سارة....يوم بعد ما أرجع اذاني حيل😭😭
مامة. ..اي يوم صار منرجعج لو يموت اهدي ماماتي أهدي يروحي
سارة بقيت ابجي مدري من الوجع مدري من احمد واذيتة يمة شايفة عيونة من يختزر ايموت خوف يوم
ورة يومين رجعت للبيت واهلي فرحو بية حيل بس عندي دوخة قوية
العصر اجتنة عمتي وسلمت علينة وفرحت بسلامتي محسيت ألا أحمد دخل للغرفة بدون أهلي ميدرون لأن أمي بالمطبخ وابوية بالشغل أني شفت عيونة والضحكة مالية وجهة بس خزرت عينة اتذكرني من ظربني 😡خفت حيل غطيت راسي بايدية وكمت اعيط وابجي حباب لتضربني والله مسويت شي هية ضربتني وآلله
والدي ....سمعت صوتها تبجي وتتوسل تخبلت دخلت لكيت أحمد لا ياحقير يا نذل شعندك جاي وضربتة وطردتة
سارة ....بقيت يم اهلي أسبوع والناس كامت تسأل شعدهة رجعت توهة تزوجت شصاير وحجي الناس الي ميرحم أمي وبابة اتفقوا أروح لبيت خالتي ورحت لبيتهم لسليمانية لأن تعبانه أريد أرتاح طبعا مصعب ابن خالتي وردة جان وياية بالجامعة بس هوة مهندس ميكانيك بس سبورتي حيل ويونس ويحشش
بقيت 2شهر يمهم وبهل فترة اتعالج ومكعدت راحة كملت الجهاز إلي علمودة طار نص راسي😂😂 وسمنت شوية🙈وصرت احلى لان غمازاتي وضحو أكثر لان بهذيج الفترة كنت تعبانة 😢وضعيفة وساعدني مصعب بالشغل لأن عندة معلومات هواية والله يا مصعب اجيت والله جابك كملتة للجهاز وضميتة
قررت أطلب طلاكي من أحمد واكمل حياتي بالفعل قدمت طلب بالطلاق منة بيومها بالليل 26-6 اجانة أحمد وتعارك وية والدي وميقبل يطلك وطلع عصبي ويجدح نار ويصيح أو تموت متطلك مني
بابة ...مو بكيفك البنية متريدك
أحمد. ..أني اريدهة واحبهة ومرتي وبكيفي
بابة. ..أمشي أطلع برة لازم تتطلك منك خلال هل الإسبوع فهمت لو لا
أحمد ...هههه عود الله كريم
خزرني وطلع وأني كل هذآ ولا كلمة حاجية عمي أخاف منة أذا هوة بجف ايدة يلزكني بالحايط يسويني صورة 🎆
ثاني يوم وصلني مسج 💬
حبيبي ما اطلكج لو تموتين وأني راح اللتحق سلميلي على عمي وكليلة الاسبوعين الجايات أني أصلا بالواجب هههههههههه
نزلت كلت لوالدي وصار عصبي وبقيت اشتغل وعرضت جهازي والحمد لله اخذت براءة اختراع ووالدي فرحان بية وبيومها كذلك اجتني رسالة من أحمد💬
حبيبي اليوم طالع تخبل عبالك ما أدري وين دتطلعين وج أني مو عيوني التشوفج كلبي اليشوفج بس هذا ثوبج ممنوع بعد تلبسينة رجليج طالعة وما أريد احد يلاحظها ترى اكسر رجليج والأخضر ممنوع منعا باتا ينلبس اي شي اخضر ما أريد أحد يشوفج بي
سارة ...خفت حيل يا الله هذآ شمدري بيه هاي باوعت لنفسي لا ياربي خرررب بس هذآ وين شافني😨😔😓 اني عايزة خوف
اشوية ووصلتني الثانية💬
حبي لتخافين ولتتلفتين هيج الناس انتبهت عليج أني بعيد عنج لتخافين 😂😂😂 ما أكل بشر
سارة. ...لا وآلله انتة تآكل بشر وبعد لتراسلني ارجوك عندك حجي حاجي والدي وغلقت الفون من الخوف
بقيت 6اشهر ياربي لازم اكو حل اليوم ينزل احمد وأني اخابرة واحاجي بلكت يقنع ويطلكني
خابرت ب9 يوم 5-12
سارة. ..السلام عليكم
أحمد. ...وعليكم السلام (بكلبي اركص فرح)بس ما ابين الهة
سارة. ...احمد ارجوك خابرت أريد أوصل لحل وياك اني تعبت
أحمد ...والله اني هلكت (بعدني ممكمل كلام )
