فقره عندج علم 😙😙😙😙😙😙😙
١- فكري بنفسج بهاي اللحظه وانتبهي شلون يمر الوقت عليج وانتي مضيعة نفسج بالهموم والتفكير والقلق واذا ع المشاكل تره ماتخلص راح اكون انانيه واكولج فكري بنفسج ((وبسسس)) والاقصدة راحة بالج وصحتج 😘 سواء متزوجة او سنگل
عندج علم انه ابر او اية منتجات لتحديد جنس الجنين قد تؤدي للوفاة ديري بالج ضربين إبرة او تأخذين منتج لهذا توكلي على الله ولا ديرين بال وخليها على الله أدعيه يرزقج بولد
٢- انتي يحلوه❤️😍 أُكلي الي يعجبچ ☺ البسي الي يعجبج والي يناسب جسمج وشخصيتج 👗👘👚 لأن اول وتالي الناس مايعجبها العجب 😏😏خوش خيه
٣- ولج حسيتي نفسج مخنوكة أبچي ماكو داعي للكبرياء ترة ماكو احد مايبچي 😢 😢ياا شبيج ولج تره الدموع زينه للعيون تنضفهن وترتاحين
٤- ولج خايبه حسيتي بيوم تريدين تصيحين من الفرح 😅😅 صيحي وكأنو محد ديسمعچ️🤦♀️ فكري بنفسچ اول شي وخلي ابالج ترة محد يدوم لأحد أنولدتي وحدچ 👼👼 وراح تموتين وحدچ ⚰️⚰️ وراح تتحاسبين وحدچ✋.
..وتحطين مكياج وتلبخين وحدج
٥-ولج انتي الي يفهمچ غلط مشكلتة وكافي تبررين افعالج وتصرفاتج لان الي يعرفج زين مايحتاج تبرير منج والي ناوي يطلعج غلطانة ماراح ينفع وياه كل تبريرات الدنيا 😵😵
٦- ولج الي يسأل عليچ شووكت مايريد جاوبي شوكت ماتريدين خلي همچ الوحيد نفسچ وبس .😌 كافي اهتمام بالباقين وناسية نفسج 💔💔
٧-لج اذا جنتي غلطانة بحياتچ هواية المفروض تتعلمين من اخطائچ وماتكرريها واعتبري كل يوم هو فرصة جديدة✋..
٨- لج حمديه مو ضروري تجبرين أحد يحچي وياچ لان الي يريد يحچي وياچ ماكو شي يمنعة اذا يريد فعلاً ممكن يخلق فرصة من العدم
٩_ولج الي يكرهچ اضحكي بوجهه حتى لاتصيرين مثله 😄 بهالحالة انتي الي راح تستفزي
١٠- لج خيه مو يكولون الدنيا يوم الك ويوم عليك ؟؟؟ لا خليها كلها الچ .. كل شي بأيدچ وبأصرارج وذكاءج طبعاً كافي الايام الي فاتت من عمرج كلها جانت ضدج...
+دعواتكم الي بتحقيق حلمي هلو حبايب
