بـعد صبرا يأتي الأمل

6

بُـعد مدة وصلو للعيادة
دخلو
ضياء:-مرحبا
السكرتيرة:-اهلا تفضل
ضياء:-عدنه حجز
السكرتيرة:-باسم منو
ضياء:-ضياء
السكرتيرة وهيه تباوع على تابلت:-اي عيني موجود انتضرو دقائق
ضياء:-اوك
كعدو على كراسي موجودة داخل العيادة انتضرو دقائق طلعو من غرفت الدكتورة مراجعين
السكرتيرة:-ضياء
ضياء:-نعم
السكرتيرة:-تكدر تدخل
دخلو ضياء ومسره الغرفت الدكتورة كعدو على كراسي كبال الميز
دكتورة:-شنو مشكلتكم
مسره بقلق:-صارلنه من مزوجين ٨ اشهر ولحد هسه محبلت
دكتورة:-اها طيب ضياء انت روح للطابق العلوي اخذ تحاليل ورجعلي وانتي مسره اخذي تحاليل بالغرفه الثانيه ورجعيلي
ضياء:-اوك
طلعو من غرفت الدكتورة ضياء راح  العلوي ومسره للغرفه ثانيه اجرو التحاليل وبعد 3 ساعات طلعت التحاليل رجعو الغرفت الدكتورة انطوها التحليل
دكتورة وهيه تباوع على تحاليل:-ضياء انتضر برا لحد ما اكمل فحص المسره
طلع ضياء من الغرفه وبعد مدة قصيرة كْٓمـْْـلت الدكتورة فحص دخل ضياء
الدكتورة:-مسره انابيبج الداخلية ثنيناتهم مسدودات اذا منفتحن متكدرين تحبلين
ضياء:-زين شنو سوي حتً تفتحن
الدكتورة:-سوي أشعه ام تحاليلج طلع عندج نقص  بالبيضة  بس لا تخافين حنطيج علاج تستمرين عليه تصعد نسبت البيضه خلال شهر ام آٲنـِِـٌِت ضياء عندك ضعف بس مو قوي والتهابات حكتبلك علاج تستمرون عليه شهر وترجعون اشوف من جديد
كتبت العلاج ونطته الضياء
ضياء وهو طالع:-شكراً دكتورة
الدكتورة:-العفو
طلعو من العيادة ركبو بالسيارة
ضياء:-مسره
مسره بحزن:-ها
ضياء:-هسه من عرفتي السبب ارتاحيتي
مسره بحزن:-اي
ضياء:-لا ضوجين حياتي اجيب العلاج وانتي قرري. تردين سوين الاشعه او لا وايه شي ميضوجج اسوي اني
مسره ببتسامه حزينه:-شكراً حبيبي
وصلو للبيت
ضياء وهو يحرك بموقود السيارة:-دخلي انتي بلبيت واني حروح اجيب العلاج وارجع
مسره وهيه نازله من السيارة:-اوك
دخلت مسره للبيت وراح ضياء يجيب العلاج
تصال....ماما
مسره:-الو
ام مسره:-هلا ماما شلونج
مسره بحزن:-الحمدالله اليوم رحنه للدكتورة
ام مسره بقلق:-اي بشري شنو كلتلج
مسره بحزن:-طلع انابيبي داخليه مسدودة وبيضتي درجته قليله وضياء طلع عنده ضعف بس قليل والتهابات
ام مسره:-ماما الحمدالله طلع بس هيج ولا أزيد ونطتكم علاج
مسره:-اي راح ضياء يجيبه وعلى نسداد كالتلي لازم سوي أشعه وينفتحن يلا اكدر احبل  بس ماما خايفه
ام مسره :-لا ماما حبيبتي لا تخافين اني قبل لا احبل بيج هم سولي أشعه يلا كدرت احبل واجيبج للدنيه
مسره:-صدوك ماما ڵــيْٰـش بس اني الوحيده الكم ليش مجبتولي اخت او اخو
ام مسره:-ههههه عفتي السنين كله هسه يلا ذكرتي من جبتج صار عقم وبعد مكدرت. احبل
مسره:-يعني اني هسه اذا اسوي وأحبل واجيب يصير عندي عقم
ام مسره:-ماما هسه انتي عالجي روحج وحبلي ونسي هذا المواضيع
مسره :-ماما من اروح اسوي أشعه اريدج انتي تجين وياي
ام مسره :-تدللين ...دخل ضياء للبيت
ضياء وهو متجه المسره :-ويه منو تحجين
مسره تنزل التلفون:-ويه ماما
ضياء:-سلميلي عليه
مسره:-ماما ضياء يسلم عليج
أم مسره:-الله يسلمه سلميلي عليه ومن تقررين شوكت ترحين سوين الاشعه خابريني
مسره:-اوك
ام مسره:-يلا حبيبتي باي
مسره:-سلميلي على بابا باي
قطع التصال،.......
مسره:-جبت العلاج
ضياء:-اي انتي حسوين الاشعه لو لا
مسره:-اي حسويه وكلت الماما تجي وياي
ضياء:-واني
مسره :-شنو وانت
ضياء:-ماروح وياج
مسره:-لا ميحتاج عيادة خاصه بنسوان وماما تكدر تدخل وياي انت متكدر تبقه برة
ضياء:-براحتج بس ايه شي تحتاجونه تخابريني وقبل لا طلعون من العيادة تخابريني اجي أخذكم  شوكت ترحين
مسره:-بـعد يومين
ضياء :-باجر تجي امي وبتسام ويمكن خالتي وبته
مسره ببتسامه :-هلا بيهم بس شمدريك
ضياء:-خابرتني بتسام بطريق
مسره:-اها
.
