نزلت للمطبخ اني طبخي كللش طيب طبخت برياني دجاج اجت عمتهم ع ريحت الاكل شافتني كالت شتسويه كتلهم اسوي غده حسين كال جوعان كلتلي اكلي منه بسرعه انه ستغربت واكلت ب هاي الاثناء حسين جان ب الباب اني منطيته ضهري كال شكو كالتله عمته ع بالي حطت النه سم ب الاكل حته احنه هم تخلص منه اجه ضربني شنو ولج كتله والله كلشي ما حاطه و اكلت كدامهه كالهه اكلت منه كالت اي بس جنت شاكه بيها انا ضليت ابجي باوعلي كلي صبيـ.... 😳
ضل صافن باوعت عليه انا هم استغربت شيسوي هنا كتله هسه اصبلك اكل ضل يباوعلي صبيتله اكل و اول ما اكل ستغرب الطعم كلي منين هل اكل كتله برجفه انا طبخته ضل صافن كال هاي اول مره اكل هيج اكل
انا بتسمت ما اعرف ليش المهم صعدت لفوك تعبانه اريد انام صاحت عليه عمته وين رحتي تعالي نضفي البيت لو بس تعرف تكتلون ب العالم انا هم جسمي يرجف كمت نضفت البيت كم مره ردت اوكع من التعب بس كضيت روحي خلصت شغل البيت كله صار يلمع اجه عمي ( ابو حسين ) كال هاي شنو البيت اول مره اشوفه هيج نضيف وبي ريحت اكل طيبه من ايام المرحومه
عرفت انو ام حسين ميته
ستغربت هذا البيت ليش ما بي بنات بس كلت يجوز عدهم بس الولد صار اليل وانا تعبانه سويتلهم عشه و صعدت ارتاح حطيت راسي ما حسيت بشي بس فزيت ع صوت باب الغرفه ينفتح و مديت ايدي كبل حطيت حجابي ع راسي شفته حسين كتله محتاج شي كلي هاي غرفتي و ادخل واطلع بكيفي كتله ع بالي تنام ب الغرفه الثانيه كلي وسحر وين تنام كتله سحر منو⁉️
كلي اختي و بعدين صفن عليه انا خفت منه اجه جر الحجاب كلي بعد متلبسي كدامي انا خفت و كتله حاضر برجفه
حسين حاولت ادخل بدون متكعد بس نومها خفيف دخلت هيه كبل كعدت حطت الحجاب انا عصبت كتلها غرفتي هاي بعدين كتلها ممنوع تلبسين الحجاب
نور ضليت صافنه ياتره شنو سحر ح تكون وياي لو عليه شافني صافنه كلي خير شبيج كتله وين سحر كال بيت عمتي وباجر تجي كتله شكد عمرهه كلي ١٨ بتسمت كتله نفس عمري كتلها اي بعصبيه يالله نامي اريد انام
كمت افرش ل روحي ع ال ارض انام كلي هاي وين وايحه كتله افرش شي حته انام خزرني كلي تنامين ع السرير مالتي كبيركتله لا... قرب مني كلي كتلج صوتج ممنوع يطلع و لا تخافين ما اتقرب من عائله الي كتلت اخويا انا رتاحيت انه ما يقربلي نمت كعدت الصبح متعوده ع المدرسه ضليت ابجي المفروض انا ب المدرسه هسه
حسين فزيت ع صوت احد يبجي فتحت عيني لكيتها مطلعه ملابس المدرسه وتبجي وتكول ردت اصير دكتوره 😭😭😭
من شفتها كتله خيرج هيه خافت كالت تمنيت اكمل دراستي و اروح كليه طب كتلها انتي سادس كالت اي كتلها خلصتي المفروض هسه مدرسه كالت اني جنت اداوم اخذ محاضرات كل يوم خميس تقويه صفن عليه كال اذا طلع معدلج زين احتمال اخليج تكملين وياي نصير نفس الكليه انا فرحت
وهوه عافني ورجع نام
انا طلعت من الغرفه لكيتهم نايمين نظفت البيت
و سويت ريوك و كعدت ارتب ب الحديقه عدهم حديقه كللش جبيره بس ممهتمين بيهه رتبتها و كصيت العشب الضار وسقيتها كعد عمي لكه البيت نضيف والاكل حاظر باوع لكاني مرتبه الحديقه ودا اسقي بيها باوعلي وبتسم كال يارب سامحني هاي شنو ذنبها دخلت عليه اخته كلتله هاي بسببهه البنك مات من وراهم و جبناهه فصليه ولاتنطيهه عين انا سمعت احد يحجي كملت الحديقه و دخلت عمي كلي تعالي اكلي ويانا انا جنت كللش جوعانه ردت اكعد نبت عمتهم هيه فصليه وخدامه تاكل من نخلص اكل
انا ضليت ابجي ورحت دخل حسين سمع حجي عمته ضل محتار بين عمته و بيني كال كلام عمتي صح بسرانا حبيتها ودعيت ربي تصير من نصيبي من صارت من نصيبي هيج عاملتها
نور رحت للغرفه لكيت حسين
كدامي عفته ورحت دخلت للغرفه طلعت صوره و ضليت ابجي دخل حسين شافني شابكه صوره كال شنو هاي كتله ماكو شي حاولت اضمها جرهه مني شاف بيها صورتي انا و امي واخوي علي و فرحانين كلي هذا الي كتل اخوي شسوي صورته بيتي وضل يصيح عليه وشك الصوره انا ضليت ابجي اجه وضربني كلي جايبه وياج غراض المجرم ال بيتنه انا بس ابجي جسمي زورك وضليت اكرهه كره كللش جبير وضليت ابجي واكول جنت مدلله شجابني للضيم
هوه سمعني من حجيت دمعت عيونه بس ما راد يحسسني
--------
حسين من شفتها شابكه صوره اخوها عصبت جنت ناوي اصير زين وياها بس متحملت ضربتها من سمعتها تبجي وتكول جنت مدلله شجابني للضيم نقهرت وما ردت ابين الهه
ف كبل طلعت من لغرفه حجيت وي ابوي كلي بابا هاي بنيه زينه ومالها ذنب ب للي سواه اخوهه بينا انا ضجت وشبكت بابا وضليت ابجي كلي بابا بعد ممنوع تمد ايدك علها
كتله صار بابا و رحت للسوك جبتلها حلويات و غراض هواي ودخلت للغرفه نطيتهن لهه كتلهه ذني الج كالت شكرا بس مامحتازه منك شي
انا كتلها نور انا اسف بس والله ما تعرفين الي جاي احس بي اخوج كتل اخوي وضليت ابجي
_______________
نور من دخل ونطاني العلاقه كتله مشكور ماريد من عتذر وضل يبجي كلبي حن عليه و ردت اهديه كمت وكفت يمه كتله حاسه بيك انته خسرت اخ انا خسرت عائله كامله خسرت كلشي حلو بحياتي هوه حضني وضل يبجي
________________
حسين من هيج كالت حضنتها وضليت ابجي هيه هم حضنتني وضلت تبجي الحد ما سمعنه باب الغرفه يندك
منوو⁉️
ا
