فيصل ...اول مره اسمع ورد تحجي بأبوهه او بالاحرى تتغزل با احد حسيت بغيره ....
كتلها اذا خلصتي يالله لان الجماعه ينتضروني
رحت وديته يم الباب وطلعت مردت اشوف احد منهم لان شميكون الي صار مو شويه حتى لو اخويه مريض بس هم حسيته مو حلوه بحقي ،مرات بتلفون احجي وي امه واسلم عليه خوش مره ادميه بشكل
ذبيته وطلعت لشغلي للعصر خابرت على ورد كتله راح اجي اخذج شو هاي تبجي
كالت فيصل امي مكسوره رجله ومجبسيه كلها، صار الها اسبوع بالفراش واني ما ادري بيها خلي ابقه بس الليله يمها ...
سكت فيصل
كلي ابقي باجر اجي وعده العافيه ...
فيصل ضجت من حسيت راح اروح وهي مو بلبيت تلعمت عليها طبيت البيت عبالك اظلم هي من نوع اسولف وتحجي وتضحك
طبيت لكيت ريم تقره وامي كاعده وحدها وحسين هو ومرته بغرفتهم
صعدت انام بس ضايج حيل نمت شويه ونزلت صحت ورد جاي
امي كالت ريم جيبي جاي لا اخوج وتضحك
كالت شدعوه يمه متكدر على فراكها
كتلها لا عادي غلطت عبالي بلبيت متعود عليه
كالت فيصل يمه انت تحبها لا تجذب على روحك مدري شبيك تلوب عبالك مضيع امك وبعدين انت متحب الجاي شو هسه منلحك عليك.......
لا تضل تكابر ...
فيصل ما ادري يمه خلي انام بحضنج شويه مختنك
الحجيه تعال يمه
وتمدد وراسه بحضن امه بقو يسولفون واكثر سوالفهم عن ورد
اجت ريم جابت الجاي
كلها شنو ماكو اليوم كليجه كيك معجنات شو ميبسته علينه..
ريم عيني هذني مرتك اسويهن مو اني ....
واليوم ماكو لاتكلي ولا اكلك يابسه عليك من كل جهم 😜
اي والله صدك من كل جهه 😑
ورد ..من دخلت لكيت امي مكسوره متت قهر حسيت نفسي غريبه بقيت ابجي وتالي التهينه بسرعه خلص الوكت وخابرني فيصل راح اجي، اني بجيت حتى حيدر بعدني مشايفته
كايل لمريم بليل اجي من تروح
كتله فيصل فدوه ابقه قبل بقيت وفرحانه ..
فيصل يمه ورد امها مكسوره وخابرتني تبجي ورادت تبات بس اني اريد اخذ شورج اذا اجيبه باجر انزل اتحمد اله بسلامه،؟؟؟؟
الحجيه اي يمه عيب وانت شيخ مو حلوه بحقك من اجيبها انزل سلم عليه الي فات مات واذا تحب ورد الخاطرها. متشوفه هي شلونه وي اهلك من اتمرض حتى النعال تلبسني وتسبحني متخلي خواتك يسبحوني ال هيه ميصير الخاطرها ....
ان شاءالله يمه هي هم هيج لازم بعد متسوه وصعدت نمت او عود انام بس بقيت احوص واتكلب الحد ساعه4 نمت كوه وكعدت ب9بدلت ورحت لشغلي ودزيت رساله لورد من ارجع امرلج..
ورد سديت التلفون من فيصل كيفت راح ابقه واشبع شوف منهم وحيدر سمع بيه بلبيت مقبل يجي بات بيت علي نقهرت كولش ....
ثاني يوم خابرني فيصل حضري نفسج نص ساعه واجي واريد انزل اسلم على الوالده ...
اني طرت كتله هله بيك وكلت لا اهلي طبعاً امي وابويه كل شويه مرتاح مضوجينج
اكلهم الحمد الله كلهم زينين وحبابين وامي تكلي مصار عدج حمل لحد هسه
كتله ماما ماكو الله مكتب .
استحي شكله كل واحد بغرفه مترهم وموحلوه بحق فيصل.