سارة. .. اني اريد اطلك
أحمد. ..إنتي صدك تحجين وج ما اكدر اطلكج
سارة. ..وليش متكدر
أحمد. ..سارة أذا أنتي مصرة على طلاكج هاهية باجر اطلكج
سارة. ..صدددك والله شكرا الك
سارة محسيت فرحانه بكد ما جنت أتمنى اطلك لأن تعودت يراقبني شنو ألبس شلون أطلع مثل ضلي
أحمد غلقت الفون وطلعت بالسيارة اسوق وسريع حيل واصيح وج احبج افهميني احبج
إني علمتج اتلعبين طوبة تتذكرين فانيلتي إلي لبستيهة من جنة نشرب عصير وبديتي عليج ولبستي فانلتي وج لهسة ضامهة 😢😭وج أني إلي ما ابجي وما انهز هيج يصير بية تتذكرين شعرج من نلعب ويطير وأني ألفة بايدي حتى ميجرج منة علاوي اخوية ما اريدج تتاذين هيج اتاذيني أخ أخ اخ محسيت ألا أني بالمستشفى
سارة. ..بليلتها منمت للصبح عبالي فرحانه لان باجر ايطلكني ورة يومين اشو هذآ ماكو لاورقة ولا أحد اجانة جذذاب الحقير ميقبل يطلكني خابرت علية
سارة. ...آلو
رجال ...ألو السلآم عليكم اختي
سارة ...منو حظرتك
رجال. ...أختي أنتي شنو تقربين لصاحب الفون
سارة. ..هاا هاا زوجتة ...ما اددري ليش كووة لفضتها
رجال ....أختي الولد بالمستشفى ومحد يمة لان ملكينة اوراق ثبوتية عندة بس الفون وبي رمز وأنتي اتصلتي وعرفت زوجج
سارة. ..أحمد شبي شصاير
رجال. ..أختي سوة حادث صار يومين ولحد الأن محد يعرف عنة شي وحتى اسم حظرتج منعرفة بس كاتب على رقمج رويحتي احنة بمستشفى ****
سارة. ..شكرا عمو احنة جايين
طلعت نطيت خبر لاهلي وراح والدي لبيت عمي وكللهم
أني طلعت كبل للمستشفى وشفتة خطية هذآ الجنة غول هيجي مكسور وعبالك كبران وضعفان
اجوي اهلنة وملاك تعيط علية من وراج اخوية راح يموت ارتاحيتي أني عفت الهوسة رحت لحديقة دا اتنفس اجتني عمتي وحجينة
عمة ....سارة اسمعيني زين
سارة. ..شنو عمة تفضلي
عمة ...بنيتي احمد يحبج ميقبل ايطلكج
سارة. ..عمة شيحبني وهوة بس يضرب ويكتلني ايريد ينتقم مني عبالة عندي شي وية سامر
عمة ....تعاي احجيلج كلشي بنتي أحمد يحبج من جنتو أطفال وتلعبون سوية وهوة مرة شايفج من طالعة من المدرسة من جنتي بالثالث متوسط ومعرفتي اجاني ويكول
Back
أحمد ...وج يوم شفتها لرويحتي
عمة ...اسم آلله شبيك يمة
أحمد. ...يمة مدري افرح مدري ابجي
عمة ..خيرك ابني احجي وحدة وحدة
أحمد. ..اليوم من رجعت من دوامي فتت من مدرسة سارة و بقيت اباوع بلكت اشوفها و اعرفها صح صار 4سنين مشايفهة بس تمنين اشوفها واعرفها وشفتها تدرين يمة شلون عرفتها
عمة ...شلون عرفتها يعيون أمك.
أحمد. ...من غمازتها 😍
العمة ....هسة الفرحة وعرفت السبب ليش تبجي
أحمد. .يوم معرفتني هيج شكلي متغير يمة شافتني اباوع عليها خزرتني وراحت
عمة ....اي يمة طبعا متعرفك كبرتو وانتة تغيرت ملامحك جنتو أطفال ومن الزينات خزرتك يعني ثكيلة ومؤدبة
أحمد. ..مامة أحبها وراح اصير ضابط حتى احميها من الناس
عمة ....لعد مو تريد الهندسة
أحمد ...لا يوم بطلت اريد احمي حبيبتي لأن حلوة وللناس تباوعلها
نرجع للواقع
العمة ....بنتي هل كلام لحد هسة تعالي للبيت اريد اشوفج شي
سارة. ..هزيت راسي بمعنى ايي
طلعنة للبيت وصعدنة لغرفة أحمد والي هية جانت غرفتنا وهناية انصدمت
