#اريد_ان_اعيش السادس
بقلمي نوره
نور ... طلعنا من البيت نريد نصعد بالسياره
اني رحت اريد اصعد الوره جرني حيل
كال شنو السايق مالتج
اصعدي كدام
گتله وحلا كال معليهه شي هسه انطيهه شي
تلتهي بي واشد الها حزام الامان ..
صعدت كدام ..
ورحنه البيت اخويه ناظم
سلمناهم مفتاح بيت اهلي ودخلت ودعت امي مره ثانيه وودعت رقيه وصيتها على نفسهه وعلى امي
ووصيت روى كالت بعيوني اخليهم ..
رجعنا صعدنا بالسياره .. يسر بحضني وحلا وره
ساد السكوت بيناتنه وانقطع الكلام ..
حاولت اكسر حاجز الصمت وحجيت
علاء وداعة امي دزيت طلب صداقه بالغلط
علاء .. هو زاحف وانتيييي
نور .. لاعلاء لا اني مو ساقطه كتلك بالغلط
علاء ..ليش جاوبتي مو عدج رجال جان خليتيني
اجاوبه
نور .. متشوف نفسك شون هاملني
علاء ..درت عليها واشرت الها باصبعي اسكتي
اشششش لااگلبهه بيكم هسه
نور .. خفت من صوته .. وعصبيته عيونه تخوف
خاف يكلبهه بينه صدك والاطفال شنو ذنبهم
سكتت
بعد طول مسافة الطريق وصلنا ..
وكفنه يم بيت .. توقعت بيت اخته ..
دخل السياره للكراج ونزلنا
مرينه على الحديقه جانت كلش مرتبه ونضيفه
ونوب الطرمه هم الارضيه كاشي ويلمع لمع ومبين جديد البناء مالته زاد استغرابي واني امشي وبيدي
يسر ..
راح هو نزل حلا ..
وفتح قفل الباب ودخلنا ..
ماكو حس بالبيت ابد .وكفت بالاستقبال . سألته هذا بيت منو
مجاوبني ..كال دخلي وانت ساكته
دخلت بعدهه للهول والبيت مرتب كلش ومأثث ونضيف
صار گبالي الدرج .. والهول بي تخم قنفات .. وشاشه
وهم ماكو احد .. كعدت ع التخم تعبانه ونزلت يسر بالارض .. وحلا راحت يمه تلعبه وهو يزحف
لشويه اتصل اسمعه يحجي ..
علاء .. اتصلت بامل لان اللتهيت بمصيبة نور ونسيتهه واصلا ماسئلت حتى على حمودي ..
شفت مكالمات منها ومسجات مجاوبتها اصلا عقلي مشوش صعب اعادل بين اثنين كلش صعب وكل مشكله اكبر من الثانيه
المهم خابرتها .. هاا امل اني بالبيت
امل ..شدعوه علاء .. متكولي شدعوه ابنك مسوي عمليه وهم خليتنه وحدنه ورحت .. وهم متجاوب ولاتسئل
علاء ..صارت شغله .. شوكت اجي عليج
امل ..لتجي مو اله اخويه ممقصر باجر نطلع من المستشفى احتمال
علاء ..اووو امل لتضوجيني جاي من طريق طويل
وتعبان وهسه فد شويه واجي عليج ..تحضري وباي
نور .. خلص مكالمه گمت رحت يمه واحس بطني وجعتني ..الي افتهمته ان هذا بيته گتله علاء هذا بيتك شوكت خلصت بنائه ومكتلي
علاء. .ولج عين تحجين اسكتي
نور ..لاماااسكت مااسكت لهنا وبس كاافي
انت شنو ولك شنو .. وصرت اضربه على صدره ..
شكد حقير ونذل ليش هيج دتسوي بيه ولك لييييش تبني الها بيت واني شامرني هناك
علاء ...لزمت ايديها شبيج نور خو ماتخبلتي
نسيتي من كتلج امشي ويايه مقبلتي هاا
وتحججتي ببنات اخوج وامج لو نسيتي اني عدلته البيت اهلج ورتبته جايه تحاسبيني على هذا البيت
