#قصه_النصيب#
(جزء2)
للكاتبه فردوس عبد اللطيف
فهد بقتله سنه ويتخرج ياربي شيخلصهه اشلون بينه
حجخ ويه خالتى يوم كملت فلوس الغرفه احجى ويه خالتى بلكى نحدد موعد العرس اى يمه تدلل وانى هم عندى شويه ذهب هم ابيعهم واخذهم كمل لوازم العرس
باس راسهه ...ربي لا يحرمنى منج عمرج طويل
يمه اريد اشوف جهالك كبل ما اموت
عمرج طويل حبيبتى امى
اجوى حجو ويه امى
كلتلهم خلى اسال ابوهه واخوتهه
اقتنعو اهلى ابوى اخوتى لان هم ما يصير رايح جاى وهم يفضوهه انشلع كلبه خطيه يوميه يجي
حددو موعد العرس بعد شهر
رحت اشتريت ملابس العروس ومكياج وكل لوازم الى تحتاجهه العروسه
ما ظل شي بنفسي فساتين
يوم الخميس الحنه حددنا
الو سراب تعالى حبيبتى منو غيرج يوكفلى
اشو صوتهه مخنوك
ميخالف حبيبتى اجيج جم سهاد عدنه
جتى الخميس من الصبح اشو مزوركه مبين كاتلهه الحقير
اشبيج سراب احجيلي
لا ماكو شي
من نروح للصالون احجيلج لاتسمع امى ومرت اخوج وتصير قصه
رحنا للصالون لج دحجى
الحقير ميريدنى احضر عرسج يغار يشعر بنقص
هو انى شعندى غيرج منو يوكفلى بهيجى يوم انت اختى الوحيده
اعرف حبيبتى نزلت دموعه
لاتقهرينى بهيجى يوم
لا حبيبتى معليج بي
سورنا تسريحات ومكياج ولبسنه بدلات الحفله انى فستانى مارونى وسراب بنفسجى
طلعت سميرة توفيق بشبابهه
اخذنه صور بالستوديو ويه فهد من شافنى ظل يطفر
لج والله ما عرفتج غططى وجهج لا تنحسدين
انى دنكت وخجلت
رحنا للبيت كملنه حفله الحنه غنه وركص وتونسنه احلى يوم بحياتى
صارت الجمعه الزفه هم رحت صالون ولبست الفستان الابيض حلم كل فتاة بين فرحانه وبين خايفه صحيح فهد ابن خالتى ونحب بعض بس حبنا كان برىء وما فد يوم تجاوز العادات والتقاليد لهذا السبب كنت خايفه
اجوى اخذونى لبيت خالتى وانى كلى ارجف خايفه
دخل العريس وانى مدنكه وكانى اشوفه اول مرة كانه شخص غريب
من شافنى خايفه افتهم
طلع ودزلى خالتى طططبعا امى من ودعتهه كلبتهه مناحه وبجى كانهه بعد مراح تشوفنى ودموعى نزلن وخربت مكياجى
دخلت خالتى ها حبيبتى سهاد اشبيج خايفه ابقى يمج وفهد نطرده ينام بالهول انى ضحكت
حجت وياي شويه شججعتنى
وراها دخل فهد لكانى مبتسمه وكانت احلى ايله لاثنين احبو بعض حب طاهر بريء
للحكايه بقيه
