#عطر_شوك
قصص عشق لاينتهي
2
فأجاني مسلم بطلبه
رايد يشوفني...... ورايد مقابلتي
معقووله يكون صادق وياي... لا اكيد يكذب
نفس كل الشباب وعلاقاتهم وي البنات... لا ماراح اصدكه
صدك هو اسلوبه حلوو.. ومحترم..... ومثقف بشكل
بس ماصدكه
بقينه نحجي اني وياه
صدك علاقتنه قوت وي بعض
بس نفس الشئ.... احسه نفس غيره
علئ الرغم كلشي بيه حلوو.. وكلشي بيه يشد
كلامه ... صوته.. رجولته... حته مرات غيرته حلووه
حتئ كلمه ((انجبي لج)) ترد الرووح 😍😍
استمرت مكالماتنه ليل نهار ...رسائلنه
طلب مني اعووف الشات وفعلاااا عفتها
اصر علئ انه يشووفني وحسيت كلامه صادق
دائما يقنعني انو هو مو مثل باقي الشباب .. يختلف عنهم
ماعرف ليش اصدكه
اتصلت بيه صديقتي
الاحد الجاي موعد النتائج
كلبي صار بيدي... خفت كلش... علئ الرغم بس درس خايفه منه.. اهلي كلهم يصبرون بيه وماكوو
بس ردت معدل حته اطلع كليه زينه
بعد 3ايام للاحد
ومسلم يحاول يشووفني من اطلع للمدرسه
وقنعني كلش ... وعدني بس يسال عني وعن اهلي يتقدملي مباشرتأ
وفعلا قبلت .... ورتبت نفسي
وطلعنه اني واختي وسن وانطيته العنوان واتفقت بمكان معين نلتقي... طبعا هو نفس المدينه مالتنه بس فرق 10دقائق طريق سياره.....
طلعت كلبي يدك حيل
متوتره كلش....
خايفه كلش مايكون علئ كد الثقه
الف فكره ابالي.... خاف اتندم لان هجي سويت
امشي ومرتبكه كلش... طبعا وسن ماتعرف شئ
وامشي ... ورجلي بالكوه تاخذني
شفت شخص من بعيد
نفس الملابس الي اتفقنه عليه
كلما اتقرب من ذاك الشخص.. ارتبك
لاكيته كلش.. تاكدت هو
اي هو بس مامعقووله... بقيت صافنه عليه
مااصدك
نفس المواصفات الي ابالي
طويل .. عضلات
اسمراني........
شخصيه.....من اتصالاته عرفت طبعه وثقافته وطيبته
شفته فقدت.... مامصدكه... كلشي بيه نفس فارس احلامي
تقربنه من بعض كلش وعبرت من يمه
شافني وشفته وطلعت كبل
وصلت للمدرسه .... وشفت نتيجتي
طلعت ناجحه
الحمدلله معدلي73
رجعت فرحانه ... واخيرررااا نجحت
طلعت لكيت مسلم ينتظرني... متشوق لنتيجتي اكثر مني
شفته ابتسمت اله.... وابتسملي
عرف انو اني نجحت...
رجعت للبيت بشرت اهلي.. وفرحولي كلش.. وكولها باركتلي.... رحت لموبايلي... ولكيت منه رساله... الف مبروك تستاهلين ورده.....
ضل بالي .. ياترئ عجبته لولا
اتمنه يحجي كلمه ... حته اشوف ردت فعله
شغلت بالبيت ماكدرت اتواصل وياه..
