العار 🔞
قصه جديده 🌷
لايك + تعليق ...للاستمرار القصة
قصه واقعيه
تفاعلوا حته اكمل القصه
#ملاحضه اليريد يتابع باقي الاجزاء اكتب تم ودز طلب موجوده الاجزاء الباقيه بالصفحه 📱
او اعمل متابعه حته من انشر بالكروبات يوصلك تاك 📲
اتمنالكم قرائه ممتعه 🌹
البارت_ الثامن + البارت_ التاسع
اني وبين نفسي قررت اصيده
كمت اروح يمه واركص وشعري اذبه عليه
بس هو كلش ثكيل يضحك بس مايسوي حركات يركص او يذب فلوس
طولت الحفله
اني خلصت شغلي بعد صعدت للغرفه بقو همه وينه البنات الي للونسه
صعدت ضايجه ومطنكره
رحت ع فراشي متديت ...
اشويه صعدت ورايه نمارق
صابرين شبيج اليوم بلاول ضايجه ومخليه وجه جينكو وانوب لعبتي جوله ع هذه الابهه
باوعت عليها بطرف عيني
ليش عيني هذه هم تردين اشفيطه انتي وامج
صابرين هاي شبيج ليش هيج تحجين امي تعبت واني بصراحه اريد اعيش حياتي مثل الناس ازوج ويصير عندي أطفال
وكعدت بصفي وخلت أيدها ع جتفي صابرين احنا لازم انعيش حياه مثل البنات حياه نظيفه
طبعا اول مره احس حجّي نمارق صحيح
اني حظنتها وظلينه نبجي
اجت أمها شافتنه نبجي
هاي اشبيجن عبالك عدكم ميت. شوفنه الخير والفلوس
ولجن هذول العز والنغنغه باجر الظهر نرجع للبغداد
اني كتله هسه امي اترزلني
لا عيني امج من اشوف الورق تسكت عيني
الله يطني خليتكم من اصحاب البيوت
شنو قصدج عيني احنه ماانجدي منج تعرفين هذه تعبي وياكم يعني هذه الحجي زايد
كبل كامت ام نمارق وجرت شعري وكالت ولج لسانج طايل ويرادله كص. تره اهنا اشاره مني اتوديج وره الشمس
نمارق كالت يمه هاي اشبيج على كيفج
اني كبل فتح الباب وطلعت من غرفتي
نزلت الدرج فتحت الباب وطلعت بره
كانت حديقه جبيره مرتبه وداير ماديرها وره وأشجار. جبيره مشيت واكعد ع الثيل وكمت ابجي بحركه
بس اني مدنكه امخليه راسي ابين رجليه
مااعرف ابجي من نسيمه لو ع حالي
ومااحس ال أيد انمدت عليه
خير ليش تبجين
اني كبل جفلت
اسم الله ع كيفج
مسحت ادموعي وكمت ماكو شي
شلت راسي وجان اشوف ولد تقريبا ٣٠ بس ماركزت ع وجه جنت خجلانه من الموقف
كال تعالي للتخافين ....
لازم ايدي وجرني كال تعالي اهنا
طبعا اني كوه امشي وهو يجر بيه اخذني ع جه البيت الثانيه
اضويه اهواي وتخم قنفات وسقيفه اتخبل يعني كعده اجنن
كال اكعدي ارتاحي يمي
هو يشرب جكاير كال اشبيج منو ويااج الي يشوفج من تركصين مايصدك هاي انتي
ليش لي تركص مو انسانه
لا انسانه بس اكول أنتن هم عليكم هم .......وضحك
اني كبل بجيت بحركه لا بالعكس اني كلي حزن
ليش امج تظربج
لا هاي مو امي
لعد منو احجي خلي اسمع اني ماجايني نوم
طبعا اني لابسه اتارك تايكر وشعري منفوش
بدايت احجي قصتي اول مره احجي عندحالي
للرجل اني عمري ١٨ بس عمري ماحسيت بعاطفه وإحساس اتجاه شخص ... لكن من احجي بشعور هز كياني ومشاعري
أنت تقرأ
العار
أدب نسائيقصة عراقية حقيقية تتحدث عن فتاة منذ صغرها مارست الرقص لتنقذ عائلتها من الفقر
