سرقتم طفولتي

#بارت 6

ياسمين :بعد ماخلصت الليله الاولى كمت الصبح غسلت وبدلت لگيت اركان بعده نايم گعدته حته ننزل لان أكو خطار دخل يغسل وآني حطيت مكياج خفيف ولبست گلبيه بيضة ومطرزه بذهبي ولفيت شالي لفه حلوة. لأن عمامه وخواله جايين ونزلنه آني وياه ودخل للاستقبال يم الزلم وآني يم النسوان ..

لگيت أمي وخواتي جايبين الريوگ رحت بوستهم وأبچي عبالك سنه مشايفتهم ....

فاتت عمتي من يمي گالت هاا بشري صار حمل لا؟؟كتلها ياا عمه شبسرعه لحگت حته تسإليني هو البارحه عرسنه 😳😳النسوان ضحكن وهي خزرتني وطلعت من الغرفه ...وره شويه راحوا أهلي وضليت كاعده يمهم بس محد يحچي وياي كل مجموعه گاعده سوة ...وآني جعت آخر شي إجتي أخته الچبيره هاي متزوجه اسمها سهى شويه زينه جابتلي صينه بيها أكل وكعدت يمي أكلنا وشويه ضلينا نسولف وبعدين صعدت لغرفتي لان تعبت خليت راسي ونمت 😪😪😪

مرت سبعة ايام آني عله هالحال انزل يم الخطار أجامل ولان عروس وماخلولني عماته أمد إيدي عالشغل لأن ميصير..

أركان علاقته بيّة عاديه يسولف وياي أشياء بسيطة بس من يتقربلي ..وآني بعدني ماأعرف بالأمور الزوجيه فعبالي عادي بس أحس بي ميحبني وخلصت إجازته وراح يداوم ومر عله عرسي ثمن أيام

گعدت عله صوت عمتي تصيح عليّه كتلها صبااح الخير عمه ّ
ام اركان :وعمه العماچ گومي ادب سز ماعدنا نوم للظهاري منين جايبيچ من قصر شو إنتي بت فگور ماصدگوا أهلچ يزوجوچ ويخلصون يله بسرعه گومي عزلي البيت

گمت ودموعي عله خدي ابچي واشهك ليش هيچ تحاچيني إستهضمت عله نفسي حيل 😔😔

بلشت بتنظيف البيت مگلوب گلاب من الخطار وهوسه العرس وخلتني وحدي أشتغل وراحت لغرفتها هي وبتها الصغيره إسمها مها أكبر مني بثلاث سنوات بس كلش حقيره وياي وشايله خشمها

غسلت البيت كله الغرف والبردات حته الحيطان خلتني أغسلهن والمطبخ كلها نظفته وطلعت للحديقه شكبرهااا غسلت الطارمه ورشيت الزرع طبيت للبيت أحس ظهري متكسر هلكت من التعب داأريد أصعد لغرفتي گلتلي عمتي ...

أم أركان :گعدت من الصبح بس طلع أركان وابوه گلت الا أهججها خليتها تشتغل البيت وحدها وصدگ ماحچت شي نظفت البيت وغسلته كله حسيت بيها تعبت بس ماأرتاح الا لمن تتطلگ 😠😠رادت تصعد فوگ كتلها هَي وين موّليه روحي إطبخي مابقه وكت .. گالت ماأعرف اطبخ شي

هنا آني لگيتها فرصه أطفي ناري بيها گمت أغلط وأسب عليها وموتتها كتل الى أن إجتي مها بتي وخرتني عنها گلتلي عيفها يمّه لتعبين گدامچ العمر كله يوميه ساعه أضربيها دفعتها وهي گامت تزحف وصعدت لشقتها

ياسمين :بعد مادخلت للبيت اريد أصعد أرتاح عمتي گلتلي وين موّليه كتلها عمه خلصت كلشي گالت روحي إطبخي ماضل وكت گتلها آني مااعرف أطبخ لان صدگ آني ببيت أهلي مجنت أطبخ أمي تطبخ كل إسبوع وإحنه علينا بس التنظيف

