البارت الرابع
حسيت هاي الاغنيه تتكلم عني مااعرف ليش
دورات من احنا نحس بمشاعر نحس انو كلشي بي احساس يمسنه ويلمس جزء بداخلنه
الي صار اليوم خلاني اقرر انو اتراجع عن الي
داسوي لان ميصير هذا الشي غلط وفعلا
ابتعدت وحاولت اتناسى هذا الموضوع بس ديمه
مكانت تروح من بالي وكنت كل شويه اريد اروح افوت من
يم باب بيتهم بس اكمش نفسي واتراجع
اما بخصوص سمر فلااسف يوم عن يوم
كام يصير برود بينا لدرجه انو اني فقدت الاحساس
بوجودها كمت دورات اظل يوم يومين حتى ماااذكر اخابرها وهي كامت مهلكد تخابرني بس من جنه نتلاكه
جنت اشوف الهفه بصوتها وبنظرات عيونها كنت احاول اجاملها بس ماااكدر اتقبلها ك حبيبه بس
بنفس الوقت اكو شي ديمنعني انو اعوفها
يمكن انقهر عليها لان اشوفها كلش تحبني
ومتمسكه بيه وكلت لازم اخلي نفسي بااختبار لفترة
اذا استمرت علاقتي اني سمر بهذا الشكل اتركة
حتى لااعذبها لان هي تحبني ومو ذنبها اني ماااحبها
لازم ماااستغل نقطه ضعفها
ومرت فترة وايضا التهيت بشغلي وسافرت ورجعت
والدنيا اخذتني دورات من نلتهي والدنيا تشغلنه
ننسى شويه من اوجاعنه وينشغل تفكيرنا بغير امور
وشويه حسيت اكو تغير اتجاة سمر فكلت
اني لازم ازوج حتى اخلص من التردد الي بداخلي
واكيد من راح صير زوجتي راح تبدي تتغير
مشاعري واتقربلها اكثر
واليوم خابرتها وكتلها اني عازمج على العشاء
ورحتلها وطلعتلي بكامل اناقتها
ردت اكسر البرود الي بينا ...كتلها..
......طالعه حلو اليوم
.....صدك عجبتك
....طالعه تخبلين اليوم واهمشي لبسج مابي شي
فاضح
....كلتلي اي حبيبي انت موكلتلي مااريدج تلبسين
ملابس مولائقه
....اي صحيح هيجي احله الج
.....اي جود حياتي وين راح تودينه اليوم
.....بكيفج انتي وين عاجبج تروحين
.....ياالله كون دائما تبقى هيج شوف شكد حلو
ومزاجك وردي
.....ضحكت وردي شنو ههههههه
.....اي والله شوف اليوم حتى ملامح وجهك تختلف
....هههههه ليش نافخ شفايفي لومصغر خشمي
حتى ملامحي تختلف
.....هههه لاحبيبي بس قصدي من انت موعصبي
ملامحك اصير تخبل تعرف هذيج الفترة كلها انت
معصب ومتحجي ويايه واني عفتك كلت مااضغط
عليك كلت اعوفك على راحتك
....اشكر تفهمج
...اني اشكرك لان انت بحياتي اني هوايه احبك
احسك متغلغل بيه تعرف بيوم الي مااشوف او ماااسمع
صوتك احس الهوى قل وبديت اختنك
احس الدنيا توكف عندي
.....باوعت عليها وحسيت بتأنيب الضمير لان
هي تحبني بهذا الشكل واني ادوس على نفسي حتى
اشوفها اواحجي وياها
واجاملها شنو الي سويته اني
سمعتها دكلي حيبي
.....ليش ساكت شنو الي مضوجك كلي يجوز
اكدر اساعدك
.....ماكوشي سلامتج لدوخين نفسج
يله وصلنه هذا المطعم الاكل ماله كلش طيب
ونزلنه ودخلنه للمطعم وكعدنا نسولف
.....جود صدك اريد اكلك على شي اليوم ابن
خالتي اجه يمنه وكلي
....شنو شكلج
.....يكلي جود ضابط بس ميحجي
ضحكت
....هاي منو كلج ابن خالتج
.....وشلون اكتشف بله هذا الاكتشاف الرهيب
.....يعني انت صدك ضابط وماتحجي
....لابابا ماكوهيج شي وهذا موعيب يطلع حجي
من كيفه
.....بلي انت رايح تفتيش لبيت صديقه
.....اني طخت بالي وبسرعه رجعت الكرسي وكعدت على
اعصابي
كتلها ياصديقه
.....ماجد كال صديقه شايفك بالحفله وعرفك بيوم
