Dear CRUSH,
Alam mo ba, tuwing nakikita kita, future ko ang nakikita ko? hehehehe. Joke. Bumanat lang. Sana napangiti kita. Teka, bakit nga ba ako sumusulat sayo? Eh kasi hindi kita kayang lapitan. Baka kasi mahimatay ako. Titig mo pa lang, halos lahat na natunaw sakin eh. Ano ba meron sayo at nagkakaganito ako? Ewan ko ba.Basta alam ko, masaya ako tuwing nakikita kita. Kahit nakakatabi lang at hindi mo namamalayan, kahit magkasalubong lang tayo, at dumaplis lang ang mga mata mo sa akin, kumpleto na agad ang araw ko.Dati rati, tanging ihi lang ang nagpapakilig sakin. Nung dumating ka, napapadalas na yata ang aking pag-ihi. Pero syempre, ang ibig kong sabihin non ay lagi na akong kinikilig. :”>
Iiklian ko lamang ang sulat na ito, baka sa sobrang kabaduyan ay di mo na ito basahin. Sinulatan kita dahil…oo, gusto ko lang magpapansin. Gusto ko lang malaman mo na mayroong tao na handang dumamay sayo kung kailangan mo, at patuloy na humahanga sayo. Hindi ko sinasabing “inlove” na ako sayo, kahit na halos ikaw na lang parati ang naiisip ko bago ako matulog at pagkagising ko sa umaga. Pero baka sabihin mo na OA ako kaya nevermind na lang. Hehe.O, siya. Hanggang dito na lamang ako. Maraming salamat sa oras at sa pagpansin sa munting sulat ko para sayo. Sana mabasa mo to :)
Nagmamahal, este, humahanga,
AKO :"> <3
