#قصه_النصيب#
(جزء_1)
للكاتبه فردوس عبد اللطيف
بسم الله الرحمن الرحيم
انا سهاد يسمونى سميرة توفيق لكثرة الشبه الى بينى وبينهه شعرى اسود طويل بيضاء عندى شامه بخدى طويله القامه جذابه
من هذة الصفات كنت محط انظار الشباب وطمعهم احب ابن خالتى فهد وهو يحبنى ويموت على عندى اخوان 2 واخت وحده وامى وابوى
اظطريت اترك المدرسه بعد ما وصلت الرابع اعدادى مضايقات كثيرة وفهد يغار على وامرنى اترك الدراسه
بقيت بالبيت انتظر يكمل الكليه ويخطبنى بدت الخطابه على كل كم يوم يجى خاطب وليش ماتتزوج وشتنتظر اشو كاعده بالبيت
كتله فهد اشلون وتاليتهه ترى مليت اطلع عيوب بالخطابه
دز خالتى وكلمت امى وبس خطوبه اخوانى اعترضو لان بعده طالب ووراه عسكريه واشلون راح يعيشنى
بس امى حجت وياهم وكلتلهم احسن من الغريب هذا ابن اختى
صار حجى هواى بس مافاد طالما انا موافقه وامى وياي
سكتو لبسنه الحلقات واحنا اسعد اثنين بالدنيا حبيبي فهد معقوله يجى اليوم الى نجتمع بي بيت واحد
ليش ياعمرى مستبعده احنا لبعض وانت الى وماتصيرين لغيرى
فهد يوميه يجى حتى يشوفنى بس اخوانى ميقبلون نطلع ونطب وحدنه لو واحد منهم يطلع ويانه لو بالبيت وهما يكعدون يمنه
اختى سراب اكبر منى اجاها نصيب ولد من قرايب ابوى
وهماتين مخطوبه بنفس الوقت بس خطيبهه معقد وهى هم جميله وجذابه وهو يحس هى اجمل منه يغار ويحاول ياذيهه وينغص عليهه
اجه عبدالله زوج اختى وكال الخميس الجاى نتزوج
كلتله يامعود ما محظرة شي بعدنى
اشترى جاهز كلشي اكو بالسوك
نفذ الى براسه وحدد موعد العرس
تزوجو وراحت وفرغ البيت ومكانهه خالى بقيت ويه اهلى بس اختى صديقتى ضحكتنه سوة شقانه شغلنه
هذا حال البنات
ظلت امى تبجى راحت سراب وبعدين انتى وابقى اشوفكم بالمناسبات
اربي واتعب ويجي الرجال ياخذكم عالحاضر وتجونى مثل الخطار بعدين
يايما هاى سنه الحياه
انى هم بعد سنه وعايفتج
حظنتنى وتبجى قهرتنى بس خو ما نبقى كبالهه
عندى اخوى الكبير متزوج زوجته ما تنحب حتى من تشتغل بالبيت من ورة خشمهه واذا احجى اى حجايه تنقلهه لاخوى مع الاضافه طبعها نقاله كلام
اخوى موظف وعدهم اطفال 2
خلص فهد امتحاناته وبالعطله يشتغل باسواق حتى يجمع وهم ينطبنى مصرف خطيه شما يصير عنده فلوس بجيبهم الى مرة اشتغل عماله واجه ظهرة مكسور وصاير اسود من الشمس