الي رحت علي بيتهم تفتيش حتى وياك سيارة
مال جيش
اني سكتت كتلها
....اي ذكرت بس هذا ضابط صديقي وجان عندة تفتيش ودخل لهذا البيت ودخلت وياة يعني هيج
شي عادي واني لاضابط ولاابد
ليش انتي تعرفين صديقه لاابن خالتج
....لامنين اعرفه بس اعرف مرته من جانت صغيرة
من كالت هيج اني اعصابي اشنجت كلتها
منين تعرفيها
....هما جانو بيت جوارين بيت خالتي وجنت اشوفها
دورات بس هما ورة وفات ابوهم شالو راح لغير مكان
....لعد شلون ازوجت صديق ابن خالتج
...مو هو هم كاعد بنفس المنطقه مال بيت خالتي جان
واظاهر يعرفهم
.....سمر تحجي واني الدنيا اخذتني وشالتني وحطتني
هم ذكرتني بهاي السالفه هدورة تفكيري راح لغير مكان
ماعرفت شلون كملت العشه وصلت سمر للبيت
ورحت يم بيت ديمه وكفت بعيد وشفت زوجها اجه
للبيت ودخل ورجعت نفس السالفه يوميه اروح
بلكي اشوفها
بس مكان اكو امل
بس الي اليوم المغرب دك تلفوني رقم غريب
.....الو
.....هلو ابو النسب شلونك
....منوحضرتك
....اني ابن خالتها لسمر قاصدك بخدمه
....كتله اي أمرني
....مايئمر عليك ظالم بس بماانك ضابط
....كتله يابه والله موضابط الموضوع انو صديقي ضابط
وجان تفتيش ودخلت وياة بس هاي السالفه
....جان يكول زين لعد اشكرك عبالي تكدر تفيدني
....شكو شصاير فاروق كلي
.....العائله الي رحت فتشت بيتهم
.....اي شبيهم
.....رجال ومرة متعاركين بينهم الجوارين ليش يدخلون
....كتله فهمني شنو الموضوع
....ماجد متعارك ويا مرته وضاربها وبيت جوارينهم
مدخلين وابنهم بالشرطه مااخذ ماجد للمركز على لويشً
ضارب مرتك هيج
....اني دمي فار وكفت على حيلي
.....وين هما هسه
....زوجته بالمستشفى والولد بالمركز موقفي
....كتله هسه اني اجي اجيب صديقي الضابط ويايه
....اي والله خطيه حتى نطلعه
.....فاروق انطيني عنوان المستشفى
انطاني العنوان واخذت صديقي الضابط ورحت
وكلت والله لاانعل يوميه شلون يضربها هذا الحقير
اني اعلمه
اول ماوصلت عيني منا ومنا اباوع سئلنه انو اكو وحدة زوجها ضاربها كالونه بهاي الغرفه اشرونه دكينه الباب
طلعت مره جبيرة لابسه عبايه مال راس
عد صديقي كال اني ضابط ودنشوف المريضه
عد دخلت وطلعت كالت تفضلو
باوعت هاي الانسانه الملاك مورمه وجه ازرك شفتها كلها دم
يعني هو موضاربها معذبها تعذيب معقوله اكو انسان
هيجي يسوي هذا حيوان اكثر من ماهو انسان يعني
اني غيرتي اخذتني وكلبي صار دم يعني حتى لومااعرفها
بس تشوف امراة ضعيفه مضروبه بهذا الشكل شعور يدمي القلب
يمكن اني معليه او شنو دخلي بهذا كله بس اني من يوم
الي كلبي دك الها حسيت انو اني ملزم بيها من سمعت هي مضروبه وبالمستشفى ماكدرت مااجي
يمكن حتى لومااعرفها هم كان اتصرفت بهذا الشكل
يمكن احنا بشر وعدنا اخطاء ونتصرف بعض الاحيان بطيش وبعقل طفولي بس مال يجي رجال هيجي يسوي بزوجته هذا الشي مستحيل اقبله عليه
اكرة مااكرة الرجال الي يستقوي على امراة
وهذا مدمرها مخرب شكلها اظاهر هاي مواول مرة يضربها
اظاهر متعلم ياذيها بهذا الشكل
من باوعت عليها كلبي وجعني حسيت الدم صعد براسي
صرت اعصاب كون واحد يخلي هذا زوجها جوة يدي الااشرب من دمه
اتقربت منها كتلها دكدرين تحجين
يتبع....
الكاتبه روجمان
