Nagmamadaling magbihis si Denise dahil bibili siya ng regalo para sa BF niya na si Xander pero napatigil siya dahil pumasok ang nanay niya sa kwarto niya .
" Denise anak may pera ka ba , Hindi pa kasi nagpapadala ng pera ang tatay mo " saad ng nanay niya kaya napatingin siya dito . Hindi alam ni Denise kung ano ang isasagot sa nanay niya dahil kung may pera man siya ay para ito sa 1st anniversary nila ni Xander , gusto niya kasing surpresahin si Xander kaya nag - ipon talaga siya para dito .
" Nay ..... yung pera ko po kasi ngayon ay para sa regalo at surpresa ko kay Xander para sa anniversary namin " saad niya habang nakatingin ng malungkot sa nanay niya .
" Ah ganon ba anak , sige wag na lang siguro kaya ko naman hintayin yung sweldo ng tatay mo , sige na magbihis ka na " saad ng nanay niya na nakasimangot na tumalikod sa kanya habang papalabas ng kwarto niya , na agad nakapagpalungkot sa kanya .
" Nay .....Sandali ito na po sana kumasiya " saad ni Denise sa nanay niya at inabot ang pambili sana ng regalo at handa para sa anniversary nila ni Xander .
" Anak wag na alam ko naman na matagal mong inipon yan para sa okasyon na yan , wag na " saad ng nanay niya at ibinalik ang pera sa kamay niya , alam ng nanay niya na matagal niyang hinintay ang araw na anniversary nila ni Xander .
" Nay ...may araw at may oras pa naman po ako para makakuha ng ganyan pera , magtatrabaho na lang po ako , sige na po kunin niyo na po " saad ni Denise sa nanay niya at inabot ulit ang pera , kaya napangiti ang nanay niya .
BINABASA MO ANG
Regret Everything
Short StoryIn the end of time, sana makita ulit kita. Hanggang ngayon mahal parin kita, Hindi ako sana'y na wala ka. Bumalik ka na! Pleaseeee Denise! I'm begging you!