مي- ادخل
كرار- عادي احجي وياج ماريد ابقى وحدي
مي- تعال جان صوته مخنوك وعيونه حمر
كرار- كعدت على سريرها عالحافه وهي كاعده ومنتجيه بالتاج وماده رجلها
باوعتلها احساس غريب اريد احجيلها كلشي بس خاف اضعف وابجي ومخازي
مي- تقربت منه خليت ايدي على كتفه وباوعت بعينه تدري من حجيتلك همي شون ارتاحيت حسيت انك تعرف كلشي عني مو انسان مااعرفه باوعلي وغرغرت عينه
كرار- همست اخاف احجي ودمعت عيني
مي- اعتبرني روحك ودتحجي وياها ابتسمت
كرار- حته وي روحي مااحجي بهالموضوع
مي_حسن صديقك حاجيله
كرار- ابد
مي- زوجتك المرحومه
كرار- ابد بس عي بت خالتي تعرف انه تزوجت غير ابويه متدري بالقهر
مي- ممكن تحجيلي حتى ترتاحواذا متريد كيفك
كرار- ماريد باوعت بعينها
مي- اللي يريحك تعال تمدد حسيته تعبان كلش
وقررت انام بغرفه الجهال
كرار- خاف تضوجين
مي- لا انام يم زوزو من تغفه اطلع
كرار- هزيت راسي موافق ماريد ابقى وحدي من انام روحي
مي- مراح تبقى وحدك جان كلش غير انسان كانما زيد طفل تعبان ضليت اتلمس شعره وهو صافن بغير عالم كلسا تدمع عينه الله اليعلم ششايفه عيونك كلتها بداخلي ضليت ساكته على غفله حجه
كرار- جنت صف سادس ابتدائي ومتعلق بيها اكثر من ابويه تدرسني وتحبني وجنت اشطر وانضف طالب بالمدرسه على غفله كل هذا تغير رجعت من المدرسه فد يوم لكيتها بغرفه النوم فتحت الباب مقفوله كانت باوعت من زرف المفتاح امي وي رجال غير ابويه تخبلت واني توني بمراهقتي انهاريت وره ساعه نزلت كتلها ضربتني وكلتلي اذا حجيت اروح ويا وبعد متشوفني تغيرت امي صارت متديرلي بال ولا تدرسني ولا تسويلي اكل لو تغسلي هدومي وابويه شغله كله سفر يتعب علمودنا وهي تنطي لغيره مره من المرات جنت مريض كلش صخونتي عاليه بقت تداريني ممصدك بيها دك جرس البيت وذلعت من غرفتي وقفلت الباب عليه باوعتلها لمي عينها مدمعه تتلمس راسي اني مصخن كلش وهي تقفل الباب حتى ترتاح وي حبيبها تدمرت وره ساعه فتحت الباب تعاركت وياها ضربتني وهددتني تترك البيت واني متعلق بيها اتوسل لتعوفيني
اخر مره من داارجع من المدرسه اندعمت فتحت سحاب تراكسودي ورفعت الفانيلا باعي هاي ضلعين تكسرت اثر الدعمه كلش تاذيت خابرت عليها كلتلي شوي واجيك للمستشفى اتصلت بوالدي اول طياره اجه ركض للبيت شافها وي حبيبها تخبل ثاني يوم اجاني للمستشفى والدي يبجي وسالته عنها كالي طلكها وسافرت وي حبيبها واني هاي حالتي بالمستشفى ومن ذاك الوكت مسالت عني ابد
ربيت ببيت خالتي اول سنه خالتي حبابه بس زوجها يضوج مني لان امي خاينه ابويه رجعت لبيت ابويه متزوج ومرته حامل عاملتني مو زين اكلي مو شي كله لفات دبس متسوي اكل بس لابويه ومن صار عدها جهال اهم شي جهالها واني محد بحالي قررت اعتمد على نفسي اني اسوي لروحي اكل اني اغسل هدومي كملت دراستي خالتي كلتلي تزوج بتي واني خجلت اردها هي الوحيده اللي جانت تحبني تزوجت بتها واني اموت منها متفاهمت وياها هي طينه واني طينه تحب تطلع بالسنه عشر مرات واني احب الهدوء والاستقرار والرزانه وهي رعنه الله يرحمها ماتت وبقيت هنا ومن خدامه لخدامه
لحد مالكيتج صدك استقرت حياه الجهال وحياتي مرتبه صارت
باوعتلها ابجي وهي هم جانت تبجي
مي- ماعوفكم بعد والله
كرار- اسف ماصدك اي مره بعد
للحكايه بقيه…
