كل عام و انتوا بألف خير ينعاد عليكم بالصحة و العافية ......... من زمان عنكم اشتقتلكم كثييييير بس للاسف الظروف ما بتسمحلي اني افتح الواتباد دايما و كمان ما عندي وقت ل حتى افتحة من الأساس .......... المهم ..... واخيرا قربت المدرسة متحمسة كثييييير وحزينة كثييييير بنفس الوقت متحمسة : لأني كبرت سنة ، رح أشوف صديقاتي حزينة : مضطرة إني أحذف الواتباد ، الدراسة رح تكون صعبة شوي
* رح احذفه بس ما رح اتركه يعني كل ما تسمح الفرصة رح أحمل بارت أن شاء الله ....... لو سمحتوا ادعموا الأمورة @Lur
واقرأوا رواياتها شكلها حلوة
بصراحة انا ما قرأتهم بس اضفتهم للمكتبة ل حتى اقرأهم ..... * صحيح إني مشغولة بس مستحيل انشغل عن القراءة كل يوم بقرأ تقريبا 10 أجزاء اليوم الفجر خلصت رواية بتاخذ العقل اسمها : قربان قبل يومين قرأت وحدة كثيير حلوة اسمها : عشقت مجرما .......... كيف العيد معكم ؟؟ بصراحة أنا ما بحب عيد الأضحى لأنه فيه ذبح وأنا بخاف و بقرف منه بسبب صوت الحيوان لما يموت و بقرف من دمه و كمان بحزن عليه *بعرف إني غريبة الأطوار * لهيك بضلني طول اليوم نايمة ل حتى يجي وقت الزيارات ......... انا شخصيا بحزن على الاولاد لأنهم طول اليوم زيارات والجو حر * الحمد لله إني بنت * ........ بعرف إني حكيت كثييييير وكله بلا معنى بس عقلي اليوم ضارب ههههه ........ الامورة : Lura-Malik طلبت مني إني أكتب موقف محرج صار معي احم احم 😶😶 هي قصة طويلة شوي بس رح احكيها قصدي اكتبها..... اولا أنا بمدرسة خاصة بالبنات يعني نادرا ما نشوف اولاد إلا بالجناح الاداري و أنا دايما كنت اروح هناك لاسباب بتربطني بالمديرة منه هاذي الاسباب اني كنت اخلي اغراضي عندها لانها كانت صديقة أهلي المهم .... بفترة معينة كان يجي بنات و شباب متخرجين من الجامعة بتخصص التدريس و بكونوا تخرجوا قبل شهرين بياخذوا محاضرات لتنمية مهاراتهم بالتدريس وهيك .... وانا ما بحب اختلط بالاولاد كثير على أرض الواقع ..... كنت نازلة على الدرج بسرعة ل حتى اطلع على الساحة قبل ما التقي فيهم لانهم رح يدخلوا من نفس الباب .... ولما احكي بسرعة يعني كنت اقفز كل اربع درجات مع بعض و الشلة كانت تركض وراي ومش ملحقين هههههه في بين الدرج و غرفة الإدارة انعطاف حاد يعني ما بتقدر تشوف إذا في احد قدامك المهم ... أنا انعطفت بسرعة كثير و بعدين اصطدمت بشخص او بالأحرى كنت رح اصطدم فيه رجلي صدمت برجله و كان وجهي رح يصير فيه نفس الاشي بس رجعته بسرعة لدرجة اني كنت رح اوقع على الارض ... طبعا من الصدمة وقفت وماقدرت اتحرك و لا حتى قدرت افكر .. فجأة سمعت صوته بيضحك بعدين خجلت ورحت .. بس هاي المرة كنت امشي بسرعة ولحد الان ما كنت مستوعبة ايش اللي صار بالضبط وكمان مرة اصطدمت بواحد ثاني بس هاي المرة الصدمة كانت اقل من المرة الأولى .... لهيك قدرت اتحرك بسرعة و بعدت عنهم شوي و ما قدرت اوقف فجلست و سندت نفسي على الجدار و دخلت بنوبة ضحك غريبة و المشكلة اني لما اضحك ما بقدر اسيطر على نفسي و ما بسكت بسهولة .... و الاشخاص اللي دخلوا كانوا يشوفوني و علامات الاستغراب واضحة في وجههم لهيك زادت ضحكتي وكان شكلي مثل المجانين و المشكلة الاكبر أنه صديقاتي كانوا معي بالحادثة و كمان كانوا يضحكوا معي بشكل هستيري لهيك ما قدرت اسكت ... و بنفس اليوم انتشر الخبر بالمدرسة بين الطالبات ما بعرف كيف بس هذا اكثر اشي كرهته لمدة أسبوعين تقريبا .... لانه صديقاتي كل يوم كانوا يذكروني باللي صار و بيحكولي اشياء 😶 و البنات اللي اكبر مني بسنة عملوا نفس الاشي ........ اغرب اشي بهاي الحادثة اني أنا ما انتبهت لأي اشي غير أنه أنا و اللي صطدمت فيه كنا لابسي نفس الملابس بنطلون : كحلي الجاكيت : كحلي و ابيض البوت ( الشوز) : ابيض وهذا اكثر موقف محرج حصل معي ............
انت\ي ايش أكثر موقف محرج صار معك ؟؟
......... أنا آسفة لأنه البارت قصير وممل بس أنا كثيييييييير مشغولة و خصوصا أنه عيد و مدرسة و عرس ...... ........ رح انزل بارت اسئلة و هيك ..... بأقرب وقت ان شاء الله ......... كل عام و انتوا بألف خير مرة ثانية .......



........






اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
