بعد فتره اوس واسراء متفاهمين جدا مع بعض و يوسف لسه مأخدش خطوه فى علاقته مع فرح رغم انه بيحبها وهيه مقتنعه انه بيحبها وهيه بتحبه بس عايزه الاعتراف يبدأمن عنده هو وبالنسبه لندا لسه مش عارفه تعمل اه مع مروان هيه خايفه تدخل فى قصه حب خايفه لحبهم بعد الارتباط ينتهى
فى جامعه ندا ندا .. اعمل اه يا امانى فى المحاضره دى مكنتش موجوده فيها وهيه مهمه جدا
امانى .. طب متطلبيها من مروان
ندا .. لا اشمعنا مروان يعنى
امانى .. يا بنتى هو انسان محترم جدا وبيحبك
ندا .. مفيش حاجه اسمها حب وانا مقتنعه جدا بكده
امانى .. خلاص براحتك بس ياريت تفكرى وبالنسبه للمحاضره سهله ممكن تنزلى بوست على جروب الجامعه وتطلبى الورق من حد
ندا .. اوك يلا سلام
امانى .. سلام
وروحت ندا وفعلا عملت بوست على الجروب بتاع الجامعه ونامت وتانى يوم راحت الجامعه لقيت مروان رايح ناحيتها
مروان .. اتفضلى ده الورق الى انت طلبتيه ونزلتى منشور بيه
ندا .. شكرا
مروان .. العف
فى المحاضره ... الدوكتور .. انا قررت هنعمل اختبار عملى كل 4 هينزلوا مستشفى وهيدخلوا غرف العمليات مع دكاتره متخصيصين وحظ ندا طلع معاها مروان وعمرو صاحبه وامانى
امانى بهمس ليها .. شوفى القدر 😂😂
ندا .. ممكن تبطلى ويله عشان هنروح المستشفى
ووصلوا المستشفى وبعد فتره كان لازم يدخلوا مع الدكتور غرفه العمليات وهما بيعقموا ايديهم وكده كانوا كلهم واقفين سوه
ندا بهمس .. ربنا يسطر
امانى حطيت ايدها على كتفها وقالتلها .. متخافيش
ندا .. هحاول ودخلت
عمرو ومروان متابعين الحوار ومش عارفين في ايه
مروان .. امانى
امانى .. نعم
مروان .. هيا مالها ندا
امانى .. متوتره شويه
مروان .. ليه
امانى .. اصلها عندها فوبيا من الدم ممكن تستغرب طب هيه ليه دخلت طب هيه نفسها تبقه دكتوره بتحاول على اد ما تقدر ان خوفها ميسيطرش عليها بس مش بتنجح عالطول ربنا يسطر بقه
مروان .. طب يله ندخل عشان متبقاش لوحدها
ودخلوا والعمليه بدأت كل حاجه كانت تمام لحد ما ندا شافت الدم كل ده ومروان عينه منزلتش من عليها ندا مكنتش مركزه فى اى حاجه من ساعه ما شافت الدم مروان قرب منها شويه مروان بهمس .. متخافيش حاولى تتغلبى على خوفك افتكرى حلمك وان فى حياه انسان بين ايديكى
ندا بضعف .. مش قادره
مروان .. لا هتقدرى حاولى
وفضل مروان يشجعها لحد ما العمليه خلصت بس ندا كانت تعبانه جدا ومش قادره تنسه منظر الدم واول ما خرجت من اوضه العمليات اغمى عليها مروان كان اول واحد يوصلها وشالها حطوها فى اوضه وحاولوا يفوقوها وبعد ما فاقت مروان بلهفه .. انت كويسه
