💖تغيــرنـــا💖

💔ولفـي بينـا يادنيــا💔

___________تم اليوم هداكا
وجي يوم جديد 
جت عندهم حادهم باش تروح ب ميرأ
ع خاطر بابا ميرا قاللها روحي بيها
جو خواتها سلمو عليها وجت ميرا سلمت ع امها
عبير:اهلين كيف حالك وين كنتي غاطسه
حادهم:اهو اهني عايشين وخلاص حال واحد معنداش سياره ......
عبير: ايه حق والله سياره توا ولت اهم حاجه ...
امنه:كيف حأل احمد خيرك ماجبتيش معاك
حادهم : باهي الحمدالله اوني نزلين عليه خوته ي احمد جيب ي احمد هات ..ً.
امنه: مافوقش عليه مسكين ب كبروه قبل عمره ً...
حادهم:ايه وزياده يضربو فيه والله ماهو هاين عليه قد مانعيط ونكشخ عليهم شي ً..ً.
امها ڤاطمه :كيف حال عامر وليدي وكيف حال الاولد التانين ً....
حادهم:حال النوم وخدمه وخلاص
حتي نقوللهم ابنو ولا ديرو حاجه ع رواحكم يقولولي وين الفلوس ..ً....ً.
فاطمه:ايه عندهم حق ولا توا  كل ڜي ب الفلوس....
حادهم؛ ميرا اليوم راهو بتروحي معايا
ميرا:باهي انتم هوا هدا الي فالحين فيه
حادهم:وشني تبي باقي قاعده عندهم اسبووع وباقي مش عاجبك
ميرا: ام باهي فهمت
فاطمه:خاليها تقعد معانا ولله غيرتنا جونا وباقي مونسه بنت خالتها
(طبعن هدي بنت خالتها عايشه عند خوالها هي وامها
الانه امها حياة سناء مطلقه وعايشه عند اهلها )
حياة:ايه صح مش عارف كيف ب ندير بعد ماتروحي
ميرا:عارفتگ ماتقدري تعيشي بلايا
حياة:ي عبدالواثق انتَ وحق ربي باره
ميرا:ف ثقه نعلمگ وبراده نوريگ 😂
سناء:خلاص عاد وانتم قالبتوها عرايگ
ميرا وحياة:اهو خلاص سكتنا
........
حادهم :(رن تلفونها)؛ايوا ها باهي .ً...
حادهم:هيا خوگ اتصل ووقال اني ف طريق واتو رواحكم ..... هايا نوضي ألبسي عبايتگ ي ميرا
ميرا:ام باهي
سالمو ع   ألعيله وروحو (طبعن ميرا ماتبيش تروح
روحت عين تبكي وعين تضحگ )
وصلت ميرا لل حوشهم لقيت خواتها حنان وكريمه مكسدات ع Tv
حنان:اووووو ميرا جت عندنا شني نحلم ي كريمه
كريمه:ايه والله حتي اني مش مصدقه
ميرا: الحق فيا اني الي چيتكم
حنان:خيرنا شني زعلتي نبصرو راهو
ميرا:ههههههه اني نزعل تي مستحيل
كريمه :ههههههه عرفتك بارده ماعندكش احساس
ميرا: خيركم انتم مستلميني من اول ماجيت أسكت ولا نروح ....
حنان:هههه قالتي بتروحي وبابا وين نسيتيه ...
ميرا: اه حقا هو وين
حنان : ف الحوازه والله لما  يوريگ ع بيتان عند خوالك 
( طبعن هدا بابا ميرا يخدم ف طرابلس يروح الخميس والجمعه  وبسبب هدا مش محتاكين ب باباهم هلبا
و ع قصة البيتان عند خوالهم طبعن انتم تعرفو الاباء الليبين مايبوش صغاره يباتو البري وخاصتن عند خوالهم 😂😂😂😂😂😂)

