أنا بحبك !
بتحبني ، بتحبني بأماره إيه ؟! بأماره سمعتي الي زي الزفت بسببك ، فاكر يا أحمد !
فاكر لما جيت وقولتلك بابا سمعني وانا بكلمك في التليفون
ساعتها انا كنت نسيت اقفل الباب وكان مردود
دخل فتح الباب بصلي ، فضل باصللي
كأنه مش مصدق إني أعمل فيه كدا !! كأنه حاسس إنه بيحلم وعاوز يفوق ، فضلت متنحه وعيني في عينه
شوفت الكسره في عينه ، شوفت الدموع وهي بتتجمع وهو مانعها تنزل
ساعتها ، قالي كلمه واحده ! قالي ليه ؟! ليه تعملي فيا كدا ؟! ليه تخوني ثقتي فيكِ وتكسريني بالشكل دا ، عملت انا فيكِ إيه يابنتي ! عشان أقابل منك كدا ؟!
دا أنا طول الوقت شقيان وطالع عيني عشان أخليكم أحسن ناس ! هو دا جزاءي منك يامنه ؟!
دا انا عمري ماسألتك راحه فين ولا جايه منين ، من كتر ما أنا بثق فيكِ ، كنت بقول أنا مخلفتش بنات ، عشان البنت الي عندي ب ١٠٠ راجل !!
الله يسامحك يامنه ، بس أنا مش مسامح ومشي !
مشي بعد ماظهرلي نفسي علي حقيقتها وإني فعلا حقيره اووي ، مشي وانا مش عارفه هرفع عيني في عينه تاني إزاي ؟!
فاكر يا أحمد ساعتها وانا بحكيلك ومنهاره من العياط كان رد فعلك إيه ؟!
قولتلي معلش :)
ولا بأماره إنك لما عرفت إن أختك بتكلم زميلها في الجمعه ، كنت هتتجنن وقعدت تشتم وتتعصب وقولت والله لاذبحها واذبحه ، خانتني في عرضي وشرفي !
طب وانا يا أحمد ، أنا مش عرضك وشرفك ؟!
لا صح ؟! عشان كدا ، أنا عاادي أكلمك وعادي نخرج وعادي تمسك إيدي وعادي وعادي ! عشان انا ولا عرضك ولا شرفك
انا واحده سهله رخيصه بتقضي معاها يومين ويوم لما تيجي تتجوز ، هتقولي ربنا يعوضك بالأحسن والحكايه خلصت !
أقولك بتحبني بأماره إيه تاني !!
بأماره إني كنت عفيفه عمري ماكلمت حد ولا عمري صاحبت ولا عمري عرفت القرف الي بعمله دا
كنت من البنات النقيه الي صاينه كل مشاعر الحب لزوجها
مستنيه أول كلمه بحبك تطلع مني تبقي لزوجي !
بس إنت فضلت ورايا مصمم أقفل باب تفتح إنت باب تاني
أصدك تزن أكتر ، لحد ماوقعت
لحد مابقيت أتكسف حتي أدعي ربنا ، فاكر لما قولتلك انا عاوزة أتوب وأبعد عنك ، قعدت تضحك وتهزر وكأني بقول نكته
طب أنا لو مت وإنت بتكلمني ، إنت هتنفعني ؟! هتيجي تقعد معايا في القبر شويه ، ولا هتروح لربنا تقوله يارب هي مالهاش دعوه انا الي غويتها وتشيل عني عذاب جهنم
يامنه ....
لا سيبني بقا انا الي أتكلم ، انا علي طول ساكته وإنت الي بتتكلم
أنت تقرأ
~ Massage ~
Ficțiune generalăدي رساله مني ليكم 😌 لكل واحده بتعمل غلطه وعي عارفه وبتقول مش قادره ...😔 لكل واحده نفسها تتوب ومش عارفه ....😭 ياريت تستفادم من القصص دي😍💙
