مبروك حبيبي
الله يبارك بيك نصيت راسي
ليش ضايج كلبي.رفعت راسها باطراف اصابعي
لو اهلك جايين جان بابا مضطر يكذب عالعالم
وحق عيونج مابيدي شي سجن اني عفت اهلي كلهم وابويه تبره مني علمود هالزواج
- اني اكتفي بيك
-اوف الله احببببج تعاي بحضني تعاي كافي انحرمت منج كافي
-كلي الك وبين اديك
-حتطيعيني اليوم كرصتها من حنكها
-اي حبيبي
-يابه هالبنيه اخذت كل كلبي وعقلي وعوضتني عن اهلي حضنتها قوي
-ههه اموت عليك تخبل بالقاط
-وانتي كمر كمرر---------
اني نسرين من الكراده داخل ووالدي خلف مهدي يشتغل بالنقليات والبضايع اعمال حره شغله بالبصره يسافر كل خميسين ينقل صناديك جبيره بالسفينه هو اليستلم ويوزعها عالتجار ببغداد شورجه جميله وكذا معروف ببغداد يخابرو يطلبون بضايع وعده جماعته يسافرون وهو يستلمها ويوصلها الهم مستمربهالعمل من شبابه عدي اخ واحد مسافر الخليج يشتغل نفس شغله ابويه ---- قبل سنه اتصل واحد من الحله وراد بضاعه انشاءيات بضاعه ضخمه وهو موزع يوصلها لتجار الحله جابها ابويه بالفعل واتصل بالولد اللي بالحله واجه لبغداد ولان ماعده احد بالحله اجه ببيتنا استضافه بالصدفه جنت جايه من الدوام وشفته بالصاله طبيت برجعتي من المدرسه صار بوجهي سلمت ضل مبهور يباوع لابس دشداشه عربيه واني طبيت سفور واضحك يمكن عدهم هالشي عيب ابوي كلش ارتاحله وحبه لصدقه وامانته وره فتره والدي قرر يتعامل وياه داءما لان داءما طلبه جبير ميتعبه وتعال وصل وهاي هو يجي يستلمها وخلص وينطي عموله ممتازه يوم وره يوم علاقتهم توطدت كام يجي كل اسبوع يبات عدنا ويضل يباوع والدي سبورت كلش واثق بيه اني مو اطب اكعد يمهم بس افوت الاكل افرش الفراش اخر شي اجه طلبني من والدي والدي كله اتشرف هالفتره ارتاحله كلش ابن اصول وشيوخ بس كان مو نفس طاءفتنا كطع وره مطلب ايدي كنت طايره رغم بالحله بس حيل مرتب وشخصيه وعاجبني جان وره شهر اجه خجلان لابويه وكاله تعارك وي اهله ووالده مقبل يتزوج غير بت عمه وصارت مشاكل اهله طردو حاول والدي هواي يصالحه يكله تقبل بنت عمك متحمل بعد زعل حتى وي ابويه كام ميوصل ياخذ البضاعه ويبات بالفندق مره وره مره والدي تعارك وياه وكلاه تعال ابيتي وفعلا اجه جنت مشتاقه اله هواي ولنضراته الخجلانه من ابويه ونفس الوكت وكحه اخر شي عاف اهله وتبرو منه استقر ببغداد واشتره بيت وبقه بشغله ابوبه بي حول بغداد-الحله لحد ماوافق ابويه بزواجنا دون رضا اهله لان هو عافهم بزواجي او بدونه تزوجنا واهله ابد ميسالون ولا اني اجيب طاريهم جان يكول عنهم ضلمه وقاسين صار عدي سمر وراها جتي فجر وحده احلى من الثانيه كملت السادس ادبي وبطلت تفرغت لبناتي سنه وره سنه يزيد حبي وتعلقي بيه لحد ما صار عمر البنات وحده صف 1والثانيه 3سنين راشد طلع الصبح بعد مارجع راح بانفجار بسيطره المحاويل ايام صعبه عليه وعلى بابا وبناتي تدمرنا ماريد احجي الالم الحسيت بي ذيج الفتره ابويه سوه الفاتحه وثالث يوم انترس بباب بيتنا رصاص منعرف شكو باب البيت صياح باسم ابويه ويكلوله اطلع طلع ابويه وعمامي ناس معكله صايره اعصاب الناس التمت طب ابويه ميت قهر باوعلي وكال بابا يردون بناتهم اني تخبلت بناتي ماانطيهم ضليت اصيح مفرفحه طبت مره عجوز دفرت الباب وطبت وصاحت
ويننننها وينها وجه الفكر ام السحوره خذت مني ابنييي وينها
شتريدين ماانطي بناتي
هسه ابوج وعمامج يتكتلون بنص بيتكم
كيفج هي شنو ماكو حكومه
شنووو بابا انتي ماتعرفين شنو احنا احنا الحكومه احنا كومي فزي طلعي بناتج بنات راشد مايضلون هنا يربون بيت جدهم نربيهم على ديانتنا مو ديانتكم
