🔻
ماذا لو { اكسو في رامز تحت الارض}
-البداية:
رامز جلال:السلامو عليكو ورمضان كريم وكل سنة وانتو طيبين...ويارب مايقطعلنا عادة ولايحرمكم مني ولا يحرمني منكم ويارب قوينا علي فعل الخير و ابعدنا يارب عن اذيه الغير وكتر من الليك والشييييير...
ضيوف حلقتنا انهاردة يا جماعة غير آي ضيوف جوم البرنامج..انا لما سمعت اسمهم احترت هم فرقة ولا مسحوق غسيييييل...بس لما بحثت عنهم عرفت انهم عيال جامدييييين اوووي قاهرين قلوب العذارى سفاحين السيدات اكلين كل الجوائز ولا بيهم حاجة عيال هربانه منهم لدرجة أنهم كل رمضان يعملوا كومباك يانااااس وحدوا الله..عشان كده قلت اجيبهم من بلادهم عشان يقابلوا قضاهم مع العبد لله وانتقم منهم واعرفهم ان الله حق
اكيد في منكم مش عرفينهم كويس انا بقي هقولكم هم ميييين..."سوهو" هو قائدهم بس هو مش قائد عادي هو قائد لمجموعة من المجانييين فأكيد بعد اعدته معاهم أصبح كأنه واحد معاه شهادة معاملة اطفااااال بقي يمشي يقول انا مش عرفني انا توهت مني انا مش انااا يا حول الله مع ذلك يبقي هو الأب الحنين لعياله ..."سيهون" هو أصغر واحد فيهم الواد يا جماعة بالرغم من كمية التناكه اللي فيه إلا أن كل البنات بتتهبل عليييه ومع ذلك يبقي فيفي الكلب بتاعه هو الاعز علي قلبه وهاري الفانز بتاعه بصور غريبة يااخي خربيت اللي عرفك علي الانستجراااام ...أما "تشانيول" يا جماعة فده حكايته حكاية فاكر نفسه وجهه الفريق ليه ياعم مافيش حد حلو غيرك وبالرغم انو اهبل واحد بالفريق إلا انه حساس اوفر لدرجة انك لو ذكرت ودانه👂 بالموضوع ممكن يضربك كف يرجعك بطن أمك تانييي...
"دي او" بقي يا جماعة هو اللي أثبت للكل أن كل قصير مكير فأوعي تستصغره لانو هيعمل معاك الجلاشه لمجرد انو يبص عليك نظرة واحده ممكن تقع من طولك لدرجة أن النخلة تشانيول بيخاف منه ويعمله ألف حسااااب ياخي ايه الجباروت ده كله...
"كاي"هو الشكولاته السايحه بتاعه الفريق واد دحلاب كده يرقص الرقصة من هنا البنات يغمي عليها من هنا ومش راضي يرحم حد حرام عليك ياشييييخ وبالرغم من كده اني سمعت انه علي علاقة وطيدة بسمنة كريستال بس سابها عشان مضرة بالصحة يلا احسن..."بيكهيون" ده بقي يا جماعة متخصص ايلينر الفريق يامااااا البنات قطعت شراينها من كتر جماله وحلاوة صوته عيل سكر زياااادة لا تشوبه شائبه والقطنه مابتكدبش ولو اتجمع مع نصه التاني قول تلات ارباعه التاني تشانيول اعرف ان مصيبة هتحصل.... "تشين" ده بقي كارثة الفريق هو السبب في تصدع الكرة الأرضية صوته بيزلزل الزلازل تحس وانت بتكلمه انو بيعمالك علي انك أطرش ياعم كافيه هاي نوت وداني طفحت وبالرغم من ده كله يا جماعة إلا انو مارحمش حد من قصف الجبهاااات..
"شيومين"ده بقي العضو اللي بيستفزني انا شخصيا الواد يا جماعة اكبر واحد في الفريق وكل ما يكبر يصغر تصدقووووا
الواد خلاني اتحسر علي زهرة شبابي اللي قلبت فجل فجأة خلاني أغني كتاب حياتي يا عين ماشوفت زيه كتاب عشان كده هو اكتر واحد هفرح فيه انهاردة..
"لاي"اقول فيه ايه وهو فيه وكل العبر بالرغم انه سوبر مان الفريق واعد يشتغل بكل مكان وده اللي مندهش منه ازاي واحد تايه 24ساعة تسأله السؤال يجاوب بأجابة مالهاش أي ستين لازمة إلا اني بحترمة وبقدره علي جدعنته بالرغم من كل الظروف اللي مر بيها...."تاو" بقي يا جماعة بيغكرني بفيفي عبدو في الميك آب والاستفزاز كل شويه ينزل صور اشي تليفون دهب اشي قصر اشي عربيات اشي سلاسل الماظ ايه ياعم ارحمنا مافيش غني غيرك بالدنيا علي الأقل داري علي شمعتك تقيد ده مش ناقص يقولنا 5اموه اسكوزمي
.."لوهان"غزال الفريق الواد ده يا جماعة خلا كل البنات تتحسر علي انوثتها وبالرغم من كده هو مصر انو رجولي اوي ياشيخ حرام عليك كل الممثلات هتعتزل بسببك كل ماتظهر معاهم يقولوا عليهم شبه ابو لهب بس هحاول امسك نفسي و امري لله عشان فانزهم خطرين اوي وربنا يسترها
...وأخيرا"كريس"الراجل الذي عجز العلماء في اكتشاف استايل اهله ايه ولو كان تشانيول زرافة الفريق فكريس هو وبرج القاهرة دفعه واحده بس برج القاهرة وقف نموه وكريس فضل مكمل مش عارف طالع علي فين اكتر من كده وانا متخوف منه احسن يبوظ لنا الحلقة وربنا يعدي الليلة دي علي خير معانا ومعاكم
أمراء كوريا نجوم الكيبوب 'اكسوووووووووو'
