صدفه

اللقاء(صدفه)

راح اخذكم وياي اليوم لمحطه مال قطار لان تعرفون اني طالبه واروح وارجع بلقطار  ها صدك منين راح تعرفون😁
خل اعرفكم اني اسمي فيروزه طالبه مرحله أولى كليه علوم  قسم حاسبات اداوم بالبصره واني من
سكنه ديالى واليوم قررت ارجع للبيت صارلي شهرين ماشايفه اهلي واشتاقيت الهم كولش اهواي واخاف اطلع وحدي صديقاتي عدهن امتحانات كورسات واني بعد مااتحمل كلت اتوكل ع الله  واطلع بلقطار هم انتوا وياي وهم امان اكثر هم يله خل نطلع بسرعه لان القطار يحرك الساعه ب٦ العصر ومابقى وكت يله بسرعه بسرعه
اوكف عمو واشرت بيدي لابو تكسي
السلام عليكم
عليكم السلام
عمو توصل محطه القطار
اي بنتي اتفضلي
عمو شكد تأخذ
ههه اتفضلي بابا شكد ماتردين
لا عمو رحم الله والديك خمسه كافي
انعم الله بنتي
صعدت ويه عمو هو رجال جبير مشيب مبين عليه متعوب خطيه وكولش حباب بس اني مااستلطف الناس اخاف منهم اشك نيتهم مو زينه وياي
السايق بنتي انتي طالبه مبين من جنطتج
فيروزه اي عمو
سايق يامرحله
فيروزه اخاف اكوله أولى ويستغلني خل اكوله رابعه حتى ماله شغله بيه (تحجي بكلبهه)
عمو رابعه
سايق الله يوفقج بنتي
اني عندي ابنيه تداوم ببغداد وشفت بيج بنتي اسف اذا لحيت عليج بس مشتاق لبنيتي صارلي اسبوع من شفتهه
فيروزه  اسبوع هههه وهيج مقهور
الله يساعد  كلبي شهرين ماشايفه اهلي
سايق حيل ابنيتي الله يساعدج يله بنتي وصلنه انزلي حتى تلحكين ع القطار
فيروزه رحم الله والديك عمو اتفضل كروتك وابريلي ذمه عمو شكيت بطيبتك
سايق هههه مبريه بويه  حرامات الناس بهل وكت مالهه ثقه عفيه عليج لا تثقين بااحد الله  يبارك بيج مع سلامه
فيروزه مع سلامه
شفتوا عمو شكد حباب وطيب همه ذوله أهل بصره ذهب احبهم 😘😘😘
يله خل اصعد القطار وادور مكان الي وانطيت تكت وكعدت شويه واجت مجموعه شباب كعدوا بلبصفي وهوسه وبس يسولفون واجت ابنيه كعدت يمي من اهل بغداد سبورتيه تخبل اول ماكعدت اتعرفت عليه...