جلال : اتفضلي جوه انتضريها
مريم : شكرا ، «كعدت بالاستقبال وضليت انتضر المدرسه
جلال : اسرار سرو وينج تعالي ضيفي البنيه شي
مريم : شكرا ما اريد
جلال : دك تلفوني وجانت امي المتصله جاوبتها
الو هلو ماما اشلونج وينج
ام جلال : اهلا ابني اكلك خوما طلعت
جلال : لا ما طلعت بالبيت استقبلت هاي البنيه
ام جلال : اي ابني اكلك هذي البنين باجر عدها امتحان وما الحك اجي هسه العرس مال بت خالتك حيطول وزحمه اعوفها واجي ابني تكدر انته ادرسها بيما اجي
جلال : والله يا امي دتحطيني بمواقف ما احسد عليها وزين منو كال البنيه تتقبلني ادرسها ومنو كال تفهم عليه
ام جلال : انطيها التلفون احجي وياها واقنعها بطريقتي
جلال : العفو منج هاي امي اتريد تحجي وياج انطيتها التلفون
ام جلال : هلو حبيبتي اكولج اني اليوم ما اكدر اجي ادرسكم اسفه بس عندي ضروفي بس عندي حل اني حجيت ويه ابني جلال هذا الي استقبلج حيدرسج بس اليوم
مريم : بس ست هو يعرف
ام جلال : لتخافين بنتي هو بالكليه مرحله ثانيه يعني هذني مارات علي وهو جان متفوق بالدراسه
مريم : اوك ست، وانطيته التلفون
جلال : شنيه هيه الماده الي عندج بيها امتحان « انطتني الماده «
ماشي اول شي عرفيني باسمج
مريم : اسمي مريم
جلال :اتشرفت بمعرفتج واني اسمي جلال
مريم : الي الشرف اليوم البنات محيجون دزولي رساله حيقرون بالبيت
جلال : اوك ماكو مانع « بديت ادرسها وافهمها الماده وهيه ابد معذبتني بسرعه تفتهم الصراحه عجبتني اول شي جمال ونزاكه وثاني شي امبينه شاطره وبسرعه تستوعب «
خلصت الدرس وانطيتها اسئله اتحلهن بالبيت
جلال : خلصنه،، اشلونها الماده صعبه لو سهله اذا صعبه اعيدها
مريم : لا الماده كولش سهله. وانت مقصرت شكرا الك تعبتك ويايه
جلال : اها ..لا متعبتيني اصلا ما شاء الله استيعابج سريع
مريم : شكرا ، يله اترخص اني اروح
جلال : منو حيوصلج الدنيه صارت ليل
مريم : اخابر ابويه يجيني
جلال : اوك
مريم :« خابرت ابويه يجيني ، اجاني بس اتأخر اشويه يله اجه اخذني ورحنه »
مريم : « كولش عجبني جلال شاب مؤدب وخلوق وحلو ههههه «
مريم : مر اسبوعين واني اروح للمدرسه الخصوصيه مرتين بالاسبوع البنات الي ويايه تركو المدرسه وشافولهم مدرس خصوصي ثاني وبقيت بس اني ادرسني وحدي
وعلاقتي باخت جلال اسرار صارت قويه نوعا ما ،من ادرسني الست هيه تكعد يمنا و من اخلص انضل انسولف الئ ان يجي بابا و يوصلني
اما جلال فعلاقتي بي سلام وبس ومرات يجي يحجي ويه امه ويروح
بس اني الولد كولش عاجبني و ما اعرف احسه دخل كلبي من اول يوم شفته حتئ اني كمت اسأل اخته اسرار عنه بس واستدرجها بالحجي عرفت انو هو طالب مرحله ثانيه بكليه الطب
( اني من عرفتكم بالشخصيات كتبت انو جلال بالمرحله الرابعه ولكن من رجعت مريم للماضي فرجع سنتين ليوره )
وهو ميحب اسوالف البنات ابد ولا جانت عنده علاقه مع بنت من قبل
وعرفت منها اكثير تفاصيل عن عائلتهم
:
:
:
:الوقت -الساعه التاسعه ليلا في بيت جلال
اسرار : جلال. ☺ جلال
جلال : ها سرو ادخلي
اسرار : اشتنطيني واحجيلك
جلال : عن شنو تحجيلي عن سر منو هل مره ما اريد اسمع
اسرار : الشغله اتخصك
جلال : بين منو و منو صارت
اسرار : بيني وبين هاي الطالبه الي ادرسها ماما الي اسمها مريم اشبيك
جلال : استقمت بكعدتي واني اشجابني بيناتكو انتي وهيه
اسرار : نوء نوء نوء ،،، ما اكولك اذا متنطيني فد شي بالمقابل
جلال : شنوه الي تردي ست اسرار
اسرار : اريدك تقنع ماما اروح للسفره المدرسيه ويه طالبات صفي لان امي رفضت اروح اتكول اخال عليج
جلال : ماشي اني اقنعها بس احجي
اسرار : هذي البنيه مريم تعرف اشكد اتحاول تسحب حجي مني عنك واني اسوي نفسي ما ادرظ بيها واحجيلها
لو تعرف اشكد سئلتني عليك اخوح واخوج بس اني بينتلها علئ اساس اني فطيره وهواي احجي
ههههه متدرظ بيه اسراروووو هههههه
جلال : لج انتي اشكد ملعونه فضحتيها للبنيه خطيه شكو بيها تسئل عليه عادي
اسرار : انت اشكد خطيه متعرف بسوالف البنات اني اكولك شنو معناها تسئل عليك يا اخي يعني هيه مهتمه بييييك ويعني معجبه بيييك هاي حسب تحليلاتي وتفكيراتي
جلال : اكول اعتقيني من تفكيراتج وتحليلاتج وروحي نامي احسلج وسدي الباب وراج مو تنسين
اسرار : متصدك ابكيفك 😌 وهسه بعدين يله تتذكر كلامي وتكول اسرااار كالت ، يله اروح انام توصبحححح علئ خير 😜
جلال : « معقوله مريم معجبه بيه »
لك جلال انته اشدتفكر لتخلي افكار اسرار الشريره اتأثر عليك هاي بعدها طفله انام احسلي ورايه دوام
أنت تقرأ
حبك قضيتي «الم مرضي »
Любовные романы»ملاحطة « القصه ليست حقيقيه ولا تتحدث عني صحيح انا لدي سرطان ولكن القصه ليست عني فارجوكم لتربطوها بمرضي ،القصه باللهجه العراقيه ،الشكر موصول الئ مصممه الغلاف NOOR_BR@ شكرا جزيلا لك الوصف : القصه عن فتاه عراقيه تقع بحب شاب فيقررا الزواج ولكن قبل ال...