اجه فيصل ودخل سلم على بابا وعلي ومحمد كاعدين كعد شويه وكال يالله نروح
كمنه بقيت ابوس بابا واشمه واحظنه اريد اشبع منه ...
فيصل غرت حيل من شفتها مجلبه با ابوها عبالك معوزه حنان فضحتنه بكلبي حيصير النه سنه من ازوجنه واني كلشي ممحصل
كتلها يالله حتى تحس وتوخر
من دنطلع انفتحت باب الشارع بوجهنه ولد ركضت عليه وحضنته بقت تبجي .
اهووووو شطلعت هاي الدنيا كله تحضنها وتبوس واني كاظيه نضرات وحسرات 😩
اجيت اكتلها فرت اوووف ربي شوكت تفض ونطلع منانه 😡بعدين من الحجي بينهم افتهمت اخوها حيدر الي كتل حسن.
ورد ..دنطلع جان يفوت حيدر صار بوجهي ركضت عليه بقيت ابجي هو انصدم بعدين بقه يبوس بيه
كلي مردت اشوفج اني دمرتج واذيتج وبسبب عصبيتي ضحيتي بروحج علمودي واني مكدرت كلشي اسويلج ازوجتي غصب عنج ورحتي لحياة انتي مرايدته ....
بقيت ابجي فدوه اروحلك اخويه اسكت والله مرتاحه و مابيه شي مناقصني شي بس شوفتك ليش تحرمني منك شلون كلبك اطاك وكلبي ينعصر عليك مشتاقتلك صيح عليه عاركني اكتلني بس لا هيج تعوفني وك انت اخويه حزام ضهري.
كلي ياحزام ضهرج واني الكسرت بختج بايدي
كتله حيدر ليش هيج تكول انت شعبالك ما مرتاحه والله مدلله بس الله اليعلم بحالي محد يفك حلكه ويايه ومنكسر بختي لا والله نعدل هذا فيصل شوفه لو يرجع بيه الوكت
هم اختار نفس الاختيار حتى لو جنت مو فصليه صدكني خويه بخير محتاجه بس شوفتك والله اني ملكه هناك حتى خدامه حاطيلي ودا ادوم كليه واحسن اكل احسن لبس دلال من كلشي فنه اليحجي ويايه فيصل يوكفله ويسكت اكبر واحد ...
وضحكت كتله مو عبالك تره اني صرت مرت الشيخ وضحكت ضحكه ووراها بجيه، حضني حيل
كلي سامحيني
كتله اسامحك على الي صار بس ما اسامحك يوم الكسرت بايسكلي ضل يضحك..
فيصل من سمعته هيج تحجي وي اخوها نقهرت عليها حيل صعبه الله يساعدها ...
وتمدح بيه ارتاحيت وحسيت اني ماخنت الامانه وكدها بس لازم اكسر وعدي الها لان بعد ما اتحمل هاي مريتي وحلالي كدامي ودا احبها
حيدر سلم على فيصل وكل سامحني خويه ورده مالها ذنب ...
وفيصل ضل صافن عليه اول مره وراها رد السلام
وكله عفا الله عما سلف وطلعنه باب البيت
كتله حيدر مره لخ اريد اشبع منك من اجي تعال من وكت مو تختل..
بالسياره امسح بدموعي
كتله فيصل شكراً اعرف صعبه عليك جيتك اليوم والخاطري اجيت واعرف صعبه تشوف حيدر وتسلم عليه وسلمت ممنونه منك رفعت راسي كدامي اهلي شما اشكرا منك قليل بحقك
كال اني اعرف شلون تشكرين مني بس مره لخ قللي حضن وتبوس 😒😠
ولا تكولين ليش هيج عجبني 😑
اوكي
رجعت للبيت وسولفت الخاله وفيصل كاعد
جان يكول اوف يمه العالم شبعت بوس وتحضن واني الشيخ والجبير كاظيها بس حسرات حتى المجدي احسن من حالي 😩
الحجيه ضحكت
كالت لايمه ان شاء الله كلشي يتغير بس كول ان شاء الله ..
