زهرة وعشگ ❤(مكتمله)

❥

في مجتمعي ☺️💔
لم أرئ حباً مد خاتما لزواج
فقط اسمع ✋️😕
#خذلها ..... #تركها. .. #اسقط_سمعتها ... 👌😔
_______________________
انه اسمي ( زهره ) وعمري 23 حاليااا اني (ناعمه ) ليشوفني يكول عمري 17او 18 شكلي حلو مقبول طبعا مخلصه سادس ابتدائي وكعدت بالبيت ابوي الشيخ مزهر مااقبل اكمل كال المره مكانهه بالبيت

عندي ثنين خوات اكبر مني مزوجات وااخو واحد جبير (سعد ) هوه الايد اليمنى مال ابوي بعد عمر طويل لابوي اخوي سعد ابداله يستلم الشيوخيه

وهسه اعرفكم على حبيب رؤحي وكليبي
(ماهر ) هذا ايصير ابن عم امي 🙈 عمره هسه 27 سنه

بدت قصه حبنه من جان عمري 17 سنه جنت كل مره ارؤح ويه امي للسوك اشيلهه المسواك هيه ماتكدر شفته بالسوك كبل هوه ضل يباوع علينه واجه صوبنه امي من شافته

كالتهه ها مويهر شلونك شلون صحتك احوالك عمي شلونه هوه يباوع عليه ويحجي عايف حتى امي

كال زينين لحمدلله خالة من هاي الوياج امي
كلتله هاي بنيتي زهره
هاا ماشالله كبرانه

طبعا هوه جان عمره 22سنه امي سئلته
جاانته شوكت ناوي تزوج وجيبلك مره تعقلك هوه ضحك
كلهه لاخاله لاحكين على ضيم النسوان هوه اخذ المسواك مني وصلانه للبيت

وامي كلتله اله تبقى ويانه للغده وهوه لكاهه خوش حجه وبقى عدنه مااصدك امي كلتله
طبعاا انه ولاالكمه اكلت من وره عيونه المانزلهن مني

ولدرجه كمت اكح من وراه
وهوه اسم الله اسم الله زهوره 🙊 كبل انطاني مي وامي تباوع علينه بس ساكته مااتحجي

لمهم اخذله ايام يوميه يجينه بديت اني انعجب بي هوه هم حسيت بي من خلال تصرفاته وياي الى ان بيوم ردت ارؤح ويه امي للسوك مثل عادتي

وهوه جان موجود اشو هذا اعيونه صارن نار وعصب وخله امي طبت للغرفه تبدل هوه
جرني وكالي ماترحين للسوك اني خفت
كتله ايي و انته شعليك بيه

كلي اني شعليه مو لا اشو ماترحين اذا رحتي رجليج اكسرهن فتهمتي لو لا طلعه من لبيت مااطلعين واذا هسه مااكلتي لامج مارؤح وياج للسوك ماايجرالج خير كفيلج الله
اني خفت حيل وخاف صدك يسويلي شي خلي اجفه الشر وماارؤح امري لله

اجت امي كتلهه مارؤح اني ابقى انضف عندي تنضيف بيتنه وصخ وخااف ابوي يجيب خطار خليني بالبيت ونتي رؤحي

امي كلتلي حجيج صدك جاانتي ضلي هنا واني رايحه تعال مويهر انته خذني للسوك ماهر كلهه يي خاله امرج

همه راحو للسوك وانه بيني وبين نفسي طرت من لفرحه اكول بكلبي ياابعد كلبي موهير هيج يغار عليه وماايقبل ارؤح للسوك جااغير زلمه فدوه لكلبه هسه انه تاكدت هوه يحبني

مرت الايام ويوميه يصير شي يخليني احب ماهر اكثر واكثر الى ان فد
يوم متت طكت رؤحي كلت اليوم اذا مااكلي احبج اني اكله احبنك

(طبعاا انتم هسه دكولون عليه اني بنيه جريئه ومااستحي بس شسوي جااغير متت عليه وهو يبع ثكل عليه وكل ماايريد يحجي ويايه يجي واحد ويكطع حجينه مليت شلون بله اكضي عمري بس صفنات )

