Sneakers [One Shot]

Sorry sa pagkawaley ko hihihi ^_^

Dedicated to girlinparis dahil puro One Shot nya ang binasa ko tonight :)))

--

"Hello Ven? Papunta ka na ba dito?" Tanong sa akin ni Aly.  Tinawagan nya ako kasi late daw ako para sa farewell party namin. Tss, as if naman. Sure ako, may mas late pa sa akin. 

"Eto na. Sasakay na nga sa sasakyan." Sagot ko naman. Pumasok na ako loob ng kotse at sinabihan si Manong na ihatid ako kila Aly. Sa bahay ni Aly kasi gaganapin ang farewell party namin. 

Sa wakas! Graduate na kami! Kaya naman napagdesisyonan namin na mag farewell party, kasi hindi naman kami magsasama-sama pag college, of course, iba-iba kami ng universities. 

"Anong oras kita kukunin, Ven?" Tanong sa akin ni Manong. 

"Itetext nalang kita Manong." Sagot ko. Nakita ko syang tumango kaya naman sinuot ko na ang slingbag ko tapos kinuha yung regalo ko sa manito ko. 

Parang christmas party lang. Naisipan rin kasi namin na magkaroon ng hubutan. Manito-manita, ganun. Nagwowonder nga ako kung sinong nakabunot sa akin. 

Lumabas na ako ng kotse tapos pumasok na sa gate nila Aly. Kilala na ako ng guard nila eh. Palagi naman ako dito. 

Nginitian ko ang guard at naglakad papasok. 

Late nga ako. *face palm*. Nandito na silang lahat.

"SA WAKAS NAMAN AT ANDITO KANA!" Narinig kong sigaw ni Aly. Kaya naman napatingin ako sa kanya. Nginitian ko sya at nag peace sign. "Naku naman! Pasalamat ka at best friend kita!" Sabi nya, gigil na gigil. Natawa nga ako. 

At dahil kumpleto na ang klase namin, nagsimula na kaming kumain. Hay, mamimiss ko tong mga mokong na to. 

Pagkatapos namin kumain, dumiretso kami sa garden nila Aly, maglalaro daw kami at doon na rin ibibigay ang mga gifts. 

"Okay, so laro tayo! Truth or dare!" Sabi ni Aly, nung naka upo na kami sa isang bilog. NIlagay nya ang bote sa gitna at pinaikot ito. 

Tumigil yun sa isa kong kaklase. "Ano, Kris, Truth or dare?" Masiglang tanong ni Aly. 

"Truth! Baka anong ipagawa nyo sakin eh!" Nagtawanan naman kami sa sagot ni Kris. 

Sinagot nya naman yung tanong ni Aly kaya naman pinaikot na uli ang bote. At tumigil ito kay Jay. Lahat kami nakatingin sa kanya. 

"Truth or dare?" Halos lahat ng kaklase ko ang nag tanong. Kasi si Jay, secretive. Madaldal, makulit pero walang nakakaalam ng mga secreto nya. 

"Truth. Baliw ang mga dare nyo eh." Sagot nya, sabay ngiti. Ang gwapo. Umiling ako. Ano ba tong iniisip ko. 

Nagtinginan ang mga kaklase ko, iba kasi ang truth or dare namin, yung pwede kahit sino ang magbigay ng tanong o dare. 

"Sino ang crush mo?" Tanong ng isa. Lahat kami na sakanya ang attention. Kahit isa kasi sa klase, walang may alam kung sino ang gusto nitong lalakeng to. 

Nakita ko ang pagkagulat nya ngunit agad nya naman itong nabawi. Bahagya syang tumawa. "Secret yan." Pagkatapos nyang sabihin yun, nakita ko ang mga mata nya na nakatingin sa akin. Nginitian ko sya at ngumiti rin sya pabalik.