12
ؤوف:اخ واخيرا شفتها
خالد:ايمأ وحده فيهم
رؤوف:هديكا ليا فتره ماشفتهاش
خالد:وبالك مخطوبه البنت
رؤوف:هنا المشكله مخطوبه لولد عمها قالو
خالد:شيلها من بالك خير
رؤوف:كل مانقول بنشيلها من بالي نشوفها قدامي يلا ربي يهنيها وخلاص
خشو البنات لمرام
ندى:ياكلبه خوفتينا عليك
مرام:خشي خشي وانتي ساكته
سمر:مروووم كيف حالك
مرام:الحمدالله
نهى:هيا خشو
.....:شن انا تبيش تسلمي عليا
مرام:ملاااااااك
ملاك حضنت مرام :كلبه استاحشتك هلبااااا
مرام مع دموع الفرح:انا اكتر ياقلبي♡♡
خشو قعدو يهدرزو
خشت خديجه ام محمد
مرام:اهلا اهلا
خديجه :اهلين فيك
قعدت تسلم ع البنات ومرام تعرف فيهم عليها وندى ماتعرفش انها ام محمد ومرام قالت انه هده خديجه جارتهم
خديجه:ماشاء الله صحباتك حلوات
مرام:تسلمي
خديجه تكلم ف ندى:بنت من انت ماشاء الله عليك
ندى بخجل:تسلمي انا بنت سالم ال.....
خديجه:من خيرة الناس والله
ندى:تسلمي.
خديجه:انتي زي مرام وله
ندى:اي
خديجه:شكلي بنخطبك لولدي والله عجبتيني
ندى:انتي عندك ولد كبير
خديجه:اي خيرك مستغربه
سمر:احلفي عندك ولد كبير
ندى:وكم مواليده ولدك وانت كم مواليدك
خديجه:اي عندي ولد كبير ومتخرج ولدي مواليده90 وانا مواليد 80
سمر:بينك وبين ولدك 10سنين
خديجه:اي تزوجت بكري وجبته وبعدين معاس درت صغار
طبعا نهى وملاك ومرام ساكتين لانهم يبوش يقولو لندى انه هده ام محمد
سمر تهمس لندى:هههه هده اسمها خديجه وعزوزتك اسمها خديجه ههههه
مرام:سن تتهامسو انتي وياها
ندى:ولا شي هههه
خديجه:اي موافقه لا لا
ندى:من انا
خديجه:اي
ندى:والله مانعرف لكن اس......
خديجه:ماتكمليش غدوا نجيكم وشوفيه مرات ترتاحيله
ندى:ياخاله انا....
خديجه :غدوا جايتكم .. مرام وين امك ومريم
مرام:ف المطبخ شوفيهم
طلعت خديجه وندى قريب تبكي
ندى:شن هدا ماخلتنيس نكمل
ملاك:انتي سوفيه بالك يعجبك
ندى:اسكتي انت لنجيك
مرام:ف الليل قولي لمحمد وشوفيه
سمر:اكيد بيقول عادي لانه امه اسمها خديجه وهده اسمها خديجه
ندى:الصبر ياربي
نهى:من زيك عزوزك صغيره هههه
ندى:اسكتو غيرو الموضوع
مرام:نحس ف ملاك فيها حاجه
ملاك:هههه مس وقته انا غدوا بعد مانشوفو ندى سن بيصير فيها نقوللكم
مرام:تمام لكن مش عارفه سن بيصبرني لغدوا
سكتو شويه بعدين قالت مرام:حقا يابنات
البنات :شن
مرام:مرواني
البنات:خيره
حكتلهم مرام ع انه يحب وحده
ندى:انتي اللي تبيه راجلك ولا يعجبك يايخطب يايحب ههههه
مرام:خلاص خلي نحب محمد باش يخطبك هههههه
ندى:اخرطي اقلبي وجهك تحبي عينك
سمر:هههههههه حبي زياد
مرام:شبحت لسمر ع جنب شكلك بديتي تحبيه وتستني باش تتزوجو
سمر:ههههه طيح سعدك بالك يفسخ خهههههه
مرام باهي باهي
نهى:حتى انا نبي نحب ههههه
مرام:مايجيب غير وجع الراس
ملاك:وانتي الصادقه وجع القلب
نهى:شكله فيه حد مجروح معانا
ملاك:خلاص اسكتي ههههه
ندى:بنخلوك اليوم ع راحتك بس حتحكي غدوا
ملاك:باهي
نهى:المهم نبي نحب يجيب وجع راس وجع بطن المهم نجرب
مرام:علاش بتجربي وانتي تحبي ف الاصل
