الجني العاشق

1

بسم الله نبدأ:
بعد سنوات من الدراسه والتعب اخيرا تخرجت من جامعتي بدرجات جدا عاليه وتساعدني احصل على الوظيفه اللي اتمناها، انا مرام عمري ٢٤ سنه توفوا امي وابوي من كنت صغيره ف تربيت بدار الايتام وبعد ما بلغت عمر ١٨ اخذني شخص وزوجني لولده ريان وكانت اسوأ ايام حياتي كان انسان بلا قلب بكل م تعنيه الكلمه وبعد منازعات بالمحاكم انفصلت عنه وانا حاليا اعيش لوحدي.
قدمت على وظيفه سكرتيرة لابن مالك شركة (كي بي) وكانت الشركه شركة ازياء وكان ابنه المدير العام، الغريب م فيه واجد او مافي احد قدم غيري! انبسطت جدا وضمنت انجح وفعلا نجحت!
دخلت مكتبي وانا متحمسه ولابسه اجمل ملابس وقعدت ارتب مكتبي واطالع مكتب مديري وكان اسمه يوسف، وانا بمكتب مديري جاء شخص يمشي بشويش وراسه بالارض وكان يمسح بيده ع وجهه، قعدت احاول اطالع بوجهه لف عليا بسرعه وقعد يطالعني من فوق لتحت وقالي: انتي سكرتيرتي الجديده؟
ابتسمت وقلت: ايوا اسمي مرام وبطلع الحين اذا تبي مني شيء ناديني.
وقفني صوته وهو يقول: حظ موفق!
طلعت وجلست على مكتبي ومر اليوم استقبل الناس الداخله وبكل مره ادخل ابي اعطيهم الشاي يقعد يطالعني مديري من فوق لتحت، شخص مريب.
باخر اليوم خرج بدري من مكتبه وقام اعطاني اسواره وقال: بكل مره يجي سكرتير جديد لازم اعطيه هالاسواره ولازم تلبسيها كل يوم عشان يكون سكرتيري مميز وينعرف من بين مليون، وضحك وقال: المهم بيجي بعد ربع ساعه شخص لا جاء اعطيه هذه الاوراق وروحي بعدها.
اخذت الاوراق وهزيت راسي بمعنى طيب، جاء بيمشي شوي ورجع وقال: لاتنسي تنظفي مكتبي قبل تروحين.
راح مديري وانا بدوري دخلت مكتبه وبديت ارتب اغراضه، شخص فوضوي جديا!
اكل هنا وملابس هناك ومناديل على الارض وكأنه مستقصد يشغلني، لاعجب ان محد قدم على الوظيفه غيري.
بعد ما خلصت توجهت للباب ابفتحه ولكن طلع مقفل، انا قفلته؟ رحت ادور على المفاتيح مالقيتها!
قعدت ادق على الباب وادق، المشكله مع ان الوقت كان بدري وفيه الكثير بالشركة لسى الا ان مكتب مديري بعيد شوي عن الضجه والناس وباقي المكاتب، يالله!
توجهت للتلفون وحاولت ادق لكن انتبهت إنه كان مكسور! بديت اشك بمديري، نظراته، كلامه، تصرفاته كلها مريبه!
يوم مشؤوم من اوله!
بعد ساعات من المحاولات يأست وجلست على الكنب وبدون ماحس نمت، صحيت ع صوت مديري العالي وهو واقف عند الباب ويقول: نايمه هنا؟؟
قمت عطول ورتبت شعري وعدلت ملابسي وقلت: آسفه.
انتبه على ملابسي وقال: اشوف انك من امس نايمه هنا، كان متعب لهدرجه تنظفي مكتبي؟
قلت: لا امس بعد ماخلصت تنظيف انقفل الباب وجوالي برا والتلفون مكسور ومهما ناديت محد يرد.
توجه للتلفون وهو يقول: الباب م كان مقفول والتلفون ماهو مكسور والوقت كان بدري وتو جاتني شكوى عليك ان الشخص اللي قلتلك تعطيه الاوراق قعد يدق على مكتبي ساعه وكان يسمع صوتك جوا وانتي متجاهلته!
طالعته بصدمه وقبل لا اقول اي شيء قال: روحي بيتك غيري ملابسك ورتبي نفسك بعدين تعالي.
رحت البيت وتجهزت وكل حاجه وجلست ابحث بالنت على معلومات عن هذه الشركه وهذا الشخص اللي اسمه يوسف، لقيت اشياء صادمه جدا!
كثير يقولوا إنه مريض نفسي ويقولوا انه مشعوذ وانه حبيب ابوه وكثير من سكرتارية السابقين رفعوا عليه دعاوي قضائيه على امور كثيره التخويف والتعذيب والاذلال والضرب وحتى الاغتصاب!
وفوق هذا انسجن مره فقط بسبب الاحتيال وكانت فترة جلوسه بالسجن قصيره جدا، الرشاوي ممشيه حياته!
بديت ارجف من الخوف وأأنب نفسي كيف ادخل مكان ماعرف عنه شيء، كملت اقرا، اكتشفت إنه عنده اخ اكبر منه بس اخوه هذا غلط غلطه كبيره ف طرده ابوه من الشركه ومحى اسمه من سجل العائله ف صار يوسف هو الوريث الوحيد للشركه واخوه بدر بدا شغله بنفسه بشركة ازياء برضو ولإنه انسان كما يقولون شغوف بالعمل نجح وصارت شركته معروفه.
قعدت اقول بنفسي قام رمى الشغوف بالعمل وخلا ذا المتخلف وفوق هذا يغطي على اغلاطه، تنهدت وحسيت اني جبت العيد بنفسي بقوه لكن مامعي الا اصبر حياتي تعتمد على هذه الوظيفه.
توجهت للشركة وبديت اضبط جدول المواعيد لمديري، وبعدها رحت معاه لمحل ملابس وبدا يختار ملابسه ويقول: اليوم بيجي شخص مهم وهذا اول شخص بيتعاقد مع شركتنا من يوم صرت المدير، يوم مهم مره صح؟
طالعته وهو مبتسم لي وحسيت بقرف وقلت: بالتوفيق.
رجعنا الشركه ودخلت معاه المكتب وقعدت ارتب بالاوراق وهو قاعد على المكتب ويدور بكرسيه ومبسوط، شوي الا صقع بركبته وقعد يتألم وقام رفع الملابس عن ساقه وهنا شفت شيء يصدم!!
كانت رجله من القدم الى الساق عبارة عن ساق اصطناعيه!
انتبه علي اني مصدومه وقال: فقدت رجلي هذي بحادث سيارة قبل سنين، ضحك وكمل وهو يقول: انتي اول سكرتير لي يشوف رجلي الاصطناعيه، شرف عظيم لك!
طلعت من مكتبه وانا محتاره تارة احسه مسكين وتارة عكس ذلك، على العموم الأيام بتبين ماخُفي.