Ramdam mo ba ako?
Sabihin mo
Yung tipong
Kahit masakit na
Kahit nahihirapan na
Kahit nakakadurog na
Kahit nakakapagod na
Kahit ang bigat bigat na
Kahit nakakasawa na
Kahit paulit-ulit nalang
Kahit ayaw na, sige lang
Sabihin mo
Ramdam mo ba ako?
Masaya
Masaya ka kahapon
Masaya ka ngayon
Masaya ka bukas
Di ba pwedeng masaya nalang lagi?
Nakakalungkot
Nakakalungkot na masaya ka
Nakakalungkot na lumalaban ka
Nakakalungkot na nananatili ka
Nakakalungkot na kumakapit ka
Nakakalungkot na naniniwala ka
Nakakalungkot na, tama na
Sabihin mo
Ramdam mo ba ako?
Sana hindi
Sana hindi ko siya nakilala
Sana hindi ko siya pinansin
Sana hindi ko siya ipinaglaban
Sana hindi ko siya sinaktan
Sana hindi ko siya pinaasa
Sana hindi ko siya iniwan
Sana hindi ko siya sinukuan
Marami pang sana pero tama na
Sabihin mo
Ramdam mo ba ako?
Maaring hindi
Maaring hindi kasi sanay ka na
Oo, sanay ka na
Na kahit paulit-ulit nalang
Na sa sobrang sakit ng nararamdaman
Wala ka ng maramdaman
Sige saktan moko
Sanay naman nako
Wala na akong maramdaman na kahit ano
Sabihin mo
Ramdam mo ba ako?
