Nagulat ang dalawang katulong at rumehistro ang takot sa kanilang mga mata ng makita nila ang nanlilisik na mga mata ng donya.
''S-senyora w-wala po k-kamin--''
''Huwag niyo akong gawing tanga mga hampaslupa! Dinig na dinig ko kung paano niyo ako tinawag na baliw!'' ng makakita ng matalim na kutsilyo ang donya ay dinampot niya iyon.
Nahihindik naman na nagtatakbo palabas ng kusina ang dalawang katulong.
-=-=-=-=-=-=-=-=-=-=-=-
TAONG 1998...
BUBUKSAN na sana ng batang si Kara ang pintuan upang tingnan kung bakit tila may pagtatalong nagaganap sa silid ng mga magulang.
At nanlaki ang mga mata sa kanyang nakita.
''Sabihin mo Raymundo, sino ang babaeng kaulayaw mo sa silid na ito?! Sinoo?!!!!'' namumugto ang mga matang tanong ni Donya Caridad.
''Ilang beses ko bang sasabihing wala akong babae! Wala!'' pasigaw na pagtanggi ni Don Raymundo.
Nabitawan ni Kara ang hawak na papel na may drawing at nagtatakbo papunta sa kanyang silid.
Nagmukmok siya sa sulok ng kanyang kwarto hanggang sa maramdaman niya ang pagdampi ng isang palad sa kanyang likod.
Napangiti siya ng malaman na ang kanyang ate Dara iyon.
-=-=-=-=-=-=-=-=-=-=-=-
MAKALIPAS lamang ang ilang araw ay napuno ng pighati ang buong mansion ng mga Avilliante ng matagpuang nagbigti si Donya Caridad sa banyo.
Inilibing ang mga labi nito sa likod-bahay ng mansion. At nangako si Dara sa ina na aalagaan niya si Kara.
At simula noon, nanatiling nakasaradong misteryo ang dahilan ng pagpapakamatay ni Donya Caridad...
-----------------------------
END OF FLASHBACK
-----------------------------
NAPAKASAYA ng lahat ng marating na nila ang sinasabing talon ni Ayanne. Napakaganda ng tanawin at perpekto talagang pagdausan ng picnic.
Sa gitna ng kasiyahan ng lahat ay napansin ni Karen ang pag-iisa ni Winston. Nakaupo ito sa malapad na bato sa gilid ng tubig.
''Winston,'' tawag niya dito ng makalapit siya sa lalaki. Umupo siya sa espasyo sa tabi nito.
''Ikaw pala Karen,'' tugon naman nito.
Pakiramdam talaga ni Karen ay may bumabagabag sa kaibigan...
BINABASA MO ANG
Dara Kara
Horror(PUBLISHED BOOK UNDER LIB) Sa pagbabakasyon nina Ayanne sa San Delfin ay nakilala nila ang kambal na sina Dara at Kara. Ang masaya sanang bakasyon ay nauwi sa brutal at madugong patayan! Dalawa lang ang pinagpipilian ni Ayanne na may kagagawan ng la...