صارت ب12 بليل تخابرنه
سلم عليه.. وباركلي
ولج شنو هاي تخبلين
اني
اي لعد امي
هههه ... لاتبالغ
لا والله حلووه ورشيقه وحلوه ونازكه بشكل
بصراحه شوواكه عجبتيني كلش
صدك مسلم..... واني ماتوقعتك هجي
ليش.... شنو توقعتي
لا ماتوقعت شئ... بس نفس ماتخيلتك ونفس لشخص الي ابالي انت
هههه يله علئ بركة الله
عليمن
شبيج يولي.... خلص راح اسال عليكم واتقدم بعون الله
ليش هالاستعجال مسلم
اي والله مستعجل اريد استقر شوك وتعبت
واهلك يقبلون
امي هي تلح عليه. وتقبل اكيد ماتعرفين كلبه وحبها النه
الله يخليها الك
تسلمين.. ويخليج الها لان راح تصيرين بتها بعون الله
👩👩👩
فديت الخجلان
بقينه نسولف لصبح اني ومسلم
كل يوم هجي
حبيت كلشي بيه... تعودت عليه ... صار جزء من حياتي
اذا ماسمع صوته اخاف عليه
لان دوامه موصل. ومكان حساس
كل وقت اسال عن وضعه ... اذا راح للدوم اكون بحاله طؤارئ
اتوتر ... اخاف ... كلبي يمه
فد يوم جاي نتغده
دا اكل نزلت اللكمه بنص بلعومي اريدها تعبر ماكوو
اكوو شئ
شبيج بووويه
لا بس قصيت ...,منوو بيكم جوعان.... حته روضي هنا
اهلي كلهم موجودين... ليش شبيه
بس لا مسلم
بيه شئ....؟؟؟
لا اسم الله كون.... خل اخلص واخابر
دكيت هواي ماكووو... مشرك لايرد
لاينطي مشغوول....ولا رفض ... ولايجاوب
اووف كلبي صار نار
توترت كلش.... كل البيت حسو عليه
وجهي بين عليه.... التوتر والخوف
بقيت لل2 اتصل ونفس الشئ........; رحت للمطبخ اشرب ماي
رجعت موبايلي يدك
رحت ركض... مسلم يتصل طبعا كاتبه اسمه نور
لان صدك هو نور حياتي..... وحسيت بطعم الحب والشوق وياه..... حبيته كلش
جاوبته مسلم وين كنت
ماكوو شئ يروحي .... بس كان عندي شغل مهم
خير
اجانه هجووم ... ونقلبنه فووك لجووه وخسرنه هوواي عسكرين......
اووف ... الله يرحمهم... ويصبو اهلهم
لكيتج هوواي داكه... كان صامت وباللوكر مالتي
اها... لا بس خفت عليك ...كلبي يمك والله كلش... الف فكره اجت ابالي......
فديتج يحلوتي ....ماكو شئ متعودين
تعبان كلش شوكتي.... مااكدر احجي
عادي عيني... اخذ راحتك
باجر نحجي
صار عيني
تصبح علئ خير
وانتي من اهل الخيررر........ الصبح ادكلج
صار الصبح وتخابرنه هم
ونتراسل... قبل ماكوو انترنت ولمس
بعد يومين ويرجع مسلم من الموصل
انتظرتهن... علئ الجمر
مسلم دائما كلامه علئ مستقبلنه.....وزواجنه
من نحجي بليل.... يحجيلي عن كلشي عنه وعن اهله
اقتنع بكلامه.... واصدك بيه
كلامه حلوووو .. ومقنع
حبيته كلش.... دائما يصارحني بحبه
اغلب الاوقات...... يناديلي بسمه.... اضوج كلش
بس اغلس
بس هو عجبه طريقتي وهدوئي.
كلشي بيه عجبه..... حسب ماكال
اجه مسلم من الموصل.....
سال عني وعن اهلي بالمنطقه مالتنه.... وكله حمدتني
وجيرانه كلهم يعرفوني ويعرفون اخلاقي... واهلي معروفين... واخوتي هم
تعرفت علئ اخته فاطمه بالموبايل.... من احجي وياه ينطيني فاطمه احجي وياه... حته اهل مسلم عرفووو بعلاقته بيه
واني صارحت وسن
اول شئ عاتبتني.. بعدين من عرف النيه مالته تقبلت الموضوع
وفاطمه اخته مثقفه كلش... معيده بمعهد الناصريه
واسلوبها حلوو
ومزوجه بعيد عليهم..... معيد وياها بالكليه...
واخته الثانيه مزوجه بالبصره
عرفت كلشي صغيره وكبيره وحياته
وباجر يجون اام مسلم واخته يتقدمولي
خايفه كلش
خايفه مايجي ويفشلني
انطيت خبر لامي ولوسن.... وفرحانات علئ فرحي
واني طايره طايره من الفرح
مااوصف شعوري والله
كلش يضحك بيه
هو هذا الي ابالي.... والي احلم بيه
يارب يتم كلشي علئ خيرر
وتكمل فرحتي
يااارب
اريد باجر يجي ماكوووو
بليل متوتره كلش.... وفرحانه ..... وخايفه
بس ضايجه
معقوله يكسر كلبي ومايجي
بس يتسله بيه
ياارب ساعدني.... ولاتفشلني
نمت علئ صوت مسلم وعلئ كلامه الحلو عن مستقبلنه
وزواجنه... وين نسافر
وين نروح
كلشي حجيناه
غفيت علئ صوته وعلئ احلامي وياه
ولـلـζـڪاﯧـﮩ بـقاﯧـﮩ
تــفا۶ـل ماڪو😤
