Bago mo kami isinilang sa mundong ito
Laking hirap ang dinanas mo
Siyam na buwan kami'y dala-dala mo
Walang katumbas ang iyong sakripisyo
Para sa ami'y gagawin ang lahat
Walang paki-alam kahit magkasugat
O gumaspang man ang iyong balat
Kahit katawan mo ay pumayat
Sa kabila ng aming katamaran at kasutilan
Andiyan ka para kami'y pagsabihan
Kami'y hindi mo pinapabayaan
At palagi mong ginagabayan
Pagmamahal mo'y palagi mong pinaparamdam
Mga halik at yakap ng isang ina
Na halos lahat ng bata ito'y inaasam
Sa ami'y lagi mong pinapadama
Anumang problemang iyong kaharapin
Ika'y hindi pa rin sumusuko sa amin
Laking pasasalamat at nandiyan ka pa rin
Hindi nawawala sa tabi namin
Hindi man namin masabi ng harapan
Ito'y idadaan na lamang sa ganitong paraan
Pagmamahal namin sa iyo sana'y maramdaman
Sapagkat sa puso namin ika'y nag-iisa lamang
Para kay nanay, pagmamahal na tunay
Ipaparamdam sa iyo ng walang humpay
Magkaroon ng isang tulad mo'y tagumpay
Pahahalagahan at aalagaan ka ng habambuhay
Aming man hindi masabi ng diretso
Pero ito'y mula sa aming puso
Ipaparamdam namin sa'yo ng buong-buo
Isigaw man sa buong mundo
Sa araw-araw nating magkasama
Hindi man masabi ng diretso sa iyong mga mata
Ito'y sana iyong laging pagkakatandaan
"Mahal ka namin, Mama!"
