Lupus erythematosus||الذئبة الحمراء

Chapter 11-Bonus Chapter- The End..+The truth behind the story

بصو هكتبها بقي بالعامية المصرية عشان تعبت الصراحة😂🤦🏼‍♀️

سيلينا دي مامتي! دي الحقيقة..

والدتي الله يرحمها كان عندها نفس المرض اللي عند سيلينا..اللي شرحتة انا في اول كام شابتر..

الستوري حقيقية..يعني المرض،الكيماوي،الغسيل..كل دة حقيقة انا عشتها..

بنت صغيرة عندها ٥ سنين بتبات في مستشفيات..

متخيلين دة؟

مش قادرة اقولكوا احساسي كان اية لما عرفت انها هتعمل عملية قلب..او لما شوفت ردة فعلها..

لقتها بتدمع للدكتور..

"مفيش حل غير عملية؟"

وقتها حسيت اد اية البني ادم ضعيف..و جداً كمان..

انو مش قادر يعمل حاجة لأعز شخص علي قلبة..

تعبان و مش قادر يشاركو فتعبة..

فهمت وقتها انك هتبقي لوحدك..

مهما كان حواليك ناس انت لوحدك..في وجعك..في المك..

في ناس هتبقي عايزة تشاركك دة بس ازاي؟

هحكلكوا بقي تفاصيل اليوم دة..

انا كنت في المدرسة طبيعي زي اي بني ادمة..

اليوم ماشي حلو و جميل..

اليوم خلص وانا بابا دايما بياخدني و يوديني المدرسة (لحد دلوقتي)

بس لما بيتزنق في سواق بيودي و يجيب صاحبتي بروح معاهم..

صاحبتي دي معايا من حضانة..

المهم سلمت عليها و قعدت استني بابا زي كل يوم..

لقيت صاحبتي جاية تاني المدرسة

وانا فاكرة الكلام بالنص!

"اية يابنتي اللي رجعك تاني؟ نسيتي شنطتك؟"دي كانت انا