احببت نذلا

البارت4-5-6

آحببت نذلا

Saja_Abd

بارت 4

شمس من شافت مسج رياض فرحت حيل فكرت انو وفر عليهه الاحراج من انو تحاجي بعد مخلت شرطهه و بدون حتى متناقش نفسهه ردت ع رياض و من هاللحظه بدأ كولشي . رياض عرف من خلال حديثه ويه شمس انو هي معدهه تجارب سابقه و انو هو اول شخص بحياتهه فجان يعرف كولش زين انو هي هدف سهل بالنسبه اله بس رياض جان مستغرب من نفسه انو جان مفتون بيهه مع انو مجان يسمح لنفسه انو بنت تدخل كلبه بعد تجربته الفاشله بالحب بس شمس جانت غير حب فكرة انو هو اول شخص بحياتهه و حب فكرة انو كولشي جانت تسوي وياهه هو اول مره فحب انو يمتلك هالاحساس اله حب يمتلكهه حتى تبقى اله و يبقى كولشي تسوي بس اله و بس وياه طبعا رياض بهالفتره دز صوره لشمس و شافته و حجالهه عن اهلهه و عن عائلته .
رياض : شمس اني ضابط بالجيش ( طبعا هذي جانت اول جذبه هو جان مجرد عسكري ) ؛ احنه ثنين اخوان و اخويه الي اصغر مني مسافر خارج العراق و معندي خوات و عايش وحدي ويه والدي و والدتي . بدأ رياض يحجي لشمس عن حياته و جان يحجي الي يريده و يضم الي يريده و شمس لطيبتهه و قلت خبرتهه صدكت كولشي حجالهه عن حبيبته و شلون جان يحبهه و شلون تركته و راحت لحظن واحد غيره جان اسم حبيبته بنين بهالوقت جانت اكو مشاعر داخل شمس بس تخاف تعبر عن هذي المشاعر و رياض جان يعرف انو شمس حبته و انو تعلقت بي جانت من تروح للكليه تنعزل عن الكول و تكعد تراسله و تحجي وياه و من ترجع للبيت تكمل شغلهه و تدخل غرفتهه و تعزل نفسهه عن اهلهه و تكعد تراسله جان من يجيب سيرة حبيبته بنين او يحجي عن حبه الهه جانت تموت قهر و غيره بس مجانت تحجي جانت تحس انو ما الهه حق عليه لحد ما اجه اليوم الي اعترف بي رياض بحبه لشمس .
رياض : شمس اني حاب اكولج ع شي ضامه بداخلي من زمان بس خايف تفهميني غلط و تنهزمين مني و اني مستحيل اكدر اخسرج بعد ملكيتج .
شمس : رياض احجي شكو قلقتني .
رياض : بس وعديني انو راح نبقى سوه و مراح تعوفيني مهما صار .
شمس مجانت تحتاج توصيه من رياض حتى لتعوفه لانو هي مجانت اصلا تفكر انو تعوفه لانو تعلقت بي اكثر من ما شخص يتصور .
شمس : وعد مراح اعوفك مهما صار .
رياض : شمس اني أحبج .
شمس جان جوابهه السكوت لانو معرفت شنو ترد بهيج موقف اول مره بحياتهه تسمع هالكلمه اول مره تداعب هالكلمه مسمعهه اول مره تحس انو هي مهمه عند احد و اكو احد يحبهه .
رياض : شموسه لويش ساكته ردي .
شمس : شنو اكول يعني .
رياض : احجي اي شي بس لتبقين ساكته حبابه .
شمس : بس اوعدني انو مراح تعوفني ولا راح ترجع تفكر بحبيبتك القديمه بنين .
رياض : اوعدج .. بس لحظه لحظه يعني انتي موافقه نبقى سوه و تكونين حبيبتي .
شمس : بلي موافقه .
رياض : زين كوليهه لتخليهه بنفسي .
شمس : شنو شأكول ؟؟؟
رياض : كولي أحبك .
شمس : خليهه بعدين ويه الوقت اكولهه لحد ما اتعود  عليك و اكدر اكولهه .
رياض : مراح اضغط عليج بس حاب اسمعهه منج باقرب وقت .
كول هذي الفتره و كول هذي الاحداث الي صارت ويه شمس جانت بينهه و بين رياض و بس مجان اكو احد غير سالي تثق بي و تحجيله اسراره و بهالفتره الي بقت بيهه شمس ويه رياض جانت تتصرف ع اساس اهي ملك لرياض جانت متحجي ولا عدهه علاقه ويه اي شاب و مجانت تسمح لنفسهه تفكر لغيره او تباوع ع غيره و هواي اجوي طلاب و دزو عليهه حتى يتقدمون لخطبتهه لانو جانت حيل تعجبهم اخلاقهه و عدم مخالظتهه للشباب بس هي جانت ترفض و اهلهه مجانو يضغطون عليهه لانو جانو حابين تكمل دراستهه بالاول بعدين تتزوج .
بعد علاقه اشهر بين شمس و رياض اتصلت سالي شمس و كعدو يحجون سويه جانن حيل مشتاقات لبعض و صارلهن فتره جبيره محاجيات ويه بعض و بهذا الاتصال قررت شمس تحجي لسالي عن رياض .
شمس : حابه اكولج شي بس اعرف مراح تصدكين .
سالي : احجي لج احجي انتي خبله و كولشي اتوقع منج .
شمس : بس الشي الي حكوله الج مستحيل تتوقعي مني .
سالي : هههههه لج اني كولشي اتوقع منج يالخبله بس ما اتوقع تكبلين و تحبين اي شي لاخ احجي يله .
سكتت شمس و التزمت الصمت و هنا سالي فهمت معنى سكوت شمس .
سالي : لا شمس مستحيل ممعقوله اكيد دتتشاقين مو .....؟؟؟
شمس : لا سالي مدا اتشاقه ولا اجذب الي فهمتي صح .
سكتت سالي شوي و كالت
سالي : صارلكم شكد ؟
شمس : 3 اشهر .
سالي : اااااااففففف و هسه يله تذكرتي تحجيلي .
شمس : مو هيج سالي بس انتي جنتي مشغوله و محبيت ازعجج و اعرف دتدرسين ما احب اضيع وقتج .
سالي : هذا مو عذر هذا مو اي موضوع هذا موضوع مهم ؛ ع العموم شنو اسمه ؟؟
شمس : رياض .
سالي : وياج بنفس قسمج لو يدرس شي لاخ .
هنا شمس سكتت معرفت شنو تكول لسالي لانو هن جانن يسمعن من صديقاتهن عن علاقات الحب الفاشله عن طريق النت و خافت من ردت فعل سالي من تعرف انو رياض شخص تعرفت عليه عن طريق الويجات و مو طالب وياهه بالكليه .
أحببت نذلا