نور بنت(انتو احكمو على درجه جماله حسب زوق كم😘) لونها ذهبي ذي شروق الشمس بشرتها صافيه شعرها لنص ظهرها لونه بني مايل للحمره متوسطه الطول والحجم عندها غمازات واضحه عيونها فيهم براءه شديده هادئه رزينه تخاف من الشباب بشكل عام.
تخرجه من الثانويه وهي ما بتعرف من أمور البنات غير لف الطرحه😝(حتى الطرحه كانت بتلفها غلط).
التحقت بي كليه الهندسه قسم العماره😎 كانت أكبر أحلامها انها تصاحب بنات مجنونات يمرقو كتير ويضحكو يعني من الاخر نفسها تعيش حياتها😍.
عايشه مع أهلها اسره غايه التحفظ بحترمو العادات والتقاليد بخافو شديد على سمعتهم وسمعت بنتهم💜 بس هي فاهمه تحفظهم الشديد انو عدم ثقه.
بس اي بنت لو هي في نفسها ما مقتنعه انو التحفظ دا صحيح بتعمل ألفي بالها.
لاكن في حدود فرضتها تربيتها
اول يوم في الجامعه مشت مع امها كانت متحمسه شديد لي مجتمع جديد وثقاف جديد هي العمرها ما ركبت المواصلات الا في اليوم دا😓.
طلعت السلام في اتجاه القاعه وهي مليانه طاقه تشغل بلد اول ما وقفت في باب القاعه شافت حاجه عمرها ما شافتها كميه من الشباب وعدد بسيط من البنات😳
نور (تتكلم مع نفسها) : اناا... كيف ها دخل في نص الناس دي. 😳😳
ورجعت خلف ونزلت السلام وكل الشجاعه الكانت طالعه بيها السلام اتبخرت😨 وجرى على المكان الأمها كانت فيو
نور 😭😭(وهي الدموع ماليه عيونها): ماما انا ما عايزه احضر الليله منكن نرجع
امها (وهي بتضحك) :مالك يا بت الحصل شنو خفتي من كميه الناس صاح 😅
نور : ما بطلع تاني عليك الله ارح البيت 😢
امها (😂عايزه تموت من الضحك على بتها العوير) من بعيد شافت بنات نادتهم ولي حظها طلعت وحده جايه مع أخواتها وبرضو بتقراء معمار
البت قعدت مع نور شويه وتعرفت عليها اسمها رغده خضراء قصيره وممتلئه لافه طرحتها بطريقه بدل على أنها ما مهتمي بمظهرها انفها وعيونها وفمها كلهم صغار وعندها خدود مليانه اتفقوا هي ونور انهم يدخلو المحاضره مع بعض وفعلا طلعو ونور جمعت شجاعتها ودخلت المحاضره مع رغده وهي ماسكه يدها.
مر اليوم كويس والمحاضره كانت حلوه نهايه اليوم اشترو اكلهم ودخلوا الاستراحه بعد شويه نور جاها اتصال من محمد اخوها الكبير (صاحبها وحبيبها وهي دلوعتو)
نور(بي فرحه) :الوووووووو
محمد(وهو بيضحك) :الجباااااااااانه مشتاقين
نور :اممممم لحقت كلمتك ههههههه
محمد: ياخ امك فضحتك في الحله الليله نسوان الجيران الضحك شرطهم فيك
نور : لا لا ما تقول لي اصلا بتحب تتونس بي هههههه
محمد : لاكن انتي بالغتي انا ربيتك كدا هههههههه جبانه درجه اولى
نور : ههههههه الله يسترها على الليله
محمد :أها خلصتي يا نونو (دا اسم الدلع)
نور : اي خلصت
محمد : تمام انا قريب خمسه دقايق وبكون جمب الباب تمام
نور : لا لا لا الليله انا عايزه امشي بي المواصلات
محمد :لا لا انا جايك
نور : محمد عليك الله خليني اجرب وانا عارفه الطريق
محمد :افففف منك كويس بس ما تضيعي وخلي بالك من نفسك وما تتكلمي مع زول ولو رحتي.........
نور (قاطعت) :حاضر وها اتقتا وانوم بدري هههههههه
محمد : نوووووووور (بي خوفه)
نور : حاضر حاضر ما تخاف على اخوك راجل
وفعلا طلعت وركبت المواصلات ولمن الكمساري تطقطق للقروش خجلت تديه الفكه مع انو عندها فدتو خمسين وابت تقول الباقي وسكتت هي ساكنه أمدرمان والمواصلات ماشه والسكه طويله ونور ما عايزه تسأل وبعد مسافه العربيه وقفت والناس نزلت بقت تفتش في مواصلاتها ونست اسم المواصلات قالت خلاص اركب أمجاد اتذكرت انها ما شالت من الكمساري الباقي شاف تلفونها ما فيهو رصيد عيونها بدأت تتملي دموع بقت تسأل في الناس انو هي وين فكانت المفاجئه انها ركبت مواصلات غلط واسي هي في المحطه الوسطى بحري دموعها بدت تنزل
لول عايزين اتمها بس اكتبو تم انا لسا بكتب فيها ودي اول كتاباتي (برضى بي أي نصيحه مهما كانت ) يا رب تعجبكم
