يريتي بعدج اخذ عافيتي

حب من اول نظرة

حب من اول نظرة
جزء الثاني
#memealkazali
خلص اليوم اليوم عادي رجعت سبحت صليت سوينه العشه تعشينه نمت من وكت بهذاك اليوم ثاني يوم الصبح واول مرة اسويها كعدت من وكت وبدون منبه كعدت وبداخلي حاسه اكو فرح ومعرفت شنو سبب هذا الفرح تصورو اني اكعد من السته اله ثلث  وبدون منبه فكمت سبحت وصليت وشسورت شعري طبعا بابا ميقبل اله ظفيرة لو الفه ميقبل افتحه بس عجبني اطلع من الروتين نزلت سويت ريوك اكلت على السريع وصعدت على الرغم من انو اني سافرة بس لبسي محتشم يعني لو طويل على بنطرون اوتنورة طويله وقميص اوسترة هيج شي بس بهذا اليوم حبيت كلشي جديد يمكن لان كلبي جان حاس انو شي جديد حيدخل اله فلبست فستان طويل محتشم نيلي وابيض وحذاء عالي صحيح طولي حلو بس احب العالي نيلي وجنطه نيلي اخذت كتبي ودفاتري ونزلت على السريع حتى ليشوفني بابا فاتحه شعري واني دااطلع للخط لان اجه فتحت الباب انصدمت بشاب بس شنو شاب موكعن غراضي من الظربه لاوكعن من الصدمه من شفته اختصرها الكم كيكه من العسل لالالالالا كيمر وكاهي يعني شايل جمال سبحان الخالق عيون عسلي على حاجب ثخين

