#حلات_الحب_عذابه
لكل شدة مُدة، وكل ضيقٍ له مُتسع..هكذا هي الحياة، يتعاقبُ فيها نهارٌ مُضيء وليل مُظلم، تارةً يُخالجك الألم، وتارة يُصالحك الأمل، والله دومًا في هذه وفي تلك معك!
فالحمدلله في السراء وإن قصُرت، والحمدلله في الضراء وإن طالت .
بقلمي نورا
كتله كافي بعد مااكدر استمر وياك اني تزوجتك لان احبك .. تجازيني بهالعذاب لييش علااء تعبت
تنهد ورفع شعر ه ليفوك وملامح الندم على هيئته وكال وهو يحاول بكل جهد حتى يحط عينه بعيني
..ليش واني تزوجتج ع مود شنو مو اني هم احبج
صررخت بألم...الي يحب مايأذي حبيبه .. الي يحب يراعي مشاعر حبيبه يقدره يسال يهتم ميضم اي شي عنه يشاركه بالزغيره والجبيره مو نفس ماانت مسوي بالله كلي شنو حصتي منك اني كل اسبوعين 3ايام ومخابره تالي الليل وربع ساعه بس وتعبان واريد انام وتتهرب شنو انه بس گلي شنو.
علاء..انت لم وافقتي عليه تعرفين متزوج والي ظروفي كتلج تتحملين كلتي اي صح لو اني غلطان ؟
نور...ليش ماتعدل بيناتنه اني وهي ليش متاخذني الهناك يمكم
علاء...وتعوفين كليتج واهلج مستعدة لهالخطوة ؟؟
نور...اعوف الدنيا ع مودك اني بس انت متريدني يم مرتك ماااتريد اعرررفك ماتريد تقرب نار يم بانزين
علاء..نور زوجتي حامل وتعبانه حييل بسببي ..اني تزوجتها وجنت اعرف حالتها. ووافقت عليها . بعدها بالخطوبة اخوها لزمتي وكلي انت تعرف حالتها اصبر عليها ولاتظلمها واني مااريد اظلمها صدك واذا اذيتها اوتاذت بسببي اختي راح تتضرر من وراي ويطلگها زوجها يعني زواج اختي كله مهدد
اقتربت منها .. كعدت يمها ع الكاع .. لزمت ايديها .. نور اني احبج فدوه لتزعلين مني انت حب حياتي ..اوعدج متتكرر بس تولد امل بالسلامه راح اعلن زواجنا كدامها ..نور ماكدر صدكيني تعبت وحده وياهه ابني وحده وياهه قلبي والي هي انتِ .. حضنتها بوستها واعتذرت منها وبوست راسها
نور دفعته ...ليش ماكتلي زوجتك حامل ؟!ها ليش ضميت عليه
علاء...لان ادري بغيرة النسوان او اخذتها حجة حتى انت واهلج توافقون لان اريدج نور اريدج
يعني شنو قصدك علاء اني اغار منها وهم اسوي طفل ؟ ترى مو الغيرة تخليني اسوي طفل منك هذا حقي الاموومة حقي دتفهم ؟
يعني انت شايفة الظروف ملائمة هسه تسوين طفل ؟
بعناد اي اسوي اني كدها واسبطر على كل شي ماربيت جهال اخواني وتحملت مسؤوليتهم
جهال خوانج غير وطفاج غير مسؤوليتج راح تصير اكبر
اي حقك تكول هيج حتى اذا صار طفل انت ماراح تدري عنه خير شر اصلا من تروح هناك انت تنساني مو بس تنسى ابنك
أنت تقرأ
حلات الحب عذابه
ChickLitستذكرني في فم كُل امرأة عادية تُخبركَ إنها تُحبك بلا مُقدمات، دون أن يخفق قلبها خمس مرات قبل نُطقها دون أن تتحسس قلبكَ عن بعد وتصدقها... و ستذكُر أسمي لربما في صحوتك، او حتى ثمالتك بين أحضان امرأة باردةً عليك لاتعرفك لاتراكَ في أحلامها لا تشُم...