اجه مويهر النه طبعا هوه يضوج اسمي مويهر بس اني احب اضوجه يصير يخبل من يضوج خل اكمل لاتقاطعوني 😂😁

اجه مويهر وجاانت امي طالعه عد جارتنه مريضه وبوي هوه وسعيد طالعين عدهم فصل يعني بس اني حلالي لوضع 🙈

دك لباب واني حاجيته من وره الباب كتله ياهو اني ادري بي هوه بس سويت رؤحي غشيمه

كال انه ماهر ماهر افتحي ازهيره
كتله هاا جاا ماكدر افتح لباب بس انه بالبيت هلي كلهم طالعين هوه

كلي جاانه موو غريب واذا محد اكو هم احسن انه عندي سويلفه وياج
كتله لا لا حاجيني من وره لباب لايجي احد وتصير طلابه ويكانه بس انه وياك ماتصير

كالي خوش اني سالفتي كلهه كلمه وحده هيه انه احبج 🙈

واني من وره الباب كمت اكمز من الفرحه همزين ماشافني جااضحك عليه بس هوه حس بيه سمع لدبجه وكلي هاا شني هاي شبيج شوكعتي وهوه يضحك واني خجليت

كتله لاا كلشي ماكو سلامتك وكلي هاا شني جوابج تحبيني يبنت الناس لو لا انه ضليت ساكته بعدين كلي اذا متحبيني عادي احسبي ماكلت شي اني كمزت من يمي طلع حجي مدري منين

كتله لا ياهو يكلك انه مااحبك جاااغير اموت عليك وكبل طفرت جوه
وهسه حجيتلكم حبينه بقت علاقتنه 6سنوات الى ان صار عمري 23سنه هاي لمده كلهه بقيت انه ماامتزوجه وكل ماافتح ماهر بالموضوع

يكلي ماامكون رؤحي موهسه ازوجج يعني دومه يتشرد واني واهلي يضغطون عليه لان ملو مني يوميه جايني واحد وارفضه وابوي من نوع مايرفضلي طلب مخليلي قدر وحترام بس اني دوم اسمع امي تحاجي ببوي

دوم دكله اقنع بنتك تزوج لبكدهه خلفن ابو يكلهه اذا هل مره مااتقبل اجبرهه بعد مااكدر اطيتهه مجال وهيه كلشي ماكوو عاد انة من سمعت كلام هلي

طگيت من البجي لان انة اعذر هلي وخوفهم علية ويردون يضمنون مستقبلي وانة اول وتالي مكاني يم رجلي گلت اليوم بعد هاهية خلي اگل لماهر لو يجي يطلبني من ابوي لو اعوفة واقبل ازوج اليجيبة ابوي لأن مليت انة الدمعة صارت متنشف من عيني

المهم رحت لماهر وحاجيتة بس هوة گلي كلام بعمري كلة ماراح انساه
گلي /زواج مازوجج انة صدگ حبيتج بس انه امي خاطبتلي بت اختهه ةانه مااعرضتهه وافقت

كتله وانه شنو انه وابجي كلي انتي رؤحي شوفي حياتج اني ماافيدج
زهره انه حيل ضجت من كلامه وفقدت ومااتخيلت هوه هيج يحجي وياي

كتله / انته هسه صدك ثبتتلي مااتستاهل حبي الك ومااغزر لزاد ولملح ومااوافيت بوعدك انته مو رجال ماعندك كلمه وكلامك تاخذه من نسوان حتلو
جانت امك لو تحبني جان رفضت بت اختهه وعفته ورحت

رحت لامي وابوي كتلهم انه موافقه ازوج لتردونه وامي كامت تهلهل وابوي باسني من راسي كال الله يبارك بيج بنيتي اني ابن صويحبي رايدج ومنتضرج توافقين واني اطيهم خبر وباجر يجون

كتله يي بويه ورحت وسديت لباب وكعدت ابجي بجيت طلعت ضيم كلبي كله ودكت لباب امي كتلهه يمه عوفيني لخاطر الله عوفيني شوي اريد انام
@fatma_jasim بقلمي فاطمه جاسم

__________
ولهنااا خلص لبارت ان شالله تكمله بالبات القادم تفاعلو حتى انزل بااسرع وقت باي ❤احبكم