قصة #بدلة_عرس
للكاتبة لينا سعد ......
بعد ماطلعو النسوان ...
وراحت امي الي التفتت الية والدمعه بعيونه
نزلت راسي ....كانما اكول الهة
كافي ميفيد بعد اي شي ....لتحاولين تحجين
......
ضليت كاعدة منتظرة الموت يجيني صفنت
على المراية ...
كمت من الجرباية واني شايلة هاي البدلة الثكيلة ...الي جانت مو بدلة جان جف
رحت اريد اشوف نفسي بدلة العرس
اريد اشوف هاي البدلة الي جنت احلم..... بيوم البسة
اريد اقنع نفسي ....بان هاي حياتي
بس جنت متاكدة مراح اكدر
اتقربت وشفت نفسي .....اشكد حلوة
مكياجي والتسريحة
والبدلة الي محد يكدر يشترية الا الاغنياء
جان ملمسة مثل الحرير والي يدخل بتصميمة الدانتيل
ضليت اتلمس بية .....وغمضت عيني ....
وجنت اتخيلة هو زوجي
وبلحظة........انفتح الباب وسمعت الهوسة .....
التفتت شفت ملامحة
شفت عيونه الي امركزة علية .
شفت هذاك الوجة .......الي مامتقبلتة بحياتي
..............
راح نبدي من البداية واوضحلكم شنو قصتي
وي بدلة العرس
اني اسمي سابين طالبة بالخامس اعدادي
دائما اتخيل نفسي مميزة عن غيري
ودائما اسمع هذا الكلام من امي
يجوز لان اني وحيدتة ....
هذا التميز خلاني ..اشعر بالغرور
خلاني مايعجبني اي احد احجي وياه
مو اي احد اهتملة
بس شخص واحد..هو الي غير حياتي ...
سواهة .....
مرة مثل البستان الي متروس ورد
ومرة مثل الصحراء ...مابية قطرة مي
حبي الة غير هواي صفات ونظف داخلي ...
خلاني احس بكل الناس واترك الانانية
........
سابين ....حتى اسمي مميز ...
جنت اتفاخر بي بابا الي سماه الية ...
ابصراحه مااعرف ليش ...
كل مااريد اعرف يغير الموضوع
....ههههه لحد ماشكيت بالحب ...المهم
اني وحيدة لامي القصد بس بنت ...وياي اخوة ٣ اني الوسطانية
اخوتي الكبار اموت عليهم
اما اخوية الصغير اكرة لان بس يتعارك
ومرات يتشاقه عود.دمة خفيف ...
وهو لو يسكت هواي افضل
.......
كعدت من النوم واني اركض مثل العادة علمود البس بسرعه واروح للمدرسة
اني صف خامس اعدادي
_هاااا سابين ....بعدج ولج دوامج راح يفوت عليج
_اي ماما .....البس واني مستعجلة
وامي ماتسكت اتضل اتنگ على راسي
..لبست ونزلت ركض وبلكوة كمشت الدرج جان وكعت على وجي بس الله ستر
طبعا حجابي بايدي ....افتر بي اخذت لفة واني اركض وجنطتي وحجابي بايدي طلعت من الباب والجو بارد ...
قبل لا اطلع مستحيل ماادخل للحديقة وماامارس طقوسي
وكفت كبال الحديقة واخذت نفس عميق ودخلت اباوع على الوردات الي زارعتهم ..
شميت عطرهن ......ياربي اشكد طيبة ريحتهم
شنو هذا الجمال ..
سبحانك ربي ماابدعت وصورت
بست الوردة وطلعت واني البس حجابي بالطريق الف بي .....
فتحت الباب واني مستعجلة اريد الحك واني كاعد الف شالي الي نصة على عيوني اطلع من الباب وانضرب بشي
عدلت حجابي واشوف واحد كدامي لابس مناظر سودة
اني بصراحة شهكت .....لان فزيت شي متوقعت اشوف احد كدام باب بيته
زين وشبي هيج لازك يم الباب
طبعا محجيت شي
هو راد يحجي بس عفتة وطلعت
استحيت احجي شي
المهم ....
ظليت امشي وكلت خلي اشوف منو هذا
التفتت بس مشفتة بالباب بس سيارته موجودة كدام بابنة
يجوز صديق اخوية ..