خاله بس تطلع العده والله اجي وياهم
ماكووو
الله يخليج اذا عدج رحمه
ماعدي رحمه هذا العدي كلته تردين تكملين عده ولحكيهم
جرت بناتي وهمه مفرفحين ويصيحون ماما واني وره الباب اعض باصابعي واكمز مفرفحه اخذوهم وابويه لاحول ولا قوه عمامي مكدرولهم اني البنت الوحيده لابويه لاعدي اخ ولااخت فتره العده كضيتها بتعب بعذاب بعد راشد وبناتي الم وعذاب وبجي طلعت روحي يله خلصت العده بابا خطيه تمرض من ورايه وامي حايره بينا بس كملت العده لميت هدومي ورحت للحله دورنا على بيت اهل راشد ولكيناهم بيتهم جبير بنص مزرعه دخلت وي ابويه بدخلتنه طبو كومه ناس ورانا مسلحين انفتحت الباب طلع رجال شايب صاح ام راشد جتي ارمله راشد طلعت المره عجوز بس قويه اللي اخذت البنات مني اباوع يمنه ويسره روحي تلوب عالبنات من انفتحت الباب شفتهم واكفين وحده بصف اللخ خايفات يباوعولي وببجون بسكوت نزلت عالعجوز بستها وبست ايدها وعيني على البنات
هله بيج فوتي
كالتها بشماته وغضب كانها متحلفتلي والدي كوه طلع ميت خوف عليه لو مااصراري عليه اروحلهم فلا ياخذني مجرد وصولي لبيتهم كاله الحجي.هاهي وصلت الامانه الله وياك طلع منصي راسه ويتلفت عليه سوده عليه طببت بخطى ثكيله بناتي غادين فد مره ركضت عليهم احضن وابوس بيهم منصدكه همه بحضني جانووصخات كلش ووجههم كله حبابي ممشك وشعرهم وصخ ومعثك البيت مليان جهال ونسوان تخبلت شون عايشين جانت بس عيونهم تجري ساكتين يباعون على بيبيتهم خايفين طب رجال بال40من عمره
هاي جتي الارمله الله لاجابج على دربنا
العجوز ام راشد_اسكت حامد
حامد-تعاي هاشميه وينج وووجعه
ها ابو محمود كول
اخذيها للبومه صعديها بكبه الفوك ومااريد اشوف جهرتها
العجوز-انت اخذ نسوانك وروح لبيتك
-انه مااطلع منا واخليلج البيت
هو كله الك بس اصبر
صابرين شكايلين قابل ساكتين عمي ساكتين
يباوعلي بعين نكسه يفر بسبحته وطلع جريت نفس ويارب كون ويايه اليوم كله جهالي بحضني ويبجون يهمسون باءني شون ضربتها مرت عمها وبيبيتها وعمها وابجي وياهم ومن يجون من يمنا يفوتون يسكتون ردت اكوم احرك البيت عليهم بس مااكدر اخرتها انطرد وبابا كال ذوله ناس وراهم ضهر مو كدهم احنا ترن حجايه راشد باذني ناس ضلمه وقاسسين فعلا مثل موصفتهم الف رحمه على روحك هواي يخالف عنهم اختلاف الجنه والنار يومين الي وطبت العجوز كالت كومي عالبيت وي نسوان حمويج حتضلين هنا اكل ومرعى وقله صنعه ا
اي حجيه صار كمت وياهم اني راح اعيش لبناتي استحاله اعوفهم راشد المرحوم عده اخ من امه وابو اسمه حامد وهذا رب القساوه واللي عرفته عده اخ من ابوه من الزوجه الثانيه اسمه مصعب كاعدين بغير مزرعه ----بليل من نمنا اني وبناتي رغم ماكو احد بالغرفه همستلي باذني ماما عمو ضربني اهنا بس لتكولين تره يكتلوني مره لخ من اباوه ايدها من ناحيه الكتف مزركه بجيت من شافتني سمربجيت رفعت بجامتها باوعتلي همست باذني اني هم بيبي ضربتني ووكع الحب مال المي عليه باوعتلها مشخطه وصايره نكره خليت ايدي على راسي ربي دخيلك عينني ضلمه ذوله حتى اليتامى مرحمو بحالهم ضليت امسد على راسهم وابجي مرت الايام واني وياهم وياهم خدمه الهم نسوان حامد مفروكات فرك متزوج 3 وعده كومه جهال قاسي وضالم حتى لنسوانه وجهاله واحد من اطفاله ميت بالترعه لان ركض وراه يريد يضربه وكمز للترعه وغرك ومات جان عمره5سنين الله كالب خلقته خطيه نسوانه نفس مينسمعلهم وفد عين نكسه عليه من يطب لحد