ميرا:حي ع امي توا بنحصل ف محاضرات طوال عراض
كريمه:تستاهلي وانتي شني قاعدك عندهم ....
ميرا :صار ماستحليتها فيا باهي باهي
ً.............................
رَوَحْ بابا ميرا من الحوازه
الاب:حنان حنان
حنان : انعم
الاب :سالم بنيتي طيبيلي قهوه
حنان:باهي
ومشت حنان بطيب قهوه لن نداها باباها مره تانيه
الاب:حنان
حنان:ايوااااأاااااا
الاب :شني روحت ميرا 
حنان؛روحت ايه
الاب : ناديهالي ....
حنان،:ميرا ي ميرا
ميرا:ايوا خير بلاگ تعيطي عليا شني فيه
حنان:يبيگ پابا حبيبي يسالم عليك هلبا وقالي ناديها
ميرا:حي حي توا ب نحصل تكشيخات پاهيات
ً...ً.ً...........
ميرا :ايوا بابـا
باباها: اهلين وينك وين كنتي
ميرا:اهلين پيك گنت عند خوالي
باباها:قداش مره قتلك معاش تباتي عندهم
ميرا:مـــاهو
باباها :ماهوشني  اسمعي مزال  تباتي عند خوالگ يصير كلام تاني فاهمه ولا
ميرا:😔 حاضر
...........
( طبعن الاحداث هدي صايره كلها وميرا تقري ف الاعدادي 😜وقاعدين مادخلناش ع الاحداث المهمه الي ب تغير ألعيله كلها😒😣)
نجحت ميرا ف شهاده الاعداديه
وجوها خوالها وخالتها بركولها ع خاطر نجحت وباتو عندها خالتها ودارو جو )
رضوان: خو ميرا (ينادي) :فؤاد فؤاد
فؤاد :هاني اهني خيرك شني تبي
رضوان:نبي نكلمك ف موضوع
فؤاد :قول قول
رضوان : واللهي نبي نقولك باري كلمي حياة بنت خالتي  😍
فؤاد:صار هكي تم ولا يهمك
(طبعن هدا فؤاد خو ميرا حتي هوا وفؤاد وحياة فوق راس بعضهم وهما زي الصحاب )

مرت ايام وطبعن فؤاد ماقالش الموضوع لي امه  مشي عند خواله ولقي حياة كلمها ع موضوع
حياة:لا الحق مانبيش ولاد خالتي
فؤاد : ع راحتك لكن راح تندمي
حياة:السيره هدي ماتوصلهاش لي امي
فؤاد:تم ولايهمگ
...ً..... رَوَحْ فؤاد من عند خواله
رضوان جاه ....شني صار ف موضوع
فؤاد :الحق قلتلها وقالت لا
رضوان:حصل خير
(طبعن هدا  الموضوع كله مش سامع بيه غير ميرا وفؤاد ورضوان)
تم الحال هكي مافيش اي احدأث جديد
لن جي الوقت القريا وميرا  دخلت سنه اوله تانوي
ناضت ميرا  لبست حوايجها ونوضت خوها فؤاد باش يرفعها لل مدرسه
كملت كل شي وركبو ف سياره
توا هما ف طريق
فؤاد:ميرا
ميرا:ايوا .
فؤاد :رد بالك نلقاك هكي وهكي ولا وقفه ع حد
ميرا:تي باري ي تعبان الحاجات هدي تفكر بيها غير انت
فؤاد:عارفك لكن تنبيه واجب
وصلت لل مدرسه ولقت صحباتها الي قرو معاها ف الاعدادي وطبعن ماصارش اي حاجه مهمه........
جت نصف السنه
وخوها الكبير ايهاب  يدو ع  بنت يبي يخطبها
مشي لي هلبا بنات لكن ماوفقوش
نض ف يوم من الايام نادي خوه احمد
ايهاب :ي احمد ي احمد
احمد:هاااا شني تبي
ايههاب:تي تعالا ي فرخ
احمد :ها خيرك
ايهاب :نيبگ تمشي لي امي تقوللها  تمشي تخطبلي بنت 😜**
احمدد:تم ي طيري
احمد:يما يما ‏• ‏‏ ⁽💜₎ ┋♚

امه :ها اني اهني ي وليدي
احمد:عندي ليك موضوع
امه:هههه زعما شني ولا جي حد يبي يخطبني 😂
احمد:يما😒
امه:اهو اسكتت شني هو الموضوع
احمد:قالك ايهاب باري اخطبلي بنت😜***

يتبـع....
انشالله اتكون عجبتكم قولولي رايكم فيها
وعلقولي عليها الانه تعلقاتكم سبب ف تكملتي لل قصه
طبعن القصه هد حقيقيه ف ألبعض منها من نسج الخيال وهد من كتاباتي sola_alwasola
ومش تقولو قصتي راهو مش قصتي قصت قاريبتي
واني اول مره نكتب قولولي رايكم
ماتنسوش تتعلقات حبايب قلبي