نهى:اخرطي
مرام:اي اي وحب الطفوله نسيتيه شكله
البنات:اوووووووه طلع فيه حبيب
سمر:من قولي
ملاك:هيا هيا قولي
ندى:شن شكله خوك رؤوف
مرام:هههههه لا لا مش رؤوف نقوووول
نهى:سكري فمك
مرام:لا تو نملح فمي هههههه نقول
البنات:قووووولي يافرخه
مرام:عمي خالد كانو لما صغار ديما نهى تقول لعمي نحبك انت وبس
البنات:اووووووووووه
نهى وجهها بدي احمر
سمر:مايطلع منك من وانتي صغيرة تحبي
ندى:والله اكيد توا عشق بدي
ملاك :اسكتو خلي نسألوها .....نهى انتي قاعده تحبي خالد
نهى:نقللكم لكن ماتقولوش وانتي بدات يامرام
مرام:نهى احكي وانتي تعرفيني
نهى:بصراحه قاعده نحبه بس نبيش نبينله باش مايقولش اطيح ف روحها عليا وانا اهم ماعندي كرامتي
سمر:ان شاء الله يحبك بدون ماتنهز كرامتك
مرام:نحس فيه حتى هو يحبك هههه
ندى:كيف عرفتي
نهى:حتى ولو هدا احساسك يامرام مش حقيقه ومانبيش نبني احلام بعدين تتحطم
ملاك:احسن حاجه خير ماتهتمي بيه وهو مش معدل
سمر:اي صح
ندى:شن الصح ياسمر
سمر:انه تهتم بيه وهو مش معدل
ندى:وانتي مش شايفه انه فيه ناس تعاملي فيها هكي
سمر:كيف ومن
ندى:زياد ياسمر هو مهتم بيك وانتي مش معدله
سمر:اللي داره فيا مش شويه وانا قاعده ماسامحتاش الا اذا اعترف لبوي
ندى:انتي جربي تحبيه
مرام:ندى اسكتي شن متوقعها بدون احساس ولا كرامه يمشي يعترف لبوها شن داير وبعدين تحبه ولا ترقد
سمر:حتى انا هكي رايي لانه قبل لنحب ونتمعشق لازم نرد تقة بابا فيا
ملاك ونهى:صح كلامها
ندى:اسفه سموره بس والله سخفني
سمر:حتى انا مسخفني وحنيت عليه خاصة لما شفته كيف مع اخته الكل تخلو عليها الا هو لكن اهم شي يعترف لبوي
سكتو والكل مضايق خست مريم
مريم سهقت:هدا شن
البنات :شن
مريم:الحزن اللي انتو دايرينه حتى كان ماتت مرام مادرتوش هكي ههه
مرام:اخس عليكي يابت انتي عايزاني اموت ولا ايه
ندى:اي ده تتكلمي مصري
غيرو الجو اللي هما فيه
روحو الكل وقعدت نهى مع مرام ومريم بايته عندهم
خشو خالد ورؤوف
خالد:اووةووه المشفشفه قاعده عندنا
نهى اضايقت لكن مابتش توضح:اي يالمكرووووه ههههه
رؤوف:اي مكروه ومن كان يقول انا نحب خلود وبس
نهى:دا كان زمان ياقلبي
مرام:صح كلامها مشاعر الشخص تتغير مع الكبر
خالد كيف بيتكلم بدي يتاوب:اوووه انا بنرقد تصبحو ع خير
الكل:وانت من اهله
مريم:بنمسي نرقد
رؤوف:سلميلي عليه قوليه ياقاطع من لقى احبابه نسى اصحابه
مريم:من هو
رؤوف:النوم ليه فتره ماجانيش اقلبي وجهك وسلميلي ع عبدو ههههه
مريم:باهي ههه تصبحو ع خير
مرام:من وين جاهم الادب اليوم يقولو تصبحو ع خير
نهى:ههههه علاش
رؤوف:قبل يرقدو بدون مايتكلمو
نهى:ههههه شافوني ماهو تعلمو مني الادب هيا حتى بنرقد تشاو هههههه
مرام:ادب ماشاء الله حتى انا شن بيقعدني مع رؤوفي هههههه
رؤوف:لا والله
نهى:هيا سلام وركبت
مرام:نبصر عليك راهو هيا قول سن تبي واضح انك تبي حاجه
رؤوف:سلمها اللي تفهم عليا
مرام:هيا قول
رؤوق:بنسألك ع صاحبتك
مرام:اممممممم الحكايه فيها بنوته من هي
رؤوف:صاحبتك........
