawala."
Ang aking hiling, huling subok
Huling Hila, huling suntok sa buwan
Pero parang bagyo,
Matindi ang bagsik
Mabilis naglaho
Hanggang hangin na Lang ba
Magaan pero paharang
Ikaw ang unang tumiwalag
Matapang pero duwag
Humawak pero humiwalay
Bawat himlay itinaya
Ewan ko ba
"Wag ka Lang lilingon"
Ang sabi mo sa akin
Para Hindi masyadong masakit
Hindi ko man nakikita
Damang Dama ko naman
Hirap na Hirap na akong lumangoy sa karagatan ng mga nabigong pangarap
Di ko na alam ang pagkakaiba ng Langoy at lunod
Sa kakasunod sa ulap mo
Ewan ko na.
Masasanay na din sana ako. Hindi ngayon, Hindi soon, pero sana.
Sana is better than Siguro.
