السادس
#اختفاء_ام احمد
رجعتني عمتي لااهلي واني محطمه كليا دخلت عل اختي شذى واشهك من بجي حجيت الها عل كلشي وهيه ضلت تواسي بيه وكالت ترى عمتج هيه اكيد گلبته لجميل عليج مبين ترى شغله ميحتاج الها روحه للقاضي عمتج سحاره وعل مستوى
وشلون عرفتي
انت ترى فطيره وعل نياتج هيه مبينه وهيه ساحره لزوجج ومخليته عل ميها
وهسه راح زوجه وحتى انت بيج مس
لاتخوفين مكافي الضيم الي اني بيه
تدرين امج ليش اجت ليمكم حتى تسوي سحر
المن
اكو ابنيه اخوج حبها وخطبناها بس اهلها رفضوا فاامج كالت الا اخليهم يوافقون
وعمتي هيه تخليهم يوافقون
طبعا وهسه تشوفين
منو ذوله الناس
اووو ناس امورهم توب واخوج الساقط خله عينه عل بتهم هيه وياه بالكليه وشافه بيتهم بااربع شوراع وج رحنا شفنا قصر مو بيت وامج داخل عله طمع
خطيه البنيه
اي امج وعمتج محد يكدر يوكف بوجهم
وصدك خلال اسبوع سهر خطب البنيه واهلها وافقوا وقرورا زواج يكون سوا جميل ويه سهر عل حسابي اني عرفت اني جنت مجرد اشباع لنزوات جميل مو اكثر هو لاحبني ولاشي
واجى موعد الزواج والكل فرحان ومحد يدري بالنار الي بصدري اهل زوجة سهر اشتروا لاخويه شقه وكعدوا بيها وطبعا واني حالتي زادت وبديت ادخل مثل غيبوبه وبالسبعه مال سهر اختي كالت احنه منروح نروح نشتري اني وياج تسجيلات مال قران ورقيه ومسجل ناخذه من غرفة امي وافقته وطلعنا جان براس فرعنا ابو تسجيلات واشترينا اشرطه مال قران ورقيه طبعا احنه بيتنا ابد منسمع قران ولا اكو احد يصلي وحتى برمضان منصلي ولانصوم واتعلمنا بالمدرسه عل صلاة وحفظ السور الصغار من رجعنا للبيت نبهت اختي عليه ان مااحجي ابد وان نسمع القران من امي وابويه بالدوام واتفقنا عل كتمان امر وخلصت كل امور العرس وتبعاته وبدت امي بالدوام واول مطلعت اجت اختي شذى كعدتني من نوم كومي يلا ماعدنه وكت ورحنا اخذنا المسجل من غرفه امي وحطينا بغرفتنا وحطينا الكاسيت واول مبد القران يقرا اني صدري ضاق ورحت طفيته شذى رجعت علكته وكمشت ايدي رغم ان اختي اصغر مني بس هيه اقوى مني بسبب كوني اشتغل وقليل اكل فجسمي ضعيف وعلت صوت القران كمت اصرخ واتوسل بيها طفيه نفسي تسارع وخربت (اهنا شذى هيه الي تحجي ) خربت اختي وعيونه صارت بيضه وبدت تطلع من حلكه رغوه خفت عليها وبديت اصحي بيها جبت مي وذبته عليه صحت وكامت تنفض نفض جسمها رحت طفيت القران حتى ترجع لطبيعتها وشويه صارت احسن وبذاك اليوم اختي كلشي مااكلت وحتى مي مشربت ردت منه بس تشرب مي ومن جبرته اتقياته وثاني يوم هم كررنا المحاوله بس هلمره زادت حالته سوء وعرفت الي ديصير مو بصالحها وهم مااكلت شي بذاك اليوم شكد حاولت وياها مفاد طبعا بحكم عمري مجنت اعرف ليش اختي هيج بيها جنت اعرف هيه ممسوسه بس مجنت اعرف ان لازم شخص مختص هو الي يعالجها ثانيا لازم يكون مكان طاهر واحنه بيتنا مو طاهر وكله غنه وشرب وهاي معلومات مجنت اعرفها لهذا جانت اختي تتاذى وجنت اضرها ومافيدها بس بيوم الثالث تعبت هوايه لهذا مشغلت الها قران وعفتها عاد بذاك اليوم يلا اكلت وشربت مي وراها ابد محاولت اعلك الها قران لان ظاهره مو هيجي لازم اكو جلسات ومكان طاهره هاي اشياء من كبرت يلا فهمتها وعرفت شنو علت اختي
