اسفه على التاخير
الكاتبه اوديت خالد😽
فصليتي ام لسان
الجزء ١٣
وصلنا للبيت اهلي نزلنا اني
وحسين دك ااجرس
ورا دقايق سمعت صوت كيان
كيان:منو
ليليان:انيي😍
فتح الباب كيان وظل صافن
ومدنك راسه اني بسرعه حضنته
وظليت ابجي وهوه هم
بقه يبجي ههه ونسيت حسين
لسه وراي واكف بلشارع
ليليان:ولك ليش هيج صارلي ٤اشهر مشايفتك ليش اتتهرب مني😭😭
كيان:حياتي والله مشتاقلج كومه
بس ماكدر اباوع بعينج والله
ليليان:لتحجي هيج حبيبي الفات مات بعد
كيان:اسف لئن جبرتج على
حياه انتي مرايدتها😭
ليليان:حبيبي لتكول هيج والله
اني كولش مرتاحه وي حسين
واهله كولش حبابين ويايه🤗
وكولش يحبوني
بعدت عن حضنه وراح ل حسين
سلم عليه بلبدايه حسين سكت بس
بعدين جاو
كيان:خويه اذا عندك شي لو تريد
تسوي وحده ب وحده سويها
وياي ترا هيه مالها ذنب ان
بسبب طيشي هيج سويت
حسين:استغفر الله لتحجي هيج احنا
ماعدنه هيج شي انيً حاطها بعيوني☺️
واهلي حاسبيهه حالها حال لمار الله شاهد
كيان:الحمد الله طمنتي جنت ذيج
الفتره الليل مانامه عبالي مامرتاحه
عدكم بس الحمد الله انتو هيج
طلعتو ولد اصول
تفضل اخويه جوه
دخلنا جوه
سلمنا على اهلي وماما هواي
عاتبتني لئن ماكتلها اجيت
ورا شويه راح حسين
من طلع خابرنه ادم يجي
يبات يمنا احنه متعودين دائما
يجي يبات يمنا ونظل
للصبح كاعدين هاي جانت
حياتي كبل لا اتزوج ☺️
ظلينا اني واخوتي وادم للحد الساعه٦ الصبح كاعدين
طبعا صدك الحياه بدون اخوه متسوه
ظلينا كاعدين ساعه نباوع فلم
ساعه نسولف
ساعه نشاقه بالمخدات
وكيان كل دقيقه يسألني
مرتاحه ويا لو لا
اكوله اي
صارت الساعه ٦
كولنا نمنا بلصاله
تسريع الاحداث
صارت الساعه ٢ الظهر
بتوقيت بغداد
اروى:ماما حبيبتي يلا كعدي
رح يجي عليج زوجج
ليليان:هممم ماما خليني
انام مو هسه يجي كال العصر
اروى:حتلو حبيبتي كومي خلي اشوفج
ليليان:همم يلا كعدت
اروى :يلا حبيبي اني حسوي
الاكل وي الخدم كعدي
اخوتج وتعاليليً نسولف
ظليت اكعد بأخوتي
ساعه يلا كعدو
رحت سولفت ويا ماما
وحجيتلها على
وضعي ويا حسين ورا شويه
لين اجت يمي
وظلينا نسولف وهم سولفتلها
على حسين
ههههه خطيه ماصدكت بلبدايه
بس بعدين من راويتها الخاتم ياله صدكت
وكولش فرحتلي 😊
كظيت اليوم وي اهلي ولين
وانمار اعترف بحبه ل لين هيه
سولفتلي اليوم وهيه قابله
وهسه همه مرتبطين☺️ كولش فرحتلهم
ورا شويه حبيبي حسين خابرني
حسين:الوو هلا كلبي اشونج
ليليان:هلو حياتي زينه انته اشونك
حسين:مو زين
ليليان:شنووو ليش حبيبي
شنو شبيك مريض
حسين:هههه على كيفج خلي
احجي مابيه شي مو مريض
بس مشتاقلج ترا حرام عليج
عايفتني يوم 😞
ليليان:هههههه حبيبي عبالي
شو شبيك
ميخالف حبيبي اني اليوم
جايه واشبع مني
حسين:هههه اي يلا حضري
روحج حجي عليج هسه
ليليان:ممم حبيبي خو تعال بليل
حسين :لا والله خاف مترضين
بعد ماتحمل هسه حجيج
ليليان:هههه يلا اوكي
حسين:ههههه يلا حبي جاو حروح ابدل
ليليان:جاوو حبيبي
اجه حسين واتغده ويانا
واني بدلت ورحت ويا الطريق
كوله يتغزل بيه ومطلع اغاني
وفرني بغداد ٣ مرات
ليليان:حبيبي وديني للمولات
ضوجه شعدنه راجعين للبيت هسه
حسين:هههه ولج مو
البارحه طلعناا
ليليان:حتلوو حبيبي كولش
ضايجه خلي نفتر شويه
حسين:هههه اوكي حبيبي
يلا حنروح للمنصور
رحنا للمنصور افترينا
هواي بس ماشتريت شي ماعجبني
شي بس حسين اشتره ملابس اله
مرت هواي ساعات واحنه نفتر ورحنا للسينما😍
كتله نروح للسندباد لاند مقبل
كال اتاخر الوكت بعدين اوديج
ورا السينما رحنا للمطعم
اكلنه ورجعنا للبيت اول موصلت
سلمت على عمتي ولمار
وتلكتني لمار
لمار:ولج ياخاينه ليش طالعين بدون متكولولي😂😑
ليليان:ولج والله نسيناج
اسماء:ولج ماما ليش خاله روحج
بينهم زوح وزوجته طالعين سوه انتي شعليج
لمار:اووف ماما لعد منو يطلعني
ليليان:ازوجي وخلي زوجج يطلعج😂😂
لمار:اووع اني مازوج
ليليان:هههه اوكي عود نشوف
صعدنه لغرفتنه اني وحسين
ذكيت ملابسي كولها الخدم جايبيها
طلعت فستان نوم مستور لونه ابيض حرير لبسته ورحت تمددت ورا شويه اجه حسين نام يمي وشبكني من ورا وباسني من شفتي و.............،....،..
بعد معليكم😂😜😝
كعدت الصبح على صوت حركه
بلغرفه باوعت ذكيت حسين
مبدل مبين يريد يطلع
ليليان:صباح الخير حبيبي
شنو حتطلع
حسين:صباح الورد كلبي اجه يمي باسني اي حبيبي حطلع اروح للشركه عندي شغل
ليليان:هاا حبيبي اي وشوكت تجي
حسين:حبيبي ب ٢ الظهر
ليليان ؛هااا اوكي
حسين:صدك حبيبي اليوم عازمين
بيت عمي حيجون يتغدون يمنا☺️
ليليان:هاا حبيبي همه كم نفر
حسين:٣عمي وبناته مايا ولمى
بس دير بالج من مايا ترا هاي حيه
وادري بيها تحبني من زمان
ليليان:تحبك😒😒
حسين:ايي بس اني ماريدها
ليليان:اي اكيد هم عايز تريدها😒😡
حسين:هههه اوووي فديت الي يغار
ليليان:😒
حسين:يلا حبيبي اطيني بوسه
حطلع وانتي رجعي نامي 🙂☺️
ليليان:بسته وطلع واني رجعت نمت
مادري ليش شلت هم هايه مايا مع انو اني مشايفتها بس جان كلبي حاس
حتغير حياتي هاي الحيه😞
*********^^^^^^^^^^^^
شنوو رئيكم بلبارت اليوم وشتتوقعون شراح تسوي مايا وباجر انزل صور اصحاب الروايه😊