ميطلع بس يبصبص ونسوانه وحده احله من اللخ من اجيت للحله صارلي شهر بناتي تعلمو هواي شغلات صلاتهم وقرانهم علمتهم القرايه سمر هالسنه ثالث وفجر ب1 والدي مكدر يوصلي وحتى مخابره ماكو تلفوني خليته عالشخن ملكيته بعد محد كام مد ايده عليهم لان اصلا ميطلعون من الغرفه انضف واركب واخذلي شوي اني وبناتي واطب اكل جوه بالغرفه نفسيتهم تحسنت رجعت الضحكه ورجع الشعر الحلو حبيباتي شكر على امي ووحده منهم عيونها مكحله سموره على عيون راشد الله يرحمه رمش طاخ بخاجبها وعيون كبار مجروره وي جرت الخاجب جنت اشوف الدنيا بيهم جهال حامد الولد كبار بيهم متوسط وبيهم ابتداءي الجبير اسمه محسن اله شبه جبير براشد رزانته حنيته وهدوءه وخجله صف ثالث متوسط البنات بس يضربون بيهم بفجر وسمر حامد عده 6بناتو7ولد حتى اسماءهم انساها اجه العيد وصارت لمه مشترين هدوم العيد بس البنات ماعدهم وهمه خير من الله محد كال ذول اليتامى اشتريلهم عدي فلوس وذهب كومه بس الطلعه ممنوعه واخاف اطلع ويضربوهم شعدهم ملابس قديمه درتها رتبتها صارت نفانيف مرتبه وجوي العشيره لبيت الجد ابو راشد جتي مرته الثانيه مره معدله مو مثل العجوز اسمها راسقيه جانت بيضه وطويله عدها مصعب ومحمود حتى ولدها يختلفون نور محمد بوجههم والعجوز كوم حجي ذبت وهي مو يمها مصعب متزوج ومرته ذهب طبت عليه جايبه هدوم لبناتي وبناتي كمزو عليها عبالك يعرفوها
السلام عليكم اكيد انتي مرت راشد الله يرحمه
اي اني
اني مرت مصعب ابن ابو راشد من العجميه
-اهلا بيج
-هله بيج حبيبتي اني راسقيه تره اني هم بغداديه من الحريه
-صددوك ياعيني بوستها باوعت بعينها شعجب اسمج راسقيه
-مو اني اسمي راسقي بس هنا يخلوله هاء ههه
-الله يحفضج مبين عليج حبابه والله من شفتج حسيت باهلي عفيه تكدرين تساعديني بس خابري اهلي
-اي بعيني عدج رقمه
-لا والله مخافضته وراح وي التلفون اباوع البنات يكمزون على راسها وهي تضحك بدلو هدومهم مكيفين بيها كعدو ماماتي عيب
-لاعادي تره اني قبل متجين جنت كل اسبوع اجي اغسللهم راشد مانسه افضاله هو اللي وكف لابويه وفك دينه مو مثل خامد شاورتها واموت على بناتج لان ماعدي بنات عدي عباس ومحمد عباس بعمره 21 جبيرنا وحمودي توه صف خامس ادبي عباس ميحب الدراسه باوعت للبنات تخبل الهدوم عليهم فدوه لاالله تره بناتج بناتي زين سويتي من جيتي والله جانو يقهرون باوعت وراها ورجعت باوعتلي اي شي تحتاجين كولي اني اختج همست وكامت من يمي ركض كغدت يم العجميه ام رجلها
كلهم مبدلين ويضحكون ويباعولي نضرات حقد مصعب ابو عباس زوج راسقيه باوعلي ونصه راسه دمعت عينه جنت كاعده بزاويه وبناتي وحده منا واللخ منا لابسه الاسود ومتستره طب النكس خامد باوعلي يضحك بشماته
ها يالعجوز عيدج مبارك
هله ابو محسن من العايدين انشاء الله
سلم على اخوته انتبهت على عباس ماشاء الله عليه طول وهيبه مثل ببيته عجميه كاعده سمر بصفي اجتي وحده من بنات حامد جرت شعرها لدرجه انركع راسها بالحايط صاحت اخ ماما تعورت اني مااعرف شصار بيه كمز محسن ابن حامد وضرب اخته ابو ضل يصيح تقدم عله سمر.
شو راويني دمتها البنيه الغبره
اني روحي شاغت من شفت خشمها ينزف تبجي وابجي وياها انذلينا بعددك راشد طلع دلالك ودلال ابويه من خشمي وكف الدم سمر ضلت تباوع لمحسن مدمعه عينها وهو لازم الكطن على خشمها ابتسملها بحنان هاي تغار منج جيف انتي حليوه مسد على راسها عبالك راشد ياالله دشداشته صار بيها دم اني بحاله اخاف احجي وي احد ياخءون غير فكره بس دموعي تحجي