(نرجع للبطله مالتنا )
من جنت اسمع القران احس اغب بير وصدري يضيق عليه وافقد الوعي ومن اصحى اكون كلش تعبانه وابد مااكدر اكل وقوتي خارت وصحتي دهورت كلش عبالك بداخلي شي يريد يموتني موت بطئ اذا سمعت قران ومرت يومين تبهذلت الى ان قررت اختي توقف سماعي للقران وراها رجعت اكل واشرب عادي ومرت يومين واجت عمتي عليه ترجعني للبيت وياها ورجعت للبيت وكلبي متحطم لان راح اشوف جميل ويه مره غيري ظلت غصه وخنكه بصدري وليل يلا وصلنا ظلت دموعي يجرنا بدون صوت من دخلت وشفت البيت شحاله عمتي استلمتني شغل البيت كله وتنظيف وره ماخلصت نزلت العروس هيه وجميل وحتى مباع عليه ودخلوا للحمام يسبحون سوا حسيت بدوخه وكعدت بالگاع دموعي كامن يجرن لااراديا جنت اتمنى يباع عليه ويشوفني واملي عيوني بشوفة عيونه الحلوات بس ولاعبالك اني جنت انام بحضنه ويكعد ينتظرني معقوله عمتي هيه سبب واسمع ضحكهم بالحمام سديت اذاني مااريد اسمع شي منهم عيوني كمت مااشوف بيهم من بجي غفيت شويه وكعدت مرعوبه حسيت اكو احد ويايه بالغرفه والغرفه بارده ثلج عرفت راح تجيني الحاله وبدا النفس الحار يسري عل كل جسمي ونفسي ضاق وحسيت بثكل عل صدري ومكدرت احرك لاايدي ولارجلي جنت احس اكو احد وياي بالغرفه واكو عيون حاده تتفرج عليه ردت اعيط واصرخ مااكدر لساني معقود وصوتي ميطلع وراها مااعرف شصار وكعدت اكتب كلشي مريت بيه جنت من اكتب حالتي تتحسن شويه ذكرت كل تفاصيل حاله مالتي واعرف حالتي جانت تزيد عليه
ورحت نمت وكالعاده مرت ايام واني اشوف جميل ويه زوجته الجديده واضل اتحسر واخذ حسرات وبيوم اجت عمتي عليه وطلبت مني شي غريب طلبت ان تاخذ مني شي (دم دوره) ظليت متفاجئه من طلبها وعاطت بيه طبعا لبيت الها طلبها خوفا منها
ومرت ايام وصرت مثل ميكولون جلد وعظم اكلي قليل وكمت احس باالي تملك جسمي واهنا عمتي بدت تعرف اني ممسوسه لهذا صارت احسن تعاملني كانما صرت مثلها وفد يوم تعارك جميل ومرته عركه جبيره عل اثرها طلعت هيه زعلانه من البيت جنت احس عمتي وره الشغله لان مرت جميل رادت تاجر بيت يم اهلها وطبعا هذا ميصرف الها تاخذ ابنها منها لهذا سوت الهم عمل وهججتها بداخلي فرحت بس اعرف عمتي عاميه عيونه لجميل وميشوفني ولايحس بيه ومر شهر عل زعلت زوجه جميل واعترفت عمتي بعملها الي حتى تهججها لان رادت تبعد جميل عنها وطلبت عمتي انظف الغرفه وبديت انظف مكان وفجاء اجى جميل وكلي هاي شعندج اهنا خفت منه وكتله دا انظف مكان جان يجرني من ايدي ويذبني خارج الغرفه وكلي اكسر رجلج اذا شفتج اهنا نزلت واني ابجي واحس گلبي بيه غصه وبديت احقد عليه واضوج منه مااعرف شنو سبب تغير مشاعري اتجاه صرت اتجنب اتواجد من هو موجود حتى لا احتك بيه اكثر من مره شفته يباع عليه بنظرات مريبه وتخوف جنت اعرفه ان يريد مني اكون اله مجرد نزوه عابره من تنتهي يشمرني ولا يبالي لمشاعري
تحياتي الكم_ام احمد
