الــبـــارون

#Part 7

نرد حق سالفت حنان و الطلعه روان قالت لازم نطلع و راحت كلمت حنان.
روان:حنان شرايج نطلع و بنهاية الطلعه نتعشا برا و بعدين كل وحده ترد بيتها نحلل العطله
حنان:انا معندي مانع بس اشوف امي،ها يمه نروح ولا لا
نرجس:روحوا بس شوفي فوق ساعه عشر ما تطوفين الحين الساعه وحده يمديكم تستانسون.
حنان:اوله اكيد مراح اطوف ساعه عشر
خلود:بنات بسكم سوالف امشوا نلبس و نروح
روان:وين تبون نروح
خلود:نروح أي مجمع الكويت مفي الا مجمعات و مطاعم
حنان:يله امشوا وين مريوم
روان:مريم تسوي شعرها قالت بسوي شعري عشان اذا في طلعه يكون شعرها متعدل
حنان:بنروح مجمع  امشوا نتمكيج نتعدل بعدين نروح بس ما نتأخر لي المغرب.

راحوا يتعدلون انا ظليت افكر اقعد بالبيت انطرهم ولا اروح ؟.

حنان:يحظج مخلصه شعرج
خلود:مريوم بلشتي مكياج انتي
مريم:اي بس استشورت شعري
حنان:مابي استشور شعري ابي اسويه فلافل بغير شوي
خلود:انا شعري مستشور راح ارفعه فوق و ابي اتمكيج عدل
روان:مساكين كل وحده تسوي شعرها انا حمد لله حجاب

البنات يتجهزون و انا افكر اروح معاهم ولا لا اراقب ولا لا بس فكرت و اخذت قرار ان ما اروح عشان ما احسسهم فيني هذا كله مسوينه حق حنان و مبي الحاله تزيد.

حنان:انا خلصت بروح بلبس يله صارت الساعه ثلاث
روان:انا مخلصه بروح البس
مريم:انا خالصه من زمان ولابسه
روان:خلود مخلصتي يله
خلود:خلصت خلصت بلبس الحين

انا كنت انطر و اسمع اصواتهم كنت انطر اللحظه عشان اشوف حنان قبل لا تطلع وانا لي الحين متاكد من قراري و واثق احسن لي اقعد و ما اروح.

اول ما طلعوا خذت انظاري حنان و اخيرا شفت ضحكت الملاك بعد السالفه اللي انا سويته ظليت امشي وراهم بعدها راحوا .