Taming the Cold Hearted Girl (On-going)

Prologue

Mag-isang naglalakad si Carlene sa hallway habang bitbit ang kaniyang bag nang bigla na lang dumating ang best friend niya, si Allie.

"Carlene!" Tawag niya pa dito pero hindi naman siya nito nilingon. Tumakbo siya para lapitan ito. "Kay uma-umaga, ang cold mo." Wika nito kay Carlene.

Hindi na naman sinagot nito. "By the way, mayroon kaming meet up mamaya ni Blake. Inimbitahan niya ako magdate at--"

Hindi pa tapos ang sinasabi ni Allie nang biglang sumingit na lang si Carlene. "Lolokohin ka lang nun." Simpleng wika niya bago iwan ng tuluyan ang kaibigan.

"Hays. Man hater talaga yun." Ang nasabi na lang ni Allie bago napabuntong hininga.

Nang makarating si Carlene sa classroom, ibinaba niya ang gamit niya sa desk bago nagbasa ng paborito niyang libro.

Hindi maikakailang napakaganda ni Carlene. Mayroon itong mahaba at kulay brown na buhok, mapupulang labi, maputing balat at medyo singkit na mata. Mayroong na ngang nagtangkang manligaw sa kanya kaso nga lang binusted niya lang ang mga ito. Bukod sa taglay niyang kagandahan ay may taglay rin itong katalinuhan. No wonder kaya siya ang laging kinukuha ng ms professor niya as representative ng class nila sa mga quiz bee contests at kung ano-ano pa. Isa rin siya sa miyembro ng student council.

Mabilis na dumating ang professor nila kaya itinigil muna ni Carlene ang pagbabasa.

"Okay class. We have a new student that is going to join us today." Ang sinabi ng guro bago pumasok ang isang matipunong lalaki.

"Hi. I'm Ross Sander Figueroa. But you can call me Sander." Wika nito at tila kinindatan pa lahat ng babae. Ang mga lokaret naman ay kinilig at tumili pa.

"Ang kapal naman ng mukha nito. Kalalaking tao ang landi landi." Ang tanging nasabi ni Carlene sa utak niya at tila napairap pa.

Nang tumingin muli siya sa lalaki, nahuli niyang nakatingin ito sa kanya at nakangisi ng nakakaloko.

Inirapan niya ito at tumingin na lang sa ibang direksyon.

At dito na magsisimula ang magulo nilang kwento.