#حۣۗـۙلَمۣۗـۙ
آلَكۣۗـۙآتۣۗـۙبۣۗـۙعۣۗـۙ آمۣۗـۙ زۣهۣۗہرآء
جۣۗـۙزۣء15
مريم ... الزمها واكلب بيها مااتتحرك اصرخ حيل..... الكل اجه يمي
درر تصرخ....... مريم كانت ايدها مبللوله ولزمت الماطور وتكهربت
اجه حسن يركض..يكلب بيها ماكوو... وشالها وياي....واخذناها بالسياره
بس كانت عباره عن خشبه ;وجهه اصفر وشفه زركه..... متخبل..... اصرخ وابجي وما منها اي حركه
حسن اسرع ...مريم ماتتحرك تجمدت
وصلنه مركز قريب علينه..... نزلناه انا وحسن وسياره مرتضئ ورانه....وامي
اخذوها لقسم الطؤارئ... خلوها عالسرير اجه الدكتور يركض... ضل يلمس بيه ويجس نبضها
صاح علئ الممرضين وطلب منهم شئ بالانكليزي
جابوه .... طلع جهاز صدمات كهربائيه.....ضلو يضربو بيها كل قوتهم
وتنشال وتنركع للسرير..... ركضت يمهم. شتسوي انت جاي تاذيها وشنو تطلع صدرها مريم كومي.. كومي وياي يلا حبيبتي يلا حلمي ...كومي علوش خليته يبجي عليج..... تقربت عليها حيل
عادوو الصدمات مره مرتين. . ماكوو امل
اجت ممرضه غطت وجها بشرشف ازرك....
شجاي تسوين انتي ليش غطيتي وجها .....
البقيه بحياتك
شنو البقيه بحياتك شتحجي انت
مريم كعدي ......مريم لا تحركين كلبي ..فتحت وجها...... فاتحه شوي من عينها مريم شتسوين انتي
الخاطر الله كومي..... لا تشلعين كلبي
ماتحمل فراكج والله كومي.... ضليت اصرخ كل قوتي
ااااااااااه مريم اااااااه لاتعرفيني
كعدت يمها وشبكتها كل قوتي... خليتها بحضني وعصرتها لصدري .....شلون انطاج كلبج تعوفيني ...
حسن تعال كعدها ....حاجيها كول الها عمر مايتحمل فراكج
رحت لدكتور لزمته من ياخته دكتور سوي شئ
كعدها اليه.... رجعت الها..... حضنتها
اجت امي ... واهلها
يمه مريم.......لااااا يمه يبنيتي .....يمه شبابج يممه لاااااااا..
عمه مريم عافتني وراحت.... شسوي بدونج مريم
شلون اعيش بحياتي... ضليت اضرب علئ صدري كل قووتي.... اجوني الممرضين لزموني بالكوه
خلوني اموت وراها..... شلون اعيش بدونها..... حسن يبجي.... سلطان اجه يمها .....وضل يبوس بيها.....
رحت يمها نمت عليها.... ضليت انحب عليها مثل الطفل ..... ومثل نحيب وصراخ النسوان
ماحسيت بنفسي..... بس الطم علئ وجهي وصدري
وره نص ساعه.... جابوو تابوت وسياره بيكم..... شلناها اوكفي مريم لاتروحي عني. كلها اجت اقاربنه
ماكدرت اشيلها مشيت وراهم
شكيت ثوبي علئ كل طوله.... والطم علئ وجهي واضرب علئ صدري
واصرخ بعلوو صوتي...... خلوها بالتابوت...صرخت عليهم شتسون انتم مريم تكعد يمي واخليها بحضني.... حطوها بالتابوت لااا وخرو عنها.... الكل لزموني... وصعدوها بالجيب مالت البيكم
صعدت يمها..... وفاتح وجها واخلي وجهي علئ وجها
مريم اكعديلي ليش ربي اخذتها مني ..... رحنه للجامع قريب علينه وغسلوها
الكل يهدي بيه..... ماخلوني ادخل عليها للمغسل
لمن كملوها الا صاحوني
شفتها بالكفن تخبلت وضليت اصرخ ونمت علئ صدرهت
اشم بيها ابوسها
صعدناها بتابوت ....ورجعنه للبيت
وصلنه البيت كلها النسوان تلكتنه... وامها تصرخ وتذب علئ نفسها تراب من الشارع... دخلوها لجوه.. رحت وراهم اركض.... دخلوها للصاله
نزلت عليها للكاع وضليت اصرخ كل قوتي والنسوان كلها يمي
مريم ولج ارجعيلي ..... ماكدر اعيش بدونها يمه... رجعيلي ياطيبه يا حبيبة كلبي
