ANG PASKO AY SUMAPIT
awit ng mga batang paslit
sa mga ibat ibang bahay lumalapit
para iparamdam ang paskong papalapit
Malamig na ihip ng hangin
ang syang nagpapahiwatig
isama na ang mga ilaw na marikit
na sumasabay sa pang paskong himig
Mga bata at matanda lahat ay natutuwa
dahil sa kanilang regalong makukuha
sa mga medyas na nakasabit sa bintana
na kay santa claus daw magmumula
Pero di yata at nakalimutan na
kung bakit ang Pasko ay ating isineselebra?
kailangan pa ba sa atin na ito ay ipaalala?
na ang Pasko ay syang kaarawan ng may likha
Diwa ng Pasko ay damang dama ko
dahil sa mga regalong inaasam ko
pero tayo nga ba ang dapat umasa ng regalo?
bakit hindi ang may Likha ang bigyan natin ng regalo?
kahit munting regalo lang ang ihahandog ko
kahon kahon naman ng pagbabago ang laman nito
kalakip nito ang dasal at pagsusumamo para sa mundo
at pasasalamat sa biyayang araw araw na natanggap ko