هيج شكله مثل البصورة على لحيه خفيفه وشارب بس من الفشله معرفت اعتذر كتله متشوف هو مجاوب رفع تك حاجب ونزل اخذ غراضي خلهن بيدي وراح وكف يم ابو مهند السايق اني فتحت السيارة وصعدت كبل على ميس كتلها منو هذا كالت لج شبيج الولد الي كال عليه ابو مهند كتلها عزة لج طحنته حتى معتذرت
ميس.عزة بعينج شبيج ولج
تنسيم.عوفينه هسه ليش واكفين
ميس . عمو ابومهند خابر ابوج حتى يتعرف على الولد
تنسيم.عزة لج واني فاتحه الكفشه
ميس .هسه من شغله لفي كبايه علما نطلع
تنسيم.واني داالفه اجه بابا يتمشه
الاب.السلام عليكم ....عاكد الحاجب
ابومهندووسيم .عليكم السلام
ابو مهند .اعذرني شيخ اتصلت بيك هيج وقت بس حبيت اعرفك انو اني راح اخذ شيخ وسيم وياي بلخط مال بنات اذا ميزعجك هذا الشي
الاب .....
وسيم .اهلا وسهلا شيخ اعرفك بنفسي اني وسيم احمد الفياض شيخ العشيرة الفلانيه والدي الشيخ احمد الفياض جبير عشيرتنه واني من بعده بعد عمر طويل اني من العمارة وجاي ادرس بغداد
......فاصل ونواصل
خل اعرفكم بنفسي اني وسيم احمد الفياض ال .. .. شيخ عشيرة الفلانيه عمري ٢٦ هسه تكولون شلون طالب مرحله اولى كليه وهيج عمرك وشلون شيخ اني اكللكم اني درست بلخارج قانون حسب رغبة الوالد بس اني احب المحاسبه لمن خلصت دراستي ورجعت ابويه خيرني يااما اتزوج بنت عمي وهاي من سابع المستحيلات لان جنها دعبله سمرة وسمينه وخشمها بي كيلوين والاكبر من هذا بي حباية بكد الحمصه ويااما اصير شيخ طبعا قبلت اصير شيخ لان اعرف امور العشيرة وايضا شرطت عليه انو اكمل الكليه التعجبني بغداد هاي طبعا حتى انهزم ٤سنوات من سالفة الشيخه والمشاكل مال عشيرة وعندي امي و٦ خوات بعد وحميدة وياهن امي مرة فقيرة بس مشكلتها تريد تزوجني بنت اخوها الي عايشه يمنه حميدة بس اني حاسبها اختي لان ربت عدنا ومتعجبني ممتعلمه وافكارها تختلف عن افكاري بغض النظر هي موحلوة وخواتي ٤متزوجات ولد عمومتي وحده مخطوبه لابن خالتي الوحيدة والصغيرة تدرس طالبه كتلها خلصي سادس واخذج يمي هسه رجع للحاظر اني كاعد بيت ابوي اخذه هنانه الي حتى اكعد بي وهو هم يكعد بي من يجي هنا لبغداد وعندي سيارة بس اضوج من الزدحامات فقررت اسجل خط ملكيت على منطقتنه بس سيارتين خط وحده بيهن ابو الخط رجال جبير اسمه ابو مهند جلب بيه ومحبيت اكسر خاطرة فكال لازم تتعرف على ابو وحده من البنات شيخ ويخاف على وحيدته كتله ماشي هسه نرجع للشيخ
الاب .اهلا وسهلا اعرف ابوك انسان محترم كل الهلا تشرفت بمعرفتك
وسيم. الي الشرف شيخ احنه نترخص لان مستعجلين واتمنى ميكون عندك مانع
الاب.لابلعكس انسان ابن عشاير اامن عليها اكثر واليوم غداك يمنه
وسيم .اعذرنه شيخ غداك واصل و..
الاب. افه ترد عزيمتي
وسيم. حاشه غدانه يمك اليوم
الاب تشرفنه
وسيم النه الشرف من رخصتك صعدت بل سيارة  وبالي كله يم البنيه الي انظربت بيها معقوله اكو هيج بنيه وشلون يخلوها تطلع بلا حجاب هاي المفروض ابوشها فوكاها من انظربت بيه معرفت شجاوب عفتها وفتت كمت احوس اريد اندار اشوفها لاوسيم اثكل انت شيخ والبنات هنه يركضن وراك موانت تفرعقلك بنيه بس مو بنيه ملاك بهل شعر الاشكر الحلو وخظار العيون كزبر جلدي كله وصلنه للجامعه نزلت صارت بوجهي تريد تحجي وانهزمت منها عفتعا خربطت كياني اووووووف ياوسيم شكل ام عيون وسيعه طيحك وانت بنات امريكا ماطيحنك
تنسيم .وصلنه للجامعه نزلت ردت اعتذر منه شو هذا عافني وراح  فرحت الميس جانت واكفه تنتظرني
ميس شبيج ولج دردمين وي روحج خبلج الحلو
تنسيم .شكد مغرور نزلت دااعتذر منه عافني وراح كبر
وسيم رجعت اخذ ملزمه من السيارة قبل ليروح ابو مهند واسمعها تكول لصاحبتهة شكد مغرور دااعتذر منه عافني وراح كبر كلتلها بداخلي اني اعلمج بسيطه شفتها وكفت دطلع شغله من جنطتها اتقربت منها كتلها اني مو مغرور بس جمال عيونج خربط كياني عفتها وفتت شفت صديقتها كاعدة وبصفها كرسي فارغ كعدت ورة الكرسي الفرغ كلت اكيد الها
تنسيم .وكفت اطلع التلفون اخلي صامت اسمع واحد يكلي اني مومغرور بس جمال عيونج خربط كياني انداريت عليه بعصبيه عافني وفات وهاي ثالث مرة يسويها طبؤت للقاعه لكيت ميس كاعدة وهو كاعد بلكرسي الي بضهري رحت كعدت بل كرسي وفتحت شعري ورجعته ليورة
وسيم اجت كعدت وانفتح شعرها ورجعته ليورة كفخني عطرها وشعرها نزل من رجلي للكاع احس روحي انسحبت وياه كمت مااريد بس اشم عطرها كون ميروح هاي شبيك وسيم معقول انعجبت بيها شدعواك هي قبل ساعه عرفتها هيج تسوي بيك واسمع ثنين وراي واحد يكول شلون شفه والثاني يتغزل بشعرها اني احس بركان وطلع من عيوني
انداريت عليهم كتلهم تخصني الي اسمعه يحجي بيها همس بينه وبين نفسه امسح بي الجامعه واكتله واحسب الله ماخلقه عاد همه استاذنو وطلعو
تنسيم .كاعد واسمع صوت وسيم يكلهم تخصني معرفت عليمن بس ضجت انداريت اباوع ٢ ولد طلعو ورجعت انداريت اسمعه تقرب يكلي لو لامه كفشتج جان مظطريت انزل نفسي لزبايل احاجيهم
وسيم .شفتها تباوع وندارت تقربت منها كتلها لولامه كفشتج جان مظطريت انزل نفسي لزبايل بعدهي محاجيه وطلعت من المحاظرة
تنسيم .ميس امشي دروح للحمام
ميس. امشي
تنسيم .وصلت للحمامات وانهاريت بجي كتلها شمسويه اني وهيج وهيج صار هذا شعري وراح اظفرة حتى اخلص
ميس .احسنلج هيج ضفري وامشي ناكل
تنسيم .ظفرت شعري ورحنه للنادي
وسيم رحت كعدت بل نادي اني واسامه صديقي لكيته هناك كعدت افكر ليش هيج سويت ساعه اكول من غيرتي متحملت احد يحجي على مرة ساعه اكول صوجها مطلعه شعرها ساعه اكول وانت شعليك صارت حرب بداخلي لحدما شفتها دخلت مسوية ضفيرة تخبل طالعه وعيونها وخشمها احمر وخديداتها فدوة تخبل ارتاحيت على الرغم من انو اني الي ساعات من شايفهة بس احسها تخصني احس عيونها وشعرها ملكي مااعرف شنو هل احساس
يتبع