#عطر_شوك
قصص عشق لاينتهي
1
وقت الصبح
الجوو حار يسمط سمط
نايمين كل احنه بالصاله علئ المبرده
ورطووبه
وصيف 😰😰
ولجن كافي نوم كعدن ماتشبعن نوم
ليل كله افلام هنديه ....والنهار خايسات من النوم
يمه بس شويه
كومن لايجينه احد وانتن نايمات بالصاله
وسن ... اي شويه ....وتغطت بالشرشف
طبعا قبل ذاك من ذاك عنده مكيف
حاره
الساعه 10لصبح
ندئ زوجة اخوي بس تدردم 24ساعه
امي معصبه
البيت بليل انضفه ونمسح
نغسل الحوش والمطبخ
اني واختي وسن
بس ندئ. زوجة اخوي مصطفئ مايعجبها شئ بس تركب الغده ويطلع زقوم علينه من الحجي
امي تضوج منها كلش
البيت كله يضوج منه
بس شنسوي نتحملها لخاطر مصطفئ اخوونه الجبير
دك الموبايل
امي ردت
الووو. .. هله يمه.. شلونك رضاوي بعد امك ماسمعيش
رفعت راسي وطفرت لامي
سحبت الموبايل منها... الو رضاوي
شوكت تجي
الخميس
مو تنسه الي وصيتك عليه
شنو نسيته
اووف منك ... السجل الي كتلك عليه بيه قفل
ها .. اي خوش وشعندج بالقفل
اريد اكتب بيه مذكرات 😁
يدلل ابو الشوك
سديته ورجعت شلت فراشي
ورحت سبحت.... وكعدت اساعد امي بالغده
وسن كعدت هم .... وراحت تخيط
اختي وسن خياطه ...,فنانه طبعا
اكبر مني.... خريجه .... بس ماكو تعيين
امي ربة بيت.. والدي عنده محل بنفس بيتنه
ومستقرين الحمدلله
مصطفئ اخووي الجبير..... مزوج
وزوجته ندئ .. اخذه عن حب بس محد بالبيت يحبها
ماعدا اخووي مصطفئ.. تغار من كلشي وبس تتزعل
وتجينه اسبوع وعند اهلها شهر
امي ... ربة بيت معدله وفقيره كلش
مرتضئ ... ازغر من مصطفئ... طالب كليه
محافضات .... وساكن اقسام...... يشتغل بفرن قريب علئ السكن مالته.. ويدبر كروته.... ومصرفه بالقسم
اني عمري19 سنه سادس علمي... امتحنت
وجاي ننتظر النتائج
يوميه نروح للمدرسه.. وماكو نتائج
بعدهي ماجايه
قبل ماكو نفس هس انترنت وجاهزه لا
يوميه نسال ونروح وماكوو ونرجع
كلبي بيدي
شلوون بيه
خايفه من الفيزياء مو زينه بيه
بس لا اوكع بيه شلووون بيه
كلبي بيدي
اني شكلي عاديه.. حنطاويه.. شعري قصير
عيوني كبار... شكلي محبووب
مرحه
وطيبه كلش
الي بكلبي علئ لساني... بساع اعترف اذا مسويه غلط
بساع احد يفهمني من عيووني
احب القصص والروايات... احب المسلسلات والافلام
بساع احب اجوائهم واتمنئ اعيش الحب
اتمنئ اعيش نفس الافلام الهنديه
شخص يحبني
ويضحي علمودي
شخص يفقد عليه.... وصريح
شخص يحترم الحب.... ويعيشني اميرة
اميره بكلبه وبحبه...... مو اميره بوضعي
احب الصراحه والتواضع
اتمنئ ارتبط وي شخص.... قوي ومحترم
طويل شخصيه.... اسمراني
عنده جسم وخشوونه.. رجووله بشكل
اه حلمي لوحيد هذا شوكت يتحقق
احنه حالتنه الماديه... متوسطه...
اني اساعد اختي.. بالخياطه
احصل منها علئ الثوب الواحد الفين دينار
يعني اسوي خرز .. دانتيل.... كبس... طبع.. دكم... تطريز
مجرد اشياء عاديه
احصل باليوم 4 او 6 ألاف
نعمه ... طبعا