أشو گامت تغلط وتفشر آني ضليت صافنه بوجهها هي بعد ماأتحملت جرتني من شعري وترگع بيّه بالگاع وتدفربرجلها عله بطني وظهري وتهبد عله راسي وآني مكرفسه روحي جوّاها أبچي أتوسل بيها تعوفني ماكو ...الى ان إجتي بتها وخرتها وضلت تحچي وياها لتتعب ويوميه تخصصلي ساعه أنضرب بيها 😭😭زحفت لشقتي زحف لان كل جسمي مكسر من الضرب وصلت للغرفه ضليت نايمه بالگاع وأبچي وأناجي ربي ...ياربي آني شسويت حته هيچ يصير بيّه مو تعبت ماسويت شي حته هالضرب كله 😔
وره شويه دخلت مها گالت اذا حچيتي شي لأركان راسچ أكسره خاف أمي تتعب آني ماعندي شي أتفرغلچ وتفلت عليه وطلعت 😔😔

كمت طبيت للحمام أغسل وضليت أبچي أحس راسي راح ينفجر من البچي والالم بعدين طلعت داأمشط دخل أركان سلّم علية چان تعبان حيل مدد عالچربايه بملابس الشغل بعدين إندكت الباب فتحتها دخلت مها بإيدها صينيه أكل وگالت أمي تكول خلي العرسان براحتهم خاف تستحي العروسه وحطتها عالميز وكرصتني من خدي گرصه خفيفه وطلعت 😳😳
آني تفاجأت منهم گدام أركان شي ومن يطلع غير شي حسيت بالأمان من يجي گلت خلي أگله مادام يخافون منه بس ضليت مترددة

المهم تغدينا ودخل اركان يغسل وآني غسلت المواعين ورحت مددت عالچربايه ااااااه أحس ظهري مقسوم قسمين بس ماأگدر أحجي لأركان لا أنكتل مره ثانيه سكتت 😞

دخل أركان راد يقتربلي بس ماكدرت أتجاوب وياه گلي شبيچ كتله ماريد هسه مابيه حيل 😓😓
أركان :دخلت عليها لگيتها ملاك ومدد تقربتلها بس ماتجاوبت وياي وگالت ماريد مو هسه ...

كلش ضجت منها 😡😡

ضربتها وضليت أصيح ولچ إنتي شنو وترفضين خاف صدكتي أحبچ وأدللچ آني مالي خلك النسوان وهالسوالف شوكت ميعجبني آخذ الأريده فهمتي لو لا آني أريد طفل منچ لا أكثر ولا أقل وهنا إنتي خدامه لأمي شتگول تنفذين وأخذت الي أريده منها بالقوه ...

ياسمين :بعد الي سواه أركان ضليت أملخ بروحي وأبچي أدعي الله ياخذني وأخلص 😭😭
خابرت عله أمي تجي تاخذني أمي ضلت تهديني وتسكت بيّه وآني أبچي شويه وإنجرت السماعه من أمي وعمّار يگلي والله لو إجيتينه زعلانه أشرب من دمچ والله أخبلِّچ وضل يفشر عليّه وطبگ التليفون بوجهي 😭😭😭
هنااا حسيت مالي أحد بالحياة گلت أسايس وضعي لان ماعندي غير هالحل 😢😢

واستمر وضعي ببيت عيالي خمس شهور يگوموني بضربه ويگعدوني بعيطه عمتي ومها
أركان ماله علاقه بيه ويشرب وعنده علاقات كومه وياخذ الي يريده مني بكل عنف ووحشيه 😩
فديوم عمتي عالغده گالت شو لسه ماحبلتي أركان خزرني گتلها ماادري عمه گالت خوش العصر آخذچ للطبيه ...

#زينب الموسوي

لحكايتي بقيه .....