ثاني يوم صبح كعدت مسره من وقت رتبت البيت كعد ضياء مشاف مسره على جربايه
غير ملابسه
ضياء:-صباح العسل شعجب اليوم كاعده من وقت
مسره وهيه متجه اله:- صباح الورد شنو نسيت اليوم يجون اهلك لازم يصير البيت نضيف حت استقبلهم
ضياء ببتسامه خبيثه:-نطيني بوسه
مسره بخجل:-ضياء بطل سوالفك
ضياء وهو يقرب شفايفه الشفايفها:-واذا مابطلت شسوين
قرب اكثر وطبع بوسه خفيفه على شفايفه
ضياء ببتسامه:-لو بيدي جان اكلت شفايفج اكل بس ماكدر ائذيج
مسره بخجل:-روح تأخرت
ضياء :-رايح رايح هههههه
طلع ضياء من البيت
ساعه 12:00ص
دك جرس البيت طلعت مسره فتحت الباب طلعو اهل ضياء سلمت عليهم مسره دخلتهم جوه بالصاله
ام ضياء بخبث:-شخبارج ماكو بشاره
مسره بحزن:-لا عمه لسه
ام ضياء بضوجه:-والله ملينه شوكت نسمع الخبر الحلو
ضاجت مسره كلش من كلام ام ضياء بس كتمت ضوجته
نتبهت عليه بتسام :-مسره صدك شكلتلج الدكتورة
مسره:-شلون عرفتي رحنه
بتسام:-من خابرت ضياء البارحه كلي
يتكلمن بصوت ناصي بس سمعتهن
ام ضياء :-رايحين للدكتورة واني محد يكولي شنو تخافون نحسدكم لو شنو
بتسام:-ماما شبيج عاد سكتي الخاطر خالتي موً عيب
ام ضياء:-تعالي علميني العيب انتي تنجبين وسكتين
بتسام بضوجه:-هو اني هم صوجي
مسره :-عمه بتسام ستهدن بالرحمان عمه اي رحنه البارحه موً قصد تحسدينه او شي بس تفقنه اني وضياء منفتح الموضوع لحد منوصل النتيجه بس
ام ضياء :-كوليلي هـيج من لأول اني يابنتي كلبي مشلوع وقلقانه لين ميصير عدكم اطفال وضياء ميقبل يزوج مرا ثانيه....تتكلم ويه نفسه"عزا سويت خره بلساني"
مسره بصدمه:-اي وليش مازوجتي
بتسام تحاول تهديه:-مسره تدرين بماما مو قصده
مسره بضوجه:-اي صحيح هيه حجيه كله ماله بيه قصد
خالت ضياء:-ام ضياء متكوليلي سويتي تردين تهدمين بيتهم
مسره بعصبيه ونفاذ صبر:-لا خاله عوفيه ترا عمه صوج مو مني الصوج من ابنج فبعد عمه رجاءً بعد لا تفتحين هذا الموضوع المره لخ ترا تعبت مليت كافي تردين ابنج اخذي اني هم بعد ماريدة حاخذ كول غراضي وأفرغ البيت وزوجي ــبْْي ابنج
راحت مسره الغرفته وهيه عصبيه كلش
بتسام :-هسه رتاحيتي من حتهجمين بيتهم كافي كافي عاد
راحت بتسام ورا مسره دخلت للغرفه شافت مسره تنزل ملابسه وتبجي
قربت يمهه خلت ايده على جتفه :-حسبيه عليه ضياء يحبج وميريد غيرج هذا شي كافي تعرفين انو يهواج الج وحجي ماما بموضوع الزواج لا يأدي ولا ايأخر
مسره بجي:-بتسام تعبت واللــــْــْــْه تعبت من الحجي تعبت من موضوع لاطفال تعبت من كولشي
بتسام تحاول تهدي بيه:-من شوفين مصيبت غيرج تهون عليج مصيبتج احمدي ــربج وشكري هذا ختبار من رب العالمين ويجوز يريد يختبر صبركم واللــــْــْــْه كريم وانشاءالله يرزقكم بالتوأم يارب
مسره بيتسامه حزينه وتمسح دموعه:-هههه اريد بس واحد
بتسام ببتسامه:-انشاءالله ترزقون بكومه ١٢ولد ١٢بنت ههههه يلا كومي رجعي ملابسج ألخانه وغسلي وجهج يلا الخاطري
مسره:-اوك
طلعت بتسام من غرفت مسره شافت ضياء
بتسام:-من شوكت هنا
ضياء بين عليه الضوجه:-هسه دخلت للبيت
طلعت مسره من الغرفه شافت ضياء :-ها حـبيبي اجيت
ضياء بضوجه :-اي
نتبهت عليه مسره ضايج
بتسام وهيه تباوع يسار ويمين :-لعد وين خالتي وامي
ضياء:-طلعو وصتني امي اوصلج للبيت
بتسام :-اُهُـُـا خليك انت تعبان اني اروح وحدي
ضياء:-لا متعبان ماقبل طلعين وحدج واني موجود يلا
طلعو من البيت ركبو بسيارة حرك السيارة
مسره :-شبي ضياء ليش هيج ضايج معقوله سمعني من حجيت عليه لا هستوه اجه بَـس لا عمتي كلتله اوف
................................
#ذوقايه