راسمه عليها وسالفه المقابر دوختني ليش صورتي كتبت عليها مقابر ضميت الرسم جوه الزوليه وطلعت لاكيت ابو جمزه رجال جبير ويفهم وجنت كلش حاير
ابوحمزه بس سوال اذا لكيت صورتي ومكتوب عليها مقابر يعني شنو
ابو حمزه- يعني مسويلك عمل حتى تزوج اللي مخليه صورتك بالمقبره وتصير الها خادم واذا مااخذتها تموت تره وشتحجي تسمعها
افد- شنووو قشعر جسمي الحقيره طلعت مصيبه واني عبالي بريئه طبعا تريد تحسين مستوى معيشتها براس الزوج واني اجي واكل بلفه الخميره امداني اي والله ياغافلين الكم الله ابد محجيت شي كدام احد رحت كبل لمكتبها باوعتلها حايره ترجف ومتوتره تدور
رافد- علشنو تدورين
هاله- باوعتله خازرني نصيت عيني مماكو شي جسمي يرجف
رافد- على هذا طلعته من الفايل
هاله- ردت اوكع نصيت عيني ابجي بعدني
رافد- تفضلي للمكتب دااشوف شمسويه
هاله- هزيت راسي ومااعرف شراح اسوي
رافد- فاتت وجانت نهايه دوام كلهم ديطلعون قفلت باب المكتب
هاله- انداريت عليه شراح اكوله شراح اسوي انفضحت اتمنيت اني ممخلوقه مرايحه للنجف مجيت لهالشركه خليت ايدي على وجهي
رافد- اولا دموع التماسيح ماريدها ثانيا من شوكت تعرفيني وشوكت خليتي صوري بالمقابر ومن شوكت خابتني قبل لا اجي للقطر شنو شايفه صورتي ببيتنا وبده رسمج عليه وبالسحوره احجي بسرعه لا اطيح حضج ام السحوره
هاله- مسحت عيني رفعت وجهي قاطبه حاجبي انت شدتخربط
رافد- اي هاي صورتي ومخليتها بالمقابر ليش بله
هاله- كعدت انت مراح تفتهم دمعت عيني
رافد- باوعتلها فهميني وصليها لعقلي تره افضحج فضيحه
هاله- خليت ايدي على وجهي ابجي استاذ راح اقدم استقالتي بس عوفني الله يخليك
رافد- والله صوري وصور امي واني بالمقابر وحضن وبوس اني وياج خوش رسمات وترديني اعوفج كل عقلج الا اطيح حضج
وكفت امشي طلعي بره
هاله- راح احجي كلشي احجي وابجي منهاره طيني الرسم
رافد - افتريت من وره الميز وجبت كرسي كعدت يمها نزعت الستره لا ن حسيت روحي دااحتركً
