# حـب كـذبـة

# حـب گـذبة

خلي اعرفكم على شخصايات قصتنا اليوم 😘

هلاو اني رسل عمري 19سنه اعيش بغداد المنصور وي عائلتي المتكونه من امي وابوية واخوية الأصغر مني عمرة 13 سنه

مواصفاتي : بيضاء عيوني عسليات وكبار كلش حته اهلي يصيحولي ام عيون وعندي غمازات طولي 163 ادرس بكلية حقوق وجان حلمي من اني صغيرة اصير محاميه والحمدالله انشالله يتحقق 😌

عائلتي يعني مستوانه مو كلش يعني عايشين ع كد حالنه حته بالكلية محد يختلط وياية لان البنات جانو كلهم طاكين بس اني وشكم بنيه وياي عائلتنا ع كد الحال بس الحمدالله ام شي الستر

جانت امي دائما من جنت صغيرة تكلي بنتي اريدج من تكبرين ترفعين راسنه وتاخذين شهادتج لان الشهادة اهم شي للأنسان يعني قوته بالحياة 😏

امير : هلاو اني امير عمري 29 جنت عايش بتركيا لان والدي عنده هناك شركات ويدير بيهن وبعد ما اتمرض ابوية ضليت اني اشتغل بداله وصارلي اسبوعين من رجعت للعراق

اني الابن الوحيد الامي وابوية وعندي 3 اخوات
اني جدي بشكل يعني لا احب اتشاقه ولا اضحك واجاوب ع كد السؤال 😏
طبعا امي تلح علية تزوح تزوج بس اني ما اريد اتزوج اكول ما اريد اشيل مسؤلية من هسة خليني عايش شبابي هيج احسلي من مرة وين رحت وين جنت 😐

المهم مواصفاتي : اسمر وعيوني لونهن اصفر وشعري اشقر وجسمي معضل يعني صاااااك 😎

بيوم من الايام اجاني كرار هذا صديقي كلش يعني اخوية الي ما ولدته امي من جنت صغير واني وياه اصدقاء بس هوه عكسي يعني دائما يضحك ويتشاقه ومرح وابو بنات😜

اني كرار صديق امير خلي اعرفكم على نفسي 😎عمري 28.

مواصفاتي صااك....عيوني عسليات وابيض وعندي لحية واشقر 😌

اني صديق امير من الطفولة يعني مثل اخوية ورابي وياه صح هوه معقد شوية 😂بس شسوي الله مصبرني علية

بيوم من الايام

كرار : ولك اموري عازمك بمطعم خرافي وقريب ع كلية مال بنات خلي نروح هناك ونمتع عيونه بشوفة الصاكات شتكول 😉

امير : ولك انته فد واحد زاحف .... ماشي يلة نروح

كرار : اي لعد نريدني مثلك عقدة 😒

امير : رحنه للمطعم وكعدنة شفنا اكو شله بنات دخلو للمطعم بس بيهم بنيه جذبت نظري سبحان الخالقا عليها عيون تخبل 😍

كرار : ها ولك عجبتك 😜

امير : منوو 😕

كرار : هاي ام اعيون من دخلت وانته عيونك ما راحت من عندها 😏

امير : اكلك انته ليش صاير تلغي هواي خلينا نتزقنب ونطلع يلا 😒

كرار : ترا هية حلوة تجبر الواحد يباوع عليها 😜

امير : كرار 😡 فضها عاد

لهنا ويتنهي البارت الأول شوفوني تفاعلكم حته انشر الكم البارت الثاني 😙😙