ورد:.عزه شديحجون هذوله😳
يمه خلي اكوم من رخصتكم اروح ابدل ...
سبحت وبدلت وهاي المره ضفرت شعري مشلته طلعت كعدت يمهم فيصل اباوع عليه يلوب ..
.كال هدومي حاضره
كتله اي بس هسه اصعد اشوف شنو نقص عدك لان البارحه مشفتهن
كال اي زين ..
ترخصت وصعدت جان وره شويه يلحكني فيصل
كتله هذني وصخات خوما تحتاجهن باجر ...
شو هذا قفل الباب ضليت فاتحه عيوني وتلبكت تقرب عليه. كتله فيصل يمكن خاله اصيحني
كلي لا اذا تريد شي يمها البنات
جان يلزم ايدي ويجرني عليه
كتله شبيك عوفني عفيه
كال بس دقيقه احجي وياج وروحي
كتله كول بسرعه عيب شيكولون علينه خلي انزل وباجر نكمل جرني عليه حيل ودفعته
كتله عفيه كافي شبيك اليوم مو على بعضك
كلي تدرين من رحتي شلون احتصرت وضجت تعبت حيل اليوم صار عبالك سنه بعد ماكوبيته عد اهلج
كتله الي تريده يصير بس خلي انزل
كال اكو شغل ثانيه
كتله كول بسرعه بس هذا الحجي اني الحراره بيه مو طبيعيه احس وجهي كامت تطلع منه نار واحتريت ..
كلي بالسياره كتيلي ما اجازيك اني اريد اجازيني بس بطريقتي
اني خفت وبلعت ريكي
كلي ورد ريحتج شكد طيبه مثل كلبج تقرب عليه ودفعني على الحايط
فيصل..ورد انتي مرتي حلالي احاول امنع نفسي منج بس مد اكدر تعبت حيل اشوفج كدامي والنهار كله بالي افكر بيج كلشي بيج يعجبني وكلشي بيه يريدج
ورد دتعجبيني حيل وانتي مرتي يحقلي اتقربلج بس ما اريد شي يصير غصب عنج
ورد ..بقه يتقرب الي... ردت امنع ادفعه بس حسيت نفسي طايره واريده يتقرب الي دوخني بحجيه دخت وتعبت اكثر منه من سمعت نفسه السريع وعيونه الحمره ورجفته وهو شيخ وشكبره واكف كبالي
كلي اريد ابوسج لاتمنعيني لتعبيني لان بعد ما اتحمل
ماكدر اكله لا لان اريد اجرب هذا الشي حسيت نفسي اريد مثل ما هو يريد
بساع جرني لحضنه ولزكني بلحايط وباسني قووووي وهو جسمه كله يرجف خفت بلبدايه بس بعدين محسيت بنفسي كلشي بيه خدر
فيصل جريته وبسته حيل اول مره بقت تدفع وترفس وراها بدت تهدي اني اريد اكلها اريد ادخلها بين ضلوعي حيل احضن بيها واحس كلبي ما برد حيل ابوس بشفافه وهيه كله ترجف فقدت بقيت امص بشفافه وجريته حيل وهيه خدرانه ولا تدري نزلت على ركبته اشم بيه احس نفسي تعبت بعد حتى وكفه ما اكدر اوكف ابتعدت وجريتها كعدت وكعدتها على الجربايه فتحت عيونها الذبلانه تموت وتوكع اكبر زلمه.
كالت راح انزل
لا ابقي تره صايره حمره وتبين هسه ابقي شويه وروحي
كالت اي
فاتت للحمام غسلت وجه وطلعت
فيصل... اباوع عليها واعظ بشفتي
كتلها شلون طعم بشفافج اوووف منج موتيني والله
ورد..خجلني استوه على الاخر عفته ونزلت صارت خاله كدامي شافتني ضحكت
رحت لغرفتي وره شويه سمعت فيصل
يصيح ورد
طلعت كال اريد جاي مجايني نوم وغمزلي
الحجيه تضحك رحت سويتله جاي وكتلهم اروح انام تعبانه هو ضحك كال سلامتج ...
اني خجلت كولش😳 شبي هذا ولا